໑. ສຄ຺ຄກຓ຺ຑ

໑. ພຸທ຺ໂຘ ທສພໂລ ສຕ຺ຖາ, ສພ຺ພຎ຺ຎູ ທ຺ວິປທຸຕ຺ຕໂມ;

ມຸນິນ຺ໂທ ຠຄວາ ນາໂຖ, ຈກ຺ຂຸມ’ງ຺ຄີຣໂສ ມຸນິ.

໒. ໂລກນາໂຖ’ ນຘິວໂຣ, ມເຫສິ ຈ ວິນາຍໂກ;

ສມນ຺ຕຈກ຺ຂຸ ສຸຄໂຕ, ຠູຣິປຎ຺ໂຎ ຈ ມາຣຊິ.

໓. ນຣສີໂຫ ນຣວໂຣ, ຘມ຺ມຣາຊາ ມຫາມຸນິ;

ເທວເທໂວ ໂລກຄຣຸ, ຘມ຺ມສ຺ສາມີ ຕຖາຄໂຕ.

໔. ສຍມ຺ຠູ ສມ຺ມາສມ຺ພຸທ຺ໂຘ, ວຣປຎ຺ໂຎ ຈ ນາຍໂກ;

ຊິໂນ, ສກ຺ໂກ ຕຸ ສິທ຺ຘຕ຺ໂຖ, ສຸທ຺ໂຘທນິ ຈ ໂຄຕໂມ.

໕. ສກ຺ຍສີໂຫ ຕຖາ ສກ຺ຍ, ມຸນິ ຈາທິຈ຺ຈພນ຺ຘຸ ຈ;

໖. ໂມກ຺ໂຂ ນິໂຣໂຘ ນິພ຺ພານໍ, ທີໂປ ຕຓ຺ຫກ຺ຂໂຍ ປຣໍ;

ຕາຓໍ ເລຓ ມຣູປຎ຺ຈ, ສນ຺ຕໍ ສຈ຺ຈ ມນາລຍໍ.

໗. ອສງ຺ຂຕໍ ສິວ ມມຕໍ ສຸທຸທ຺ທສໍ,

ປຣາຍຓໍ ສຣຓ ມນີຕິກໍ ຕຖາ;

ອນາສວໍ ຘຸວ ມນິທສ຺ສນາ’ ກຕາ,

ປໂລກິຕໍ ນິປຸຓ ມນນ຺ຕ ມກ຺ຂຣໍ.

໘. ທຸກ຺ຂກ຺ຂໂຍ ພ຺ຍາພຊ຺ຌຎ຺ຈ [ພ຺ຍາປຊ຺ຊໍ (ຏີກາ)], ວິວຏ຺ຏໍ ເຂມ ເກວລໍ;

ອປວຄ຺ໂຄ ວິຣາໂຄ ຈ, ປຓີຕ ມຈ຺ຈຸຕໍ ປທໍ.

໙. ໂຍຄກ຺ເຂໂມ ປາຣ ມປິ, ມຸຕ຺ຕິ ສນ຺ຕິ ວິສຸທ຺ຘິໂຍ;

ວິມຸຕ຺ຍ’ ສງ຺ຂຕຘາຕຸ, ສຸທ຺ຘິ ນິພ຺ພຸຕິໂຍ ສິຍຸໍ.

໑໐. ຂີຓາສໂວ ຕ຺ວ’ເສກ຺ໂຂ ຈ, ວີຕຣາໂຄ ຕຖາ’ ຣຫາ;

ເທວໂລໂກ ທິໂວ ສຄ຺ໂຄ [ນາໂກ (ສີ.)],

ຕິທິໂວ ຕິທສາລໂຍ.

໑໑. ຕິທສາ ຕ຺ວ’ມຣາ ເທວາ, ວິພຸຘາ ຈ ສຸຘາສິໂນ;

ສຸຣາ ມຣູ ທິໂວກາ ຈາ, ມຕປາ ສຄ຺ຄວາສິໂນ.

໑໒. ນິຊ຺ຊຣາ’ ນິມິສາ ທິພ຺ພາ, ອປຸເມ ເທວຕານິ ຈ [ເທວຕາ ເອວ ເທວຕານິ, ສກຕ຺ເຖ ນິປຈ຺ຈໂຍ (ຏີກາ)];

໑໓. ສິທ຺ໂຘ ຠູໂຕ ຈ ຄນ຺ຘພ຺ໂພ, ຄຸຍ຺ຫໂກ ຍກ຺ຂ ຣກ຺ຂສາ;

ກຸມ຺ຠຓ຺ໂຑ ຈ ປິສາຈາ’ທີ, ນິທ຺ທິຏ຺ຐາ ເທວໂຍນິໂຍ.

໑໔. ປຸພ຺ພເທວາ ສຸຣຣິປູ, ອສຸຣາ ທານວາ ປຸເມ;

ຕພ຺ພິເສສາ ປຫາຣາໂທ, ສມ຺ພໂຣ ພລິອາທໂຍ.

໑໕. ປິຕາມໂຫ ປິຕາ ພ຺ຣຫ຺ມາ, ໂລເກໂສ ກມລາສໂນ;

ຕຖາ ຫິຣຎ຺ຎຄພ຺ໂຠ ຈ, ສຸຣເຊຏ຺ໂຐ ປຊາປຕິ.

໑໖. ວາສຸເທໂວ ຫຣິ [ຫຣີ (ຏີກາ)] ກຓ຺ໂຫ, ເກສໂວ ຈກ຺ກປາຓ຺ຍ’ຖ;

ມຫິສ຺ສໂຣ ສິໂວ ສູລີ, ອິສ຺ສໂຣ ປສຸປຕ຺ຍ’ປິ.

໑໗. ຫໂຣ ວຸຕ຺ໂຕ ກຸມາໂຣ ຕຸ, ຂນ຺ໂຘ ສຕ຺ຕິຘໂຣ ຠເວ;

໑໘. ສກ຺ໂກ ປຸຣິນ຺ທໂທ ເທວ, ຣາຊາ ວຊິຣປາຓິ ຈ;

ສຸຊມ຺ປຕິ ສຫສ຺ສກ຺ໂຂ, ມຫິນ຺ໂທ ວຊິຣາວຸໂຘ.

໑໙. ວາສໂວ ຈ ທສສຕ, ນຍໂນ ຕິທິວາຘິຠູ;

ສຸຣນາໂຖ ຈ ວຊິຣ, ຫຕ຺ໂຖ ຈ ຠູຕປຕ຺ຍ’ປິ.

໒໐. ມຆວາ ໂກສິໂຍ ອິນ຺ໂທ, ວຕ຺ຣຠູ ປາກສາສໂນ;

ວິໂຑໂຊ ຖ ສຸຊາ ຕສ຺ສ [ສຸຊາຕາ’ສ຺ສ (ຏີກາ)], ຠຣິຍາ ຖ ປຸຣໍ ຠເວ.

໒໑. ມສກ຺ກສາຣາ [ມສກ຺ກສາໂຣ (ສີ.)] ວສ຺ໂສກ, ສາຣາ ເຈວາ’ ມຣາວຕີ;

ເວຊຍນ຺ໂຕ ຕຸ ປາສາໂທ,

ສຸຘມ຺ມາ ຕຸ ສຠາ ມຕາ.

໒໒. ເວຊຍນ຺ໂຕ ຣໂຖ ຕສ຺ສ,

ວຸຕ຺ໂຕ ມາຕລິ ສາຣຖິ;

ເອຣາວໂຓ ຄໂຊ ປຓ຺ຑຸ, ກມ຺ພໂລ ຕຸ ສິລາສນໍ.

໒໓. ສຸວີໂຣຈ຺ຈາທໂຍ ປຸຕ຺ຕາ, ນນ຺ທາ ໂປກ຺ຂຣຓີ ຠເວ;

ນນ຺ທນໍ ມິສ຺ສກໍ ຈິຕ຺ຕ, ລຕາ ຜາຣຸສກໍ ວນາ.

໒໔. ອສນິ ທ຺ວີສຸ ກຸລິສໍ, ວຊິຣໍ ປຸນ຺ນປຸໍສເກ;

ອຈ຺ຉຣາໂຍຕ຺ຖິຍໍ ວຸຕ຺ຕາ, ຣມ຺ຠາ ອລມ຺ພຸສາທໂຍ;

ເທວິຕ຺ຖິໂຍ ຖ ຄນ຺ຘພ຺ພາ, ປຎ຺ຈສິໂຂຕິ ອາທໂຍ.

໒໕. ວິມາໂນ ນິຕ຺ຖິຍໍ ພ຺ຍມ຺ຫໍ, ປີຍູສໍ ຕ຺ວມຕໍ ສຸຘາ;

ສິເນຣຸ ເມຣຸ ຕິທິວາ, ຘາໂຣ ເນຣຸ ສຸເມຣຸ ຈ.

໒໖. ຍຸຄນ຺ຘໂຣ ອີສຘໂຣ, ກຣວີໂກ ສຸທສ຺ສໂນ;

ເນມິນ຺ຘໂຣ ວິນຕໂກ, ອສ຺ສກຓ຺ໂຓ ກຸລາຈລາ.

໒໗. ມນ຺ທາກິນີ ຕຖາ’ກາສ, ຄງ຺ຄາ ສຸຣນທີ ປ຺ຍຖ;

໒໘. ໂກວິຬາໂຣ ຕຖາ ປາຣິ, ຈ຺ຉຕ຺ຕໂກ ປາຣິຊາຕໂກ;

ກປ຺ປຣຸກ຺ໂຂ ຕຸ ສນ຺ຕານາ, ທໂຍ ເທວທ຺ທຸມາ ສິຍຸໍ.

໒໙. ປາຈີ ປຕີຌຸ’ ທີຈິ’ຕ຺ຖີ, ປຸພ຺ພ ປຈ຺ຉິມ ອຸຕ຺ຕຣາ;

ທິສາຖ ທກ຺ຂິຓາ’ ປາຈີ, ວິທິສາ’ນຸທິສາ ຠເວ.

໓໐. ເອຣາວໂຕ [ເອຣາວໂຓ (ສີ.), ອມຣໂກເສ ປນ ເອຣາວໂຕ ເອວ ອຕ຺ຖິ] ປຸຓ຺ຑຣີໂກ, ວາມໂນ ກຸມຸໂທ’ ຎ຺ຊໂນ;

ປຸປ຺ຜທນ຺ໂຕ ສພ຺ພຠຸມ຺ໂມ, ສຸປ຺ປຕີໂກ ທິສາຄຊາ.

໓໑. ຘຕຣຏ຺ໂຐ ຈ ຄນ຺ຘພ຺ພາ, ຘິໂປ, ກຸມ຺ຠຓ຺ຑສາມິ ຕຸ;

ວິຣຸຬ຺ຫໂກ, ວິຣູປກ຺ໂຂ, ຕຸ ນາຄາຘິປຕີຣິໂຕ.

໓໒. ຍກ຺ຂາຘິໂປ ເວສ຺ສວໂຓ, ກຸເວໂຣ ນຣວາຫໂນ;

ອຬກາ [ອລກາ (ອມຣໂກສ)] ຬກມນ຺ທາສ຺ສ, ປຸຣີ, ປຫຣຓໍ ຄທາ;

ຈຕຸທ຺ທິສານ ມຘິປາ, ປຸພ຺ພາທີນໍ ກມາ ອິເມ.

໓໓. ຊາຕເວໂທ ສິຂີ ໂຊຕິ, ປາວໂກ ທຫໂນ’ ນໂລ;

ຫຸຕາວໂຫ’ ຈ຺ຈິມາ ຘູມ, ເກຕ຺ວ’ຄ຺ຄິ ຄິນິ ຠານຸມາ.

໓໔. ເຕໂຊ ຘູມສິໂຂ ວາຍຸ, ສໂຂ ຈ ກຓ຺ຫວຕ຺ຕນີ;

ເວສ຺ສານໂຣ ຫຸຕາໂສ ຖ, ສິຂາຊາລ’ຈ຺ຈິ ຈາປຸເມ.

໓໕. ວິປ຺ຜຸລິງ຺ຄໍ ຜຸລິງ຺ຄຎ຺ຈ, ຠສ຺ມາ [‘ຠສ຺ມາ’ ຕິປທໍ ຣາຊາທິຄເຓ ປຣິຍາປນ຺ນໍ (ຣູປສິທ຺ຘິ-ອຸຓາທິ), ຠສ຺ມໍ (ສີ.)] ຕຸ ເສຏ຺ຐິ ຉາຣິກາ;

໓໖. ກຸກ຺ກຸໂຬ ຕຸ’ຓ຺ຫຠສ຺ມສ຺ມິ, ມງ຺ຄາໂຣ’ລາຕ ມຸມ຺ມຸກໍ [ຕິກໍ ທິຕ຺ຕກຏ຺ຐາທິນ຺ຘເນ (ຏີກາ)];

ສມິຘາ ອິຘຸມໍ ເຈ’ໂຘ, ອຸປາທານໍ ຕຖິນ຺ຘນໍ.

໓໗. ອໂຖ’ຠາໂສ ປກາໂສ ຈາ,

'ໂລໂກ’ຊ຺ໂຊຕາ’ຕປາ ສມາ;

ມາລຸໂຕ ປວໂນ ວາຍຸ, ວາໂຕ’ນິລ ສມີຣຓາ;

ຄນ຺ຘວາໂຫ ຕຖາ ວາໂຍ, ສມີໂຣ ຈ ສທາຄຕິ.

໓໘. ວາຍຸເຠທາ ອິເມ ຉຸ’ທ຺ຘ, ງ຺ຄໂມ ຈາໂຘຄໂມ ຕຖາ;

ກຸຈ຺ຉິຏ຺ໂຐ ຈ ໂກຏ຺ຐາສໂຍ, ອສ຺ສາສງ຺ຄານຸສາຣິໂນ.

໓໙. ອໂຖ ອປານໍ ປສ຺ສາໂສ,

ອສ຺ສາໂສ ອານ ມຸຈ຺ຈເຕ.

໔໐. ເວໂຄ ຊໂວ ຣໂຍ ຂິປ຺ປໍ, ຕຸ ສີຆໍ ຕຸຣິຕໍ ລຫຸ;

ອາສຸ ຕຸຓ຺ຓ ມຣໍ ຈາວິ, ລມ຺ພິຕໍ ຕຸວຏໍປິ ຈ.

໔໑. ສຕຕໍ ນິຈ຺ຈ ມວິຣຕາ, ນາຣຕ ສນ຺ຕຕ ມນວຣຕຎ຺ຈ ຘຸວໍ;

ຠຸສ ມຕິສໂຍ ຈ ທຬ຺ຫໍ, ຕິພ຺ເພ’ກນ຺ຕາ’ຕິມຕ຺ຕ, ພາຬ຺ຫານິ;

ຂິປ຺ປາທີ ປຓ຺ຑເກ ທພ຺ເພ, ທພ຺ພຄາ ເຕສຸ ເຍ ຕິສຸ.

໔໒. ອວິຄ຺ຄໂຫ ຕຸ ກາໂມ ຈ, ມໂນຠູ ມທໂນ ຠເວ;

ອນ຺ຕໂກ ວສວຕ຺ຕີ ຈ, ປາປິມາ ຈ ປຊາປຕິ.

໔໓. ປມຕ຺ຕພນ຺ຘຸ ກຓ຺ໂຫ ຈ, ມາໂຣ ນມຸຈິ, ຕສ຺ສ ຕຸ;

ຕຓ຺ຫາ’ຣຕີ ຣຄາ ຘີຕູ, ຫຕ຺ຖີ ຕຸ ຄິຣິເມຂໂລ.

໔໔. ຍມຣາຊາ ຈ ເວສາຍີ, ຍໂມ’ສ຺ສ ນຍນາວຸຘໍ;

ເວປຈິຕ຺ຕິ ປຸໂລໂມ ຈ, ກິມ຺ປຸຣິໂສ ຕຸ ກິນ຺ນໂຣ.

໔໕. ອນ຺ຕລິກ຺ຂໍ ຂ’ມາທິຈ຺ຈ, ປໂຖ’ພ຺ຠໍ ຄຄນ’ມ຺ພຣໍ;

ເວຫາໂສ ຈານິລປໂຖ, ອາກາໂສ ນິຕ຺ຖິຍໍ ນຠໍ.

໔໖. ເທໂວ ເວຫາຍໂສ ຕາຣາ,

ປໂຖ ສຸຣປໂຖ ອຆໍ.

໔໗. ເມໂຆ ວລາຫໂກ ເທໂວ, ປຊ຺ຊຸນ຺ໂນ’ມ຺ພຸຘໂຣ ຆໂນ;

ຘາຣາຘໂຣ ຈ ຊີມູໂຕ, ວາຣິວາໂຫ ຕຖາ’ມ຺ພຸໂທ.

໔໘. ອພ຺ຠໍ ຕີສ຺ວຖ ວສ຺ສຎ຺ຈ, ວສ຺ສນໍ ວຸຏ຺ຐິ ນາຣິຍໍ;

ສເຕຣຕາ’ກ຺ຂຓາ ວິຊ຺ຊຸ, ວິຊ຺ຊຸຕາ ຈາຈິຣປ຺ປຠາ.

໔໙. ເມຆນາເທ ຕຸ ຘນິຕໍ, ຄຊ຺ຊິຕໍ ຣສິຕາທິ ຈ;

ອິນ຺ທາວຸຘໍ ອິນ຺ທຘນຸ, ວາຕກ຺ຂິຕ຺ຕມ຺ພຸ ສີກໂຣ.

໕໐. ອາສາໂຣ ຘາຣາ ສມ຺ປາໂຕ,

ກຣກາ ຕຸ ຆໂນປລໍ;

ທຸທ຺ທິນໍ ເມຆຈ຺ຉນ຺ນາເຫ, ປິຘານໍ ຕ຺ວປຘາຣຓໍ.

໕໑. ຕິໂຣຘານ’ນ຺ຕຣຘານາ, ປິຘານ ຉາທນານິ ຈ;

ອິນ຺ທຸ ຈນ຺ໂທ ຈ ນກ຺ຂຕ຺ຕ, ຣາຊາ ໂສໂມ ນິສາກໂຣ.

໕໒. ໂອສຘີໂສ ຫິມຣໍສິ, ສສງ຺ໂກ ຈນ຺ທິມາ ສສີ;

ສີຕຣໍສິ ນິສານາໂຖ, ອຸຬຸຣາຊາ ຈ ມາ ປຸເມ.

໕໓. ກລາ ໂສຬສໂມ ຠາໂຄ, ພິມ຺ພໍ ຕຸ ມຓ຺ຑລໍ ຠເວ;

ອຑ຺ໂຒ ຕ຺ວທ຺ໂຘ ອຸປຑ຺ໂຒ ຈ, ວາ ຂຓ຺ຑໍ ສກລໍ ປຸເມ.

໕໔. ອທ຺ຘໍ ວຸຕ຺ຕໍ ສເມ ຠາເຄ, ປສາໂທ ຕຸ ປສນ຺ນຕາ;

ໂກມຸທີ ຈນ຺ທິກາ ຊຸຓ຺ຫາ, ກນ຺ຕິ ໂສຠາ ຊຸຕິ ຈ຺ຉວິ.

໕໕. ກລງ຺ໂກ ລຎ຺ຉນໍ ລກ຺ຂໍ, ອງ຺ໂກ’ຠິຎ຺ຎາຓ ລກ຺ຂຓໍ;

ຈິຫນໍ ຈາປິ ໂສຠາ ຕຸ, ປຣມາ ສຸສມາ ຖ ຈ.

໕໖. ສີຕໍ ຄຸເຓ, ຄຸຓິລິງ຺ຄາ, ສີຕ ສິສິຣ ສີຕລາ;

ຫິມໍ ຕຸຫິນ ມຸສ຺ສາໂວ, ນີຫາໂຣ ມຫິກາ ປ຺ຍຖ.

໕໗. ນກ຺ຂຕ຺ຕໍ ໂຊຕິ ຠໍ ຕາຣາ, ອປຸເມ ຕາຣໂກ’ຬຸ ຈ;

໕໘. ອສ຺ສຍຸໂຊ ຠຣຓິຕ຺ຖີ, ສກຕ຺ຕິກາ ໂຣຫິຓີ ປິຈ;

ມິຄສິຣ [ມຄສິຣ (ສີ.)] ມທ຺ທາ ຈ ປຸນພ຺ພສຸ, ຜຸສ຺ໂສ [ປຸສ຺ໂສ (ຏີ.)] ຈາສິເລສ’ປິ.

໕໙. ມາຆາ [ມຆ (ສີ.)] ຈ ຜຄ຺ຄຸນີ ທ຺ເວ ຈ, ຫຕ຺ຖາ ຈິຕ຺ຕາ ຈ ສ຺ວາຕິປິ;

ວິສາຂາ’ ນຸຣາຘາ ເຊຏ຺ຐາ, ມູລາ’ ສາຬ຺ຫາ ທຸເວ ຕຖາ.

໖໐. ສວໂຓ ຈ ຘນິຏ຺ຐາ ຈ, ສຕຠິສໂຊ ປຸພ຺ພຸ’ຕ຺ຕຣຠທ຺ທປທາ;

ເຣວຕ຺ຍປີຕິ ກມໂຕ, ສຕ຺ຕາຘິກວີສນກ຺ຂຕ຺ຕາ.

໖໑. ໂສພ຺ຠານຸ ກຖິໂຕ ຣາຫຸ, ສູຣາທີ ຕຸ ນວຄ຺ຄຫາ;

ຣາສິ ເມສາທິໂກ ຠທ຺ທ, ປທາ ໂປຏ຺ຐປທາ ສມາ.

໖໒. ອາທິຈ຺ໂຈ ສູຣິໂຍ ສູໂຣ, ສຕຣໍສິ ທິວາກໂຣ;

ເວໂຣຈໂນ ທິນກໂຣ, ອຸຓ຺ຫຣໍສິ ປຠງ຺ກໂຣ.

໖໓. ອໍສຸມາລີ ທິນປຕິ, ຕປໂນ ຣວິ ຠານຸມາ;

ຣໍສິມາ ຠາກໂຣ ຠານຸ, ອກ຺ໂກ ສຫສ຺ສຣໍສິ ຈ.

໖໔. ຣໍສິ ອາຠາ ປຠາ ທິຕ຺ຕິ, ຣຸຈິ ຠາ ຊຸຕິ ທີຘິຕິ;

ມຣີຈິ ທ຺ວີສຸ ຠານ຺ວໍ’ສຸ, ມຍູໂຂ ກິຣໂຓ ກໂຣ.

໖໕. ປຣິຘິ ປຣິເວໂສ ຖ, ມຣີຈິ ມິຄຕຓ຺ຫິກາ;

ສູຣສ຺ໂສທຍໂຕ ປຸພ຺ພຸ’, ຏ຺ຐິຕຣໍສິ ສິຍາ’ ຣຸໂຓ.

໖໖. ກາໂລ’ທ຺ຘາ ສມໂຍ ເວລາ,

ຕພ຺ພິເສສາ ຂຓາທໂຍ;

ຂໂຓ ທສຈ຺ຉຣາກາໂລ,

ຂຓາ ທສ ລໂຍ ຠເວ.

໖໗. ລຍາ ທສ ຂຓລໂຍ,

ມຸຫຸຕ຺ໂຕ ເຕ ສິຍາ ທສ;

ທສ ຂຓມຸຫຸຕ຺ໂຕ ເຕ, ທິວໂສ ຕຸ ອຫໍ ທິນໍ.

໖໘. ປຠາຕຎ຺ຈ ວິຠາຕຎ຺ຈ, ປຈ຺ຈູໂສ ກລ຺ລ ມປ຺ຍຖ;

ອຠິໂທໂສ ປໂທໂສ ຖ,

ສາໂຍ ສຎ຺ຌາ ທິນຈ຺ຈໂຍ.

໖໙. ນິສາ ຈ ຣຊນີ ຣຕ຺ຕິ, ຕິຍາມາ ສໍວຣີ ຠເວ;

ຊຸຓ຺ຫາ ຕຸ ຈນ຺ທິກາຍຸຕ຺ຕາ, ຕມຸສ຺ສນ຺ນາ ຕິມິສິກາ.

໗໐. ນິສີໂຖ ມຊ຺ຌິມາ ຣຕ຺ຕິ, ອຑ຺ຒຣຕ຺ໂຕ ມຫານິສາ;

ອນ຺ຘກາໂຣ ຕໂມ ນິຕ຺ຖີ, ຕິມິສໍ ຕິມິຣໍ ມຕໍ.