໒-໗. ຠິກ຺ຂຸນີສຸຕ຺ຕາທິຉກ຺ກໍ

໒໘໗-໒໙໒. ‘‘ປຎ຺ຈຫິ, ຠິກ຺ຂເວ, ຘມ຺ເມຫິ ສມນ຺ນາຄຕາ ຠິກ຺ຂຸນີ…ເປ… ສິກ຺ຂມານາ… ສາມເຓໂຣ… ສາມເຓຣີ… ອຸປາສໂກ… ອຸປາສິກາ ຍຖາຠຕໍ ນິກ຺ຂິຕ຺ຕາ ເອວໍ ນິຣເຍ. ກຕເມຫິ ປຎ຺ຈຫິ? ປາຓາຕິປາຕິນີ ໂຫຕິ, ອທິນ຺ນາທາຍິນີ ໂຫຕິ, ກາເມສຸມິຈ຺ຉາຈາຣິນີ ໂຫຕິ, ມຸສາວາທິນີ ໂຫຕິ, ສຸຣາເມຣຍມຊ຺ຊປມາທຏ຺ຐາຍິນີ ໂຫຕິ. ອິເມຫິ ໂຂ, ຠິກ຺ຂເວ, ປຎ຺ຈຫິ ຘມ຺ເມຫິ ສມນ຺ນາຄຕາ ອຸປາສິກາ ຍຖາຠຕໍ ນິກ຺ຂິຕ຺ຕາ ເອວໍ ນິຣເຍ.

‘‘ປຎ຺ຈຫິ, ຠິກ຺ຂເວ, ຘມ຺ເມຫິ ສມນ຺ນາຄຕາ ອຸປາສິກາ ຍຖາຠຕໍ ນິກ຺ຂິຕ຺ຕາ ເອວໍ ສຄ຺ເຄ. ກຕເມຫິ ປຎ຺ຈຫິ? ປາຓາຕິປາຕາ ປຏິວິຣຕາ ໂຫຕິ, ອທິນ຺ນາທານາ ປຏິວິຣຕາ ໂຫຕິ, ກາເມສຸມິຈ຺ຉາຈາຣາ ປຏິວິຣຕາ ໂຫຕິ, ມຸສາວາທາ ປຏິວິຣຕາ ໂຫຕິ, ສຸຣາເມຣຍມຊ຺ຊປມາທຏ຺ຐານາ ປຏິວິຣຕາ ໂຫຕິ. ອິເມຫິ ໂຂ, ຠິກ຺ຂເວ, ປຎ຺ຈຫິ ຘມ຺ເມຫິ ສມນ຺ນາຄຕາ ອຸປາສິກາ ຍຖາຠຕໍ ນິກ຺ຂິຕ຺ຕາ ເອວໍ ສຄ຺ເຄ’’ຕິ. ສຕ຺ຕມໍ.