໑. ຠຕ຺ຕຸທ຺ເທສກສຸຕ຺ຕໍ

໒໗໒. ‘‘ປຎ຺ຈຫິ, ຠິກ຺ຂເວ, ຘມ຺ເມຫິ ສມນ຺ນາຄໂຕ ຠຕ຺ຕຸທ຺ເທສໂກ ນ ສມ຺ມນ຺ນິຕພ຺ໂພ [ນ ສມ຺ມນິຕພ຺ໂພ (ກ.) ຈູຬວ. ໓໒໖ ປສ຺ສິຕພ຺ພໍ]. ກຕເມຫິ ປຎ຺ຈຫິ? ຉນ຺ທາຄຕິໍ ຄຈ຺ຉຕິ, ໂທສາຄຕິໍ ຄຈ຺ຉຕິ, ໂມຫາຄຕິໍ ຄຈ຺ຉຕິ, ຠຍາຄຕິໍ ຄຈ຺ຉຕິ, ອຸທ຺ທິຏ຺ຐານຸທ຺ທິຏ຺ຐໍ ນ ຊານາຕິ – ອິເມຫິ ໂຂ, ຠິກ຺ຂເວ, ປຎ຺ຈຫິ ຘມ຺ເມຫິ ສມນ຺ນາຄໂຕ ຠຕ຺ຕຸທ຺ເທສໂກ ນ ສມ຺ມນ຺ນິຕພ຺ໂພ.

‘‘ປຎ຺ຈຫິ, ຠິກ຺ຂເວ, ຘມ຺ເມຫິ ສມນ຺ນາຄໂຕ ຠຕ຺ຕຸທ຺ເທສໂກ ສມ຺ມນ຺ນິຕພ຺ໂພ. ກຕເມຫິ ປຎ຺ຈຫິ? ນ ຉນ຺ທາຄຕິໍ ຄຈ຺ຉຕິ, ນ ໂທສາຄຕິໍ ຄຈ຺ຉຕິ, ນ ໂມຫາຄຕິໍ ຄຈ຺ຉຕິ, ນ ຠຍາຄຕິໍ ຄຈ຺ຉຕິ, ອຸທ຺ທິຏ຺ຐານຸທ຺ທິຏ຺ຐໍ ຊານາຕິ – ອິເມຫິ ໂຂ, ຠິກ຺ຂເວ, ປຎ຺ຈຫິ ຘມ຺ເມຫິ ສມນ຺ນາຄໂຕ ຠຕ຺ຕຸທ຺ເທສໂກ ສມ຺ມນ຺ນິຕພ຺ໂພຕິ.

‘‘ປຎ຺ຈຫິ, ຠິກ຺ຂເວ, ຘມ຺ເມຫິ ສມນ຺ນາຄໂຕ ຠຕ຺ຕຸທ຺ເທສໂກ ສມ຺ມໂຕ [ສມ຺ມໂຕປິ (ສີ.)] ນ ເປເສຕພ຺ໂພ…ເປ… ສມ຺ມໂຕ ເປເສຕພ຺ໂພ… ພາໂລ ເວທິຕພ຺ໂພ… ປຓ຺ຑິໂຕ ເວທິຕພ຺ໂພ… ຂຕໍ ອຸປຫຕໍ ອຕ຺ຕານໍ ປຣິຫຣຕິ… ອກ຺ຂຕໍ ອນຸປຫຕໍ ອຕ຺ຕານໍ ປຣິຫຣຕິ… ຍຖາຠຕໍ ນິກ຺ຂິຕ຺ໂຕ ເອວໍ ນິຣເຍ… ຍຖາຠຕໍ ນິກ຺ຂິຕ຺ໂຕ ເອວໍ ສຄ຺ເຄ. ກຕເມຫິ ປຎ຺ຈຫິ? ນ ຉນ຺ທາຄຕິໍ ຄຈ຺ຉຕິ, ນ ໂທສາຄຕິໍ ຄຈ຺ຉຕິ, ນ ໂມຫາຄຕິໍ ຄຈ຺ຉຕິ, ນ ຠຍາຄຕິໍ ຄຈ຺ຉຕິ, ອຸທ຺ທິຏ຺ຐານຸທ຺ທິຏ຺ຐໍ ຊານາຕິ – ອິເມຫິ ໂຂ, ຠິກ຺ຂເວ, ປຎ຺ຈຫິ ຘມ຺ເມຫິ ສມນ຺ນາຄໂຕ ຠຕ຺ຕຸທ຺ເທສໂກ ຍຖາຠຕໍ ນິກ຺ຂິຕ຺ໂຕ ເອວໍ ສຄ຺ເຄ’’ຕິ. ປຐມໍ.