(໑໕) ໕. ສມາປຕ຺ຕິວຄ຺ໂຄ

໑໖໔. ‘‘ທ຺ເວເມ, ຠິກ຺ຂເວ, ຘມ຺ມາ. ກຕເມ ທ຺ເວ? ສມາປຕ຺ຕິກຸສລຕາ ຈ ສມາປຕ຺ຕິວຸຏ຺ຐານກຸສລຕາ ຈ. ອິເມ ໂຂ, ຠິກ຺ຂເວ, ທ຺ເວ ຘມ຺ມາ’’ຕິ.

໑໖໕. ‘‘ທ຺ເວເມ, ຠິກ຺ຂເວ, ຘມ຺ມາ. ກຕເມ ທ຺ເວ? ອຊ຺ຊວຎ຺ຈ ມທ຺ທວຎ຺ຈ. ອິເມ ໂຂ, ຠິກ຺ຂເວ, ທ຺ເວ ຘມ຺ມາ’’.

໑໖໖. ‘‘ທ຺ເວເມ, ຠິກ຺ຂເວ, ຘມ຺ມາ. ກຕເມ ທ຺ເວ? ຂນ຺ຕິ ຈ ໂສຣຈ຺ຈຎ຺ຈ. ອິເມ ໂຂ, ຠິກ຺ຂເວ, ທ຺ເວ ຘມ຺ມາ’’.

໑໖໗. ‘‘ທ຺ເວເມ, ຠິກ຺ຂເວ, ຘມ຺ມາ. ກຕເມ ທ຺ເວ? ສາຂລ຺ຍຎ຺ຈ ປຏິສນ຺ຖາໂຣ ຈ. ອິເມ ໂຂ, ຠິກ຺ຂເວ, ທ຺ເວ ຘມ຺ມາ’’.

໑໖໘. ‘ທ຺ເວເມ, ຠິກ຺ຂເວ, ຘມ຺ມາ. ກຕເມ ທ຺ເວ? ອວິຫິໍສາ ຈ ໂສເຈຍ຺ຍຎ຺ຈ. ອິເມ ໂຂ, ຠິກ຺ຂເວ, ທ຺ເວ ຘມ຺ມາ’’.

໑໖໙. ‘‘ທ຺ເວເມ, ຠິກ຺ຂເວ, ຘມ຺ມາ. ກຕເມ ທ຺ເວ? ອິນ຺ທ຺ຣິເຍສຸ ອຄຸຕ຺ຕທ຺ວາຣຕາ ຈ ໂຠຊເນ ອມຕ຺ຕຎ຺ຎຸຕາ ຈ. ອິເມ ໂຂ, ຠິກ຺ຂເວ, ທ຺ເວ ຘມ຺ມາ’’.

໑໗໐. ‘‘ທ຺ເວເມ, ຠິກ຺ຂເວ, ຘມ຺ມາ. ກຕເມ ທ຺ເວ? ອິນ຺ທ຺ຣິເຍສຸ ຄຸຕ຺ຕທ຺ວາຣຕາ ຈ ໂຠຊເນ ມຕ຺ຕຎ຺ຎຸຕາ ຈ. ອິເມ ໂຂ, ຠິກ຺ຂເວ, ທ຺ເວ ຘມ຺ມາ’’.

໑໗໑. ‘‘ທ຺ເວເມ, ຠິກ຺ຂເວ, ຘມ຺ມາ. ກຕເມ ທ຺ເວ? ປຏິສງ຺ຂານພລຎ຺ຈ ຠາວນາພລຎ຺ຈ. ອິເມ ໂຂ, ຠິກ຺ຂເວ, ທ຺ເວ ຘມ຺ມາ’’.

໑໗໒. ‘‘ທ຺ເວເມ, ຠິກ຺ຂເວ, ຘມ຺ມາ. ກຕເມ ທ຺ເວ? ສຕິພລຎ຺ຈ ສມາຘິພລຎ຺ຈ. ອິເມ ໂຂ, ຠິກ຺ຂເວ, ທ຺ເວ ຘມ຺ມາ’’.

໑໗໓. ‘‘ທ຺ເວເມ, ຠິກ຺ຂເວ, ຘມ຺ມາ. ກຕເມ ທ຺ເວ? ສມໂຖ ຈ ວິປສ຺ສນາ ຈ. ອິເມ ໂຂ, ຠິກ຺ຂເວ, ທ຺ເວ ຘມ຺ມາ’’.

໑໗໔. ‘‘ທ຺ເວເມ, ຠິກ຺ຂເວ, ຘມ຺ມາ. ກຕເມ ທ຺ເວ? ສີລວິປຕ຺ຕິ ຈ ທິຏ຺ຐິວິປຕ຺ຕິ ຈ. ອິເມ ໂຂ, ຠິກ຺ຂເວ, ທ຺ເວ ຘມ຺ມາ’’.

໑໗໕. ‘‘ທ຺ເວເມ, ຠິກ຺ຂເວ, ຘມ຺ມາ. ກຕເມ ທ຺ເວ? ສີລສມ຺ປທາ ຈ ທິຏ຺ຐິສມ຺ປທາ ຈ. ອິເມ ໂຂ, ຠິກ຺ຂເວ, ທ຺ເວ ຘມ຺ມາ’’.

໑໗໖. ‘‘ທ຺ເວເມ, ຠິກ຺ຂເວ, ຘມ຺ມາ. ກຕເມ ທ຺ເວ? ສີລວິສຸທ຺ຘິ ຈ ທິຏ຺ຐິວິສຸທ຺ຘິ ຈ. ອິເມ ໂຂ, ຠິກ຺ຂເວ, ທ຺ເວ ຘມ຺ມາ’’.

໑໗໗. ‘‘ທ຺ເວເມ, ຠິກ຺ຂເວ, ຘມ຺ມາ. ກຕເມ ທ຺ເວ? ທິຏ຺ຐິວິສຸທ຺ຘິ ຈ ຍຖາທິຏ຺ຐິສ຺ສ ຈ ປຘານໍ. ອິເມ ໂຂ, ຠິກ຺ຂເວ, ທ຺ເວ ຘມ຺ມາ’’.

໑໗໘. ‘‘ທ຺ເວເມ, ຠິກ຺ຂເວ, ຘມ຺ມາ. ກຕເມ ທ຺ເວ? ອສນ຺ຕຸຏ຺ຐິຕາ ຈ ກຸສເລສຸ ຘມ຺ເມສຸ, ອປ຺ປຏິວານິຕາ ຈ ປຘານສ຺ມິໍ. ອິເມ ໂຂ, ຠິກ຺ຂເວ, ທ຺ເວ ຘມ຺ມາ’’.

໑໗໙. ‘‘ທ຺ເວເມ, ຠິກ຺ຂເວ, ຘມ຺ມາ. ກຕເມ ທ຺ເວ? ມຸຏ຺ຐສ຺ສຈ຺ຈຎ຺ຈ ອສມ຺ປຊຎ຺ຎຎ຺ຈ. ອິເມ ໂຂ, ຠິກ຺ຂເວ, ທ຺ເວ ຘມ຺ມາ’’.

໑໘໐. ‘‘ທ຺ເວເມ, ຠິກ຺ຂເວ, ຘມ຺ມາ. ກຕເມ ທ຺ເວ? ສຕິ ຈ ສມ຺ປຊຎ຺ຎຎ຺ຈ. ອິເມ ໂຂ, ຠິກ຺ຂເວ, ທ຺ເວ ຘມ຺ມາ’’ຕິ.

ສມາປຕ຺ຕິວຄ຺ໂຄ ປຎ຺ຈໂມ.