(໑໓) ໓. ທານວຄ຺ໂຄ

໑໔໒. ‘‘ທ຺ເວມານິ, ຠິກ຺ຂເວ, ທານານິ. ກຕມານິ ທ຺ເວ? ອາມິສທານຎ຺ຈ ຘມ຺ມທານຎ຺ຈ. ອິມານິ ໂຂ, ຠິກ຺ຂເວ, ທ຺ເວ ທານານິ. ເອຕທຄ຺ຄໍ, ຠິກ຺ຂເວ, ອິເມສໍ ທ຺ວິນ຺ນໍ ທານານໍ ຍທິທໍ ຘມ຺ມທານ’’ນ຺ຕິ.

໑໔໓. ‘‘ທ຺ເວເມ, ຠິກ຺ຂເວ, ຍາຄາ. ກຕເມ ທ຺ເວ? ອາມິສຍາໂຄ ຈ ຘມ຺ມຍາໂຄ ຈ. ອິເມ ໂຂ, ຠິກ຺ຂເວ, ທ຺ເວ ຍາຄາ. ເອຕທຄ຺ຄໍ, ຠິກ຺ຂເວ, ອິເມສໍ ທ຺ວິນ຺ນໍ ຍາຄານໍ ຍທິທໍ ຘມ຺ມຍາໂຄ’’ຕິ.

໑໔໔. ‘‘ທ຺ເວເມ, ຠິກ຺ຂເວ, ຈາຄາ. ກຕເມ ທ຺ເວ? ອາມິສຈາໂຄ ຈ ຘມ຺ມຈາໂຄ ຈ. ອິເມ ໂຂ, ຠິກ຺ຂເວ, ທ຺ເວ ຈາຄາ. ເອຕທຄ຺ຄໍ, ຠິກ຺ຂເວ, ອິເມສໍ ທ຺ວິນ຺ນໍ ຈາຄານໍ ຍທິທໍ ຘມ຺ມຈາໂຄ’’ຕິ.

໑໔໕. ‘‘ທ຺ເວເມ, ຠິກ຺ຂເວ, ປຣິຈ຺ຈາຄາ. ກຕເມ ທ຺ເວ? ອາມິສປຣິຈ຺ຈາໂຄ ຈ ຘມ຺ມປຣິຈ຺ຈາໂຄ ຈ. ອິເມ ໂຂ, ຠິກ຺ຂເວ, ທ຺ເວ ປຣິຈ຺ຈາຄາ. ເອຕທຄ຺ຄໍ, ຠິກ຺ຂເວ, ອິເມສໍ ທ຺ວິນ຺ນໍ ປຣິຈ຺ຈາຄານໍ ຍທິທໍ ຘມ຺ມປຣິຈ຺ຈາໂຄ’’ຕິ.

໑໔໖. ‘‘ທ຺ເວເມ, ຠິກ຺ຂເວ, ໂຠຄາ. ກຕເມ ທ຺ເວ? ອາມິສໂຠໂຄ ຈ ຘມ຺ມໂຠໂຄ ຈ. ອິເມ ໂຂ, ຠິກ຺ຂເວ, ທ຺ເວ ໂຠຄາ. ເອຕທຄ຺ຄໍ, ຠິກ຺ຂເວ, ອິເມສໍ ທ຺ວິນ຺ນໍ ໂຠຄານໍ ຍທິທໍ ຘມ຺ມໂຠໂຄ’’ຕິ.

໑໔໗. ‘‘ທ຺ເວເມ, ຠິກ຺ຂເວ, ສມ຺ໂຠຄາ. ກຕເມ ທ຺ເວ? ອາມິສສມ຺ໂຠໂຄ ຈ ຘມ຺ມສມ຺ໂຠໂຄ ຈ. ອິເມ ໂຂ, ຠິກ຺ຂເວ, ທ຺ເວ ສມ຺ໂຠຄາ. ເອຕທຄ຺ຄໍ, ຠິກ຺ຂເວ, ອິເມສໍ ທ຺ວິນ຺ນໍ ສມ຺ໂຠຄານໍ ຍທິທໍ ຘມ຺ມສມ຺ໂຠໂຄ’’ຕິ.

໑໔໘. ‘‘ທ຺ເວເມ, ຠິກ຺ຂເວ, ສໍວິຠາຄາ. ກຕເມ ທ຺ເວ? ອາມິສສໍວິຠາໂຄ ຈ ຘມ຺ມສໍວິຠາໂຄ ຈ. ອິເມ ໂຂ, ຠິກ຺ຂເວ, ທ຺ເວ ສໍວິຠາຄາ. ເອຕທຄ຺ຄໍ, ຠິກ຺ຂເວ, ອິເມສໍ ທ຺ວິນ຺ນໍ ສໍວິຠາຄານໍ ຍທິທໍ ຘມ຺ມສໍວິຠາໂຄ’’ຕິ.

໑໔໙. ‘‘ທ຺ເວເມ, ຠິກ຺ຂເວ, ສງ຺ຄຫາ. ກຕເມ ທ຺ເວ? ອາມິສສງ຺ຄໂຫ ຈ ຘມ຺ມສງ຺ຄໂຫ ຈ. ອິເມ ໂຂ, ຠິກ຺ຂເວ, ທ຺ເວ ສງ຺ຄຫາ. ເອຕທຄ຺ຄໍ, ຠິກ຺ຂເວ, ອິເມສໍ ທ຺ວິນ຺ນໍ ສງ຺ຄຫານໍ ຍທິທໍ ຘມ຺ມສງ຺ຄໂຫ’’ຕິ.

໑໕໐. ‘‘ທ຺ເວເມ, ຠິກ຺ຂເວ, ອນຸຄ຺ຄຫາ. ກຕເມ ທ຺ເວ? ອາມິສານຸຄ຺ຄໂຫ ຈ ຘມ຺ມານຸຄ຺ຄໂຫ ຈ. ອິເມ ໂຂ, ຠິກ຺ຂເວ, ທ຺ເວ ອນຸຄ຺ຄຫາ. ເອຕທຄ຺ຄໍ, ຠິກ຺ຂເວ, ອິເມສໍ ທ຺ວິນ຺ນໍ ອນຸຄ຺ຄຫານໍ ຍທິທໍ ຘມ຺ມານຸຄ຺ຄໂຫ’’ຕິ.

໑໕໑. ‘‘ທ຺ເວມາ, ຠິກ຺ຂເວ, ອນຸກມ຺ປາ. ກຕມາ ທ຺ເວ? ອາມິສານຸກມ຺ປາ ຈ ຘມ຺ມານຸກມ຺ປາ ຈ. ອິມາ ໂຂ, ຠິກ຺ຂເວ, ທ຺ເວ ອນຸກມ຺ປາ. ເອຕທຄ຺ຄໍ, ຠິກ຺ຂເວ, ອິມາສໍ ທ຺ວິນ຺ນໍ ອນຸກມ຺ປານໍ ຍທິທໍ ຘມ຺ມານຸກມ຺ປາ’’ຕິ.

ທານວຄ຺ໂຄ ຕຕິໂຍ.