(໙) ໔. ຘມ຺ມວຄ຺ໂຄ

໘໘. ‘‘ທ຺ເວເມ, ຠິກ຺ຂເວ, ຘມ຺ມາ. ກຕເມ ທ຺ເວ? ເຈໂຕວິມຸຕ຺ຕິ ຈ ປຎ຺ຎາວິມຸຕ຺ຕິ ຈ. ອິເມ ໂຂ, ຠິກ຺ຂເວ, ທ຺ເວ ຘມ຺ມາ’’ຕິ.

໘໙. ‘‘ທ຺ເວເມ, ຠິກ຺ຂເວ, ຘມ຺ມາ. ກຕເມ ທ຺ເວ? ປຄ຺ຄາໂຫ ຈ ອວິກ຺ເຂໂປ ຈ. ອິເມ ໂຂ, ຠິກ຺ຂເວ, ທ຺ເວ ຘມ຺ມາ’’ຕິ.

໙໐. ‘‘ທ຺ເວເມ, ຠິກ຺ຂເວ, ຘມ຺ມາ. ກຕເມ ທ຺ເວ? ນາມຎ຺ຈ ຣູປຎ຺ຈ. ອິເມ ໂຂ, ຠິກ຺ຂເວ, ທ຺ເວ ຘມ຺ມາ’’ຕິ.

໙໑. ‘‘ທ຺ເວເມ, ຠິກ຺ຂເວ, ຘມ຺ມາ. ກຕເມ ທ຺ເວ? ວິຊ຺ຊາ ຈ ວິມຸຕ຺ຕິ ຈ. ອິເມ ໂຂ, ຠິກ຺ຂເວ, ທ຺ເວ ຘມ຺ມາ’’ຕິ.

໙໒. ‘‘ທ຺ເວເມ, ຠິກ຺ຂເວ, ຘມ຺ມາ. ກຕເມ ທ຺ເວ? ຠວທິຏ຺ຐິ ຈ ວິຠວທິຏ຺ຐິ ຈ. ອິເມ ໂຂ, ຠິກ຺ຂເວ, ທ຺ເວ ຘມ຺ມາ’’ຕິ.

໙໓. ‘‘ທ຺ເວເມ, ຠິກ຺ຂເວ, ຘມ຺ມາ. ກຕເມ ທ຺ເວ? ອຫິຣິກຎ຺ຈ ອໂນຕ຺ຕປ຺ປຎ຺ຈ. ອິເມ ໂຂ, ຠິກ຺ຂເວ, ທ຺ເວ ຘມ຺ມາ’’ຕິ.

໙໔. ‘‘ທ຺ເວເມ, ຠິກ຺ຂເວ, ຘມ຺ມາ. ກຕເມ ທ຺ເວ? ຫິຣີ ຈ ໂອຕ຺ຕປ຺ປຎ຺ຈ. ອິເມ ໂຂ, ຠິກ຺ຂເວ, ທ຺ເວ ຘມ຺ມາ’’ຕິ.

໙໕. ‘‘ທ຺ເວເມ, ຠິກ຺ຂເວ, ຘມ຺ມາ. ກຕເມ ທ຺ເວ? ໂທວຈສ຺ສຕາ ຈ ປາປມິຕ຺ຕຕາ ຈ. ອິເມ ໂຂ, ຠິກ຺ຂເວ, ທ຺ເວ ຘມ຺ມາ’’ຕິ.

໙໖. ‘‘ທ຺ເວເມ, ຠິກ຺ຂເວ, ຘມ຺ມາ. ກຕເມ ທ຺ເວ? ໂສວຈສ຺ສຕາ ຈ ກລ຺ຍາຓມິຕ຺ຕຕາ ຈ. ອິເມ ໂຂ, ຠິກ຺ຂເວ, ທ຺ເວ ຘມ຺ມາ’’ຕິ.

໙໗. ‘‘ທ຺ເວເມ, ຠິກ຺ຂເວ, ຘມ຺ມາ. ກຕເມ ທ຺ເວ? ຘາຕຸກຸສລຕາ ຈ ມນສິກາຣກຸສລຕາ ຈ. ອິເມ ໂຂ, ຠິກ຺ຂເວ, ທ຺ເວ ຘມ຺ມາ’’ຕິ.

໙໘. ‘‘ທ຺ເວເມ, ຠິກ຺ຂເວ, ຘມ຺ມາ. ກຕເມ ທ຺ເວ? ອາປຕ຺ຕິກຸສລຕາ ຈ ອາປຕ຺ຕິວຸຏ຺ຐານກຸສລຕາ ຈ. ອິເມ ໂຂ, ຠິກ຺ຂເວ, ທ຺ເວ ຘມ຺ມາ’’ຕິ.

ຘມ຺ມວຄ຺ໂຄ ຈຕຸຕ຺ໂຖ.