໔. ອທນ຺ຕວຄ຺ໂຄ

໓໑. ‘‘ນາຫໍ, ຠິກ຺ຂເວ, ອຎ຺ຎໍ ເອກຘມ຺ມມ຺ປິ ສມນຸປສ຺ສາມິ ຍໍ ເອວໍ ອທນ຺ຕໍ ມຫໂຕ ອນຕ຺ຖາຍ ສໍວຕ຺ຕຕິ ຍຖຍິທໍ, ຠິກ຺ຂເວ, ຈິຕ຺ຕໍ. ຈິຕ຺ຕໍ, ຠິກ຺ຂເວ, ອທນ຺ຕໍ ມຫໂຕ ອນຕ຺ຖາຍ ສໍວຕ຺ຕຕີ’’ຕິ. ປຐມໍ.

໓໒. ‘‘ນາຫໍ, ຠິກ຺ຂເວ, ອຎ຺ຎໍ ເອກຘມ຺ມມ຺ປິ ສມນຸປສ຺ສາມິ ຍໍ ເອວໍ ທນ຺ຕໍ ມຫໂຕ ອຕ຺ຖາຍ ສໍວຕ຺ຕຕິ ຍຖຍິທໍ, ຠິກ຺ຂເວ, ຈິຕ຺ຕໍ. ຈິຕ຺ຕໍ, ຠິກ຺ຂເວ, ທນ຺ຕໍ ມຫໂຕ ອຕ຺ຖາຍ ສໍວຕ຺ຕຕີ’’ຕິ. ທຸຕິຍໍ.

໓໓. ‘‘ນາຫໍ, ຠິກ຺ຂເວ, ອຎ຺ຎໍ ເອກຘມ຺ມມ຺ປິ ສມນຸປສ຺ສາມິ ຍໍ ເອວໍ ອຄຸຕ຺ຕໍ ມຫໂຕ ອນຕ຺ຖາຍ ສໍວຕ຺ຕຕິ ຍຖຍິທໍ, ຠິກ຺ຂເວ, ຈິຕ຺ຕໍ. ຈິຕ຺ຕໍ, ຠິກ຺ຂເວ, ອຄຸຕ຺ຕໍ ມຫໂຕ ອນຕ຺ຖາຍ ສໍວຕ຺ຕຕີ’’ຕິ. ຕຕິຍໍ.

໓໔. ‘‘ນາຫໍ, ຠິກ຺ຂເວ, ອຎ຺ຎໍ ເອກຘມ຺ມມ຺ປິ ສມນຸປສ຺ສາມິ ຍໍ ເອວໍ ຄຸຕ຺ຕໍ ມຫໂຕ ອຕ຺ຖາຍ ສໍວຕ຺ຕຕິ ຍຖຍິທໍ, ຠິກ຺ຂເວ, ຈິຕ຺ຕໍ. ຈິຕ຺ຕໍ, ຠິກ຺ຂເວ, ຄຸຕ຺ຕໍ ມຫໂຕ ອຕ຺ຖາຍ ສໍວຕ຺ຕຕີ’’ຕິ. ຈຕຸຕ຺ຖໍ.

໓໕. ‘‘ນາຫໍ, ຠິກ຺ຂເວ, ອຎ຺ຎໍ ເອກຘມ຺ມມ຺ປິ ສມນຸປສ຺ສາມິ ຍໍ ເອວໍ ອຣກ຺ຂິຕໍ ມຫໂຕ ອນຕ຺ຖາຍ ສໍວຕ຺ຕຕິ ຍຖຍິທໍ, ຠິກ຺ຂເວ, ຈິຕ຺ຕໍ. ຈິຕ຺ຕໍ, ຠິກ຺ຂເວ, ອຣກ຺ຂິຕໍ ມຫໂຕ ອນຕ຺ຖາຍ ສໍວຕ຺ຕຕີ’’ຕິ. ປຎ຺ຈມໍ.

໓໖. ‘‘ນາຫໍ, ຠິກ຺ຂເວ, ອຎ຺ຎໍ ເອກຘມ຺ມມ຺ປິ ສມນຸປສ຺ສາມິ ຍໍ ເອວໍ ຣກ຺ຂິຕໍ ມຫໂຕ ອຕ຺ຖາຍ ສໍວຕ຺ຕຕິ ຍຖຍິທໍ, ຠິກ຺ຂເວ, ຈິຕ຺ຕໍ. ຈິຕ຺ຕໍ, ຠິກ຺ຂເວ, ຣກ຺ຂິຕໍ ມຫໂຕ ອຕ຺ຖາຍ ສໍວຕ຺ຕຕີ’’ຕິ. ຉຏ຺ຐໍ.

໓໗. ‘‘ນາຫໍ, ຠິກ຺ຂເວ, ອຎ຺ຎໍ ເອກຘມ຺ມມ຺ປິ ສມນຸປສ຺ສາມິ ຍໍ ເອວໍ ອສໍວຸຕໍ ມຫໂຕ ອນຕ຺ຖາຍ ສໍວຕ຺ຕຕິ ຍຖຍິທໍ, ຠິກ຺ຂເວ, ຈິຕ຺ຕໍ. ຈິຕ຺ຕໍ, ຠິກ຺ຂເວ, ອສໍວຸຕໍ ມຫໂຕ ອນຕ຺ຖາຍ ສໍວຕ຺ຕຕີ’’ຕິ. ສຕ຺ຕມໍ.

໓໘. ‘‘ນາຫໍ, ຠິກ຺ຂເວ, ອຎ຺ຎໍ ເອກຘມ຺ມມ຺ປິ ສມນຸປສ຺ສາມິ ຍໍ ເອວໍ ສໍວຸຕໍ ມຫໂຕ ອຕ຺ຖາຍ ສໍວຕ຺ຕຕິ ຍຖຍິທໍ, ຠິກ຺ຂເວ, ຈິຕ຺ຕໍ. ຈິຕ຺ຕໍ, ຠິກ຺ຂເວ, ສໍວຸຕໍ ມຫໂຕ ອຕ຺ຖາຍ ສໍວຕ຺ຕຕີ’’ຕິ. ອຏ຺ຐມໍ.

໓໙. ‘‘ນາຫໍ, ຠິກ຺ຂເວ, ອຎ຺ຎໍ ເອກຘມ຺ມມ຺ປິ ສມນຸປສ຺ສາມິ ຍໍ ເອວໍ ອທນ຺ຕໍ ອຄຸຕ຺ຕໍ ອຣກ຺ຂິຕໍ ອສໍວຸຕໍ ມຫໂຕ ອນຕ຺ຖາຍ ສໍວຕ຺ຕຕິ ຍຖຍິທໍ, ຠິກ຺ຂເວ, ຈິຕ຺ຕໍ. ຈິຕ຺ຕໍ, ຠິກ຺ຂເວ, ອທນ຺ຕໍ ອຄຸຕ຺ຕໍ ອຣກ຺ຂິຕໍ ອສໍວຸຕໍ ມຫໂຕ ອນຕ຺ຖາຍ ສໍວຕ຺ຕຕີ’’ຕິ. ນວມໍ.

໔໐. ‘‘ນາຫໍ, ຠິກ຺ຂເວ, ອຎ຺ຎໍ ເອກຘມ຺ມມ຺ປິ ສມນຸປສ຺ສາມິ ຍໍ ເອວໍ ທນ຺ຕໍ ຄຸຕ຺ຕໍ ຣກ຺ຂິຕໍ ສໍວຸຕໍ ມຫໂຕ ອຕ຺ຖາຍ ສໍວຕ຺ຕຕິ ຍຖຍິທໍ, ຠິກ຺ຂເວ, ຈິຕ຺ຕໍ. ຈິຕ຺ຕໍ, ຠິກ຺ຂເວ, ທນ຺ຕໍ ຄຸຕ຺ຕໍ ຣກ຺ຂິຕໍ ສໍວຸຕໍ ມຫໂຕ ອຕ຺ຖາຍ ສໍວຕ຺ຕຕີ’’ຕິ. ທສມໍ.

ອທນ຺ຕວຄ຺ໂຄ ຈຕຸຕ຺ໂຖ.