໒໐. ອມຕວຄ຺ໂຄ

໖໐໐. ‘‘ອມຕໍ ເຕ, ຠິກ຺ຂເວ, ນ ປຣິຠຸຎ຺ຊນ຺ຕິ ເຍ ກາຍຄຕາສຕິໍ ນ ປຣິຠຸຎ຺ຊນ຺ຕິ. ອມຕໍ ເຕ, ຠິກ຺ຂເວ, ປຣິຠຸຎ຺ຊນ຺ຕິ ເຍ ກາຍຄຕາສຕິໍ ປຣິຠຸຎ຺ຊນ຺ຕີ’’ຕິ.

໖໐໑. ‘‘ອມຕໍ ເຕສໍ, ຠິກ຺ຂເວ, ອປຣິຠຸຕ຺ຕໍ ເຍສໍ ກາຍຄຕາສຕິ ອປຣິຠຸຕ຺ຕາ. ອມຕໍ ເຕສໍ, ຠິກ຺ຂເວ, ປຣິຠຸຕ຺ຕໍ ເຍສໍ ກາຍຄຕາສຕິ ປຣິຠຸຕ຺ຕາ’’ຕິ.

໖໐໒. ‘‘ອມຕໍ ເຕສໍ, ຠິກ຺ຂເວ, ປຣິຫີນໍ ເຍສໍ ກາຍຄຕາສຕິ ປຣິຫີນາ. ອມຕໍ ເຕສໍ, ຠິກ຺ຂເວ, ອປຣິຫີນໍ ເຍສໍ ກາຍຄຕາສຕິ ອປຣິຫີນາ’’ຕິ.

໖໐໓. ‘‘ອມຕໍ ເຕສໍ, ຠິກ຺ຂເວ, ວິຣທ຺ຘໍ ເຍສໍ ກາຍຄຕາສຕິ ວິຣທ຺ຘາ. ອມຕໍ ເຕສໍ, ຠິກ຺ຂເວ, ອາຣທ຺ຘໍ [ອວິຣທ຺ຘໍ (ກ.)] ເຍສໍ ກາຍຄຕາສຕິ ອາຣທ຺ຘາ’’ຕິ.

໖໐໔. ‘‘ອມຕໍ ເຕ, ຠິກ຺ຂເວ, ປມາທິໍສຸ ເຍ ກາຍຄຕາສຕິໍ ປມາທິໍສຸ. ອມຕໍ ເຕ, ຠິກ຺ຂເວ, ນ ປມາທິໍສຸ ເຍ ກາຍຄຕາສຕິໍ ນ ປມາທິໍສຸ’’.

໖໐໕. ‘‘ອມຕໍ ເຕສໍ, ຠິກ຺ຂເວ, ປມຸຏ຺ຐໍ ເຍສໍ ກາຍຄຕາສຕິ ປມຸຏ຺ຐາ. ອມຕໍ ເຕສໍ, ຠິກ຺ຂເວ, ອປ຺ປມຸຏ຺ຐໍ ເຍສໍ ກາຍຄຕາສຕິ ອປ຺ປມຸຏ຺ຐາ’’ຕິ.

໖໐໖. ‘‘ອມຕໍ ເຕສໍ, ຠິກ຺ຂເວ, ອນາເສວິຕໍ ເຍສໍ ກາຍຄຕາສຕິ ອນາເສວິຕາ. ອມຕໍ ເຕສໍ, ຠິກ຺ຂເວ, ອາເສວິຕໍ ເຍສໍ ກາຍຄຕາສຕິ ອາເສວິຕາ’’ຕິ.

໖໐໗. ‘‘ອມຕໍ ເຕສໍ, ຠິກ຺ຂເວ, ອຠາວິຕໍ ເຍສໍ ກາຍຄຕາສຕິ ອຠາວິຕາ. ອມຕໍ ເຕສໍ, ຠິກ຺ຂເວ, ຠາວິຕໍ ເຍສໍ ກາຍຄຕາສຕິ ຠາວິຕາ’’ຕິ.

໖໐໘. ‘‘ອມຕໍ ເຕສໍ, ຠິກ຺ຂເວ, ອພຫຸລີກຕໍ ເຍສໍ ກາຍຄຕາສຕິ ອພຫຸລີກຕາ. ອມຕໍ ເຕສໍ, ຠິກ຺ຂເວ, ພຫຸລີກຕໍ ເຍສໍ ກາຍຄຕາສຕິ ພຫຸລີກຕາ’’ຕິ.

໖໐໙. ‘‘ອມຕໍ ເຕສໍ, ຠິກ຺ຂເວ, ອນຠິຎ຺ຎາຕໍ ເຍສໍ ກາຍຄຕາສຕິ ອນຠິຎ຺ຎາຕາ. ອມຕໍ ເຕສໍ, ຠິກ຺ຂເວ, ອຠິຎ຺ຎາຕໍ ເຍສໍ ກາຍຄຕາສຕິ ອຠິຎ຺ຎາຕາ’’ຕິ.

໖໑໐. ‘‘ອມຕໍ ເຕສໍ, ຠິກ຺ຂເວ, ອປຣິຎ຺ຎາຕໍ ເຍສໍ ກາຍຄຕາສຕິ ອປຣິຎ຺ຎາຕາ. ອມຕໍ ເຕສໍ, ຠິກ຺ຂເວ, ປຣິຎ຺ຎາຕໍ ເຍສໍ ກາຍຄຕາສຕິ ປຣິຎ຺ຎາຕາ’’ຕິ.

໖໑໑. ‘‘ອມຕໍ ເຕສໍ, ຠິກ຺ຂເວ, ອສຈ຺ຉິກຕໍ ເຍສໍ ກາຍຄຕາສຕິ ອສຈ຺ຉິກຕາ. ອມຕໍ ເຕສໍ, ຠິກ຺ຂເວ, ສຈ຺ຉິກຕໍ ເຍສໍ ກາຍຄຕາສຕິ ສຈ຺ຉິກຕາ’’ຕິ. (….) [(ເອກກນິປາຕສ຺ສ ສຸຕ຺ຕສຫສ຺ສໍ ສມຕ຺ຕໍ.) (ສີ. ສ຺ຍາ. ກໍ. ປີ.)]

(ອິທມໂວຈ ຠຄວາ. ອຕ຺ຕມນາ ເຕ ຠິກ຺ຂູ ຠຄວໂຕ ຠາສິຕໍ ອຠິນນ຺ທຸນ຺ຕິ.) [( ) ເອຕ຺ຖນ຺ຕເຣ ປາໂຐ ສີ. ສ຺ຍາ. ກໍ. ປີ. ໂປຕ຺ຖເກສຸ ນຕ຺ຖິ]

ອມຕວຄ຺ໂຄ ວີສຕິໂມ.