໑໒. ອນາປຕ຺ຕິວຄ຺ໂຄ

໑໕໐. ‘‘ເຍ ເຕ, ຠິກ຺ຂເວ, ຠິກ຺ຂູ ອນາປຕ຺ຕິໍ ອາປຕ຺ຕີຕິ ທີເປນ຺ຕິ ເຕ, ຠິກ຺ຂເວ, ຠິກ຺ຂູ ພຫຸຊນອຫິຕາຍ ປຏິປນ຺ນາ ພຫຸຊນອສຸຂາຍ, ພຫຸໂນ ຊນສ຺ສ ອນຕ຺ຖາຍ ອຫິຕາຍ ທຸກ຺ຂາຍ ເທວມນຸສ຺ສານໍ. ພຫຸຎ຺ຈ ເຕ, ຠິກ຺ຂເວ, ຠິກ຺ຂູ ອປຸຎ຺ຎໍ ປສວນ຺ຕິ, ເຕ ຈິມໍ ສທ຺ຘມ຺ມໍ ອນ຺ຕຣຘາເປນ຺ຕີ’’ຕິ. ປຐມໍ.

໑໕໑. ‘‘ເຍ ເຕ, ຠິກ຺ຂເວ, ຠິກ຺ຂູ ອາປຕ຺ຕິໍ ອນາປຕ຺ຕີຕິ ທີເປນ຺ຕິ ເຕ, ຠິກ຺ຂເວ, ຠິກ຺ຂູ ພຫຸຊນອຫິຕາຍ ປຏິປນ຺ນາ ພຫຸຊນອສຸຂາຍ, ພຫຸໂນ ຊນສ຺ສ ອນຕ຺ຖາຍ ອຫິຕາຍ ທຸກ຺ຂາຍ ເທວມນຸສ຺ສານໍ. ພຫຸຎ຺ຈ ເຕ, ຠິກ຺ຂເວ, ຠິກ຺ຂູ ອປຸຎ຺ຎໍ ປສວນ຺ຕິ, ເຕ ຈິມໍ ສທ຺ຘມ຺ມໍ ອນ຺ຕຣຘາເປນ຺ຕີ’’ຕິ. ທຸຕິຍໍ.

໑໕໒-໑໕໙. ‘‘ເຍ ເຕ, ຠິກ຺ຂເວ, ຠິກ຺ຂູ ລຫຸກໍ ອາປຕ຺ຕິໍ ຄຣຸກາ ອາປຕ຺ຕີຕິ ທີເປນ຺ຕິ…ເປ… ຄຣຸກໍ ອາປຕ຺ຕິໍ ລຫຸກາ ອາປຕ຺ຕີຕິ ທີເປນ຺ຕິ…ເປ… ທຸຏ຺ຐຸລ຺ລໍ ອາປຕ຺ຕິໍ ອທຸຏ຺ຐຸລ຺ລາ ອາປຕ຺ຕີຕິ ທີເປນ຺ຕິ…ເປ… ອທຸຏ຺ຐຸລ຺ລໍ ອາປຕ຺ຕິໍ ທຸຏ຺ຐຸລ຺ລາ ອາປຕ຺ຕີຕິ ທີເປນ຺ຕິ…ເປ… ສາວເສສໍ ອາປຕ຺ຕິໍ ອນວເສສາ ອາປຕ຺ຕີຕິ ທີເປນ຺ຕິ…ເປ… ອນວເສສໍ ອາປຕ຺ຕິໍ ສາວເສສາ ອາປຕ຺ຕີຕິ ທີເປນ຺ຕິ…ເປ… ສປ຺ປຏິກມ຺ມໍ ອາປຕ຺ຕິໍ ອປ຺ປຏິກມ຺ມາ ອາປຕ຺ຕີຕິ ທີເປນ຺ຕິ…ເປ… ອປ຺ປຏິກມ຺ມໍ ອາປຕ຺ຕິໍ ສປ຺ປຏິກມ຺ມາ ອາປຕ຺ຕີຕິ ທີເປນ຺ຕິ ເຕ, ຠິກ຺ຂເວ, ຠິກ຺ຂູ ພຫຸຊນອຫິຕາຍ ປຏິປນ຺ນາ ພຫຸຊນອສຸຂາຍ, ພຫຸໂນ ຊນສ຺ສ ອນຕ຺ຖາຍ ອຫິຕາຍ ທຸກ຺ຂາຍ ເທວມນຸສ຺ສານໍ. ພຫຸຎ຺ຈ ເຕ, ຠິກ຺ຂເວ, ຠິກ຺ຂູ ອປຸຎ຺ຎໍ ປສວນ຺ຕິ, ເຕ ຈິມໍ ສທ຺ຘມ຺ມໍ ອນ຺ຕຣຘາເປນ຺ຕີ’’ຕິ. ທສມໍ.

໑໖໐. ‘‘ເຍ ເຕ, ຠິກ຺ຂເວ, ຠິກ຺ຂູ ອນາປຕ຺ຕິໍ ອນາປຕ຺ຕີຕິ ທີເປນ຺ຕິ ເຕ, ຠິກ຺ຂເວ, ຠິກ຺ຂູ ພຫຸຊນຫິຕາຍ ປຏິປນ຺ນາ ພຫຸຊນສຸຂາຍ, ພຫຸໂນ ຊນສ຺ສ ອຕ຺ຖາຍ ຫິຕາຍ ສຸຂາຍ ເທວມນຸສ຺ສານໍ. ພຫຸຎ຺ຈ ເຕ, ຠິກ຺ຂເວ, ຠິກ຺ຂູ ປຸຎ຺ຎໍ ປສວນ຺ຕິ, ເຕ ຈິມໍ ສທ຺ຘມ຺ມໍ ຐເປນ຺ຕີ’’ຕິ. ເອກາທສມໍ.

໑໖໑. ‘‘ເຍ ເຕ, ຠິກ຺ຂເວ, ຠິກ຺ຂູ ອາປຕ຺ຕິໍ ອາປຕ຺ຕີຕິ ທີເປນ຺ຕິ ເຕ, ຠິກ຺ຂເວ, ຠິກ຺ຂູ ພຫຸຊນຫິຕາຍ ປຏິປນ຺ນາ ພຫຸຊນສຸຂາຍ, ພຫຸໂນ ຊນສ຺ສ ອຕ຺ຖາຍ ຫິຕາຍ ສຸຂາຍ ເທວມນຸສ຺ສານໍ. ພຫຸຎ຺ຈ ເຕ, ຠິກ຺ຂເວ, ຠິກ຺ຂູ ປຸຎ຺ຎໍ ປສວນ຺ຕິ, ເຕ ຈິມໍ ສທ຺ຘມ຺ມໍ ຐເປນ຺ຕີ’’ຕິ. ທ຺ວາທສມໍ.

໑໖໒-໑໖໙. ‘‘ເຍ ເຕ, ຠິກ຺ຂເວ, ຠິກ຺ຂູ ລຫຸກໍ ອາປຕ຺ຕິໍ ລຫຸກາ ອາປຕ຺ຕີຕິ ທີເປນ຺ຕິ… ຄຣຸກໍ ອາປຕ຺ຕິໍ ຄຣຸກາ ອາປຕ຺ຕີຕິ ທີເປນ຺ຕິ… ທຸຏ຺ຐຸລ຺ລໍ ອາປຕ຺ຕິໍ ທຸຏ຺ຐຸລ຺ລາ ອາປຕ຺ຕີຕິ ທີເປນ຺ຕິ… ອທຸຏ຺ຐຸລ຺ລໍ ອາປຕ຺ຕິໍ ອທຸຏ຺ຐຸລ຺ລາ ອາປຕ຺ຕີຕິ ທີເປນ຺ຕິ… ສາວເສສໍ ອາປຕ຺ຕິໍ ສາວເສສາ ອາປຕ຺ຕີຕິ ທີເປນ຺ຕິ… ອນວເສສໍ ອາປຕ຺ຕິໍ ອນວເສສາ ອາປຕ຺ຕີຕິ ທີເປນ຺ຕິ… ສປ຺ປຏິກມ຺ມໍ ອາປຕ຺ຕິໍ ສປ຺ປຏິກມ຺ມາ ອາປຕ຺ຕີຕິ ທີເປນ຺ຕິ… ອປ຺ປຏິກມ຺ມໍ ອາປຕ຺ຕິໍ ອປ຺ປຏິກມ຺ມາ ອາປຕ຺ຕີຕິ ທີເປນ຺ຕິ ເຕ, ຠິກ຺ຂເວ, ຠິກ຺ຂູ ພຫຸຊນຫິຕາຍ ປຏິປນ຺ນາ ພຫຸຊນສຸຂາຍ, ພຫຸໂນ ຊນສ຺ສ ອຕ຺ຖາຍ ຫິຕາຍ ສຸຂາຍ ເທວມນຸສ຺ສານໍ. ພຫຸຎ຺ຈ ເຕ, ຠິກ຺ຂເວ, ຠິກ຺ຂູ ປຸຎ຺ຎໍ ປສວນ຺ຕິ, ເຕ ຈິມໍ ສທ຺ຘມ຺ມໍ ຐເປນ຺ຕີ’’ຕິ. ວີສຕິມໍ.

ອນາປຕ຺ຕິວຄ຺ໂຄ ທ຺ວາທສໂມ.