᪓. ᨸᩣᩁᩣᨩᩥᨠᩣᨴᩥ

᪔᪗᪓. ᨧᨲ᩠ᨲᩣᩁᩮᩣ ᨸᩣᩁᩣᨩᩥᨠᩣ ᨠᨲᩥᩉᩥ ᩈᨾᩩᨭ᩠ᨮᩣᨶᩮᩉᩥ ᩈᨾᩩᨭ᩠ᨮᨶ᩠ᨲᩥ? ᨧᨲ᩠ᨲᩣᩁᩮᩣ ᨸᩣᩁᩣᨩᩥᨠᩣ ᨲᩦᩉᩥ ᩈᨾᩩᨭ᩠ᨮᩣᨶᩮᩉᩥ ᩈᨾᩩᨭ᩠ᨮᨶ᩠ᨲᩥ – ᩈᩥᨿᩣ ᨠᩣᨿᨲᩮᩣ ᨧ ᨧᩥᨲ᩠ᨲᨲᩮᩣ ᨧ ᩈᨾᩩᨭ᩠ᨮᨶ᩠ᨲᩥ, ᨶ ᩅᩣᨧᨲᩮᩣ; ᩈᩥᨿᩣ ᩅᩣᨧᨲᩮᩣ ᨧ ᨧᩥᨲ᩠ᨲᨲᩮᩣ ᨧ ᩈᨾᩩᨭ᩠ᨮᨶ᩠ᨲᩥ, ᨶ ᨠᩣᨿᨲᩮᩣ; ᩈᩥᨿᩣ ᨠᩣᨿᨲᩮᩣ ᨧ ᩅᩣᨧᨲᩮᩣ ᨧ ᨧᩥᨲ᩠ᨲᨲᩮᩣ ᨧ ᩈᨾᩩᨭ᩠ᨮᨶ᩠ᨲᩥ.

ᨲᩮᩁᩈ ᩈᨦ᩠ᨥᩣᨴᩥᩈᩮᩈᩣ ᨠᨲᩥᩉᩥ ᩈᨾᩩᨭ᩠ᨮᩣᨶᩮᩉᩥ ᩈᨾᩩᨭ᩠ᨮᨶ᩠ᨲᩥ? ᨲᩮᩁᩈ ᩈᨦ᩠ᨥᩣᨴᩥᩈᩮᩈᩣ ᨨᩉᩥ ᩈᨾᩩᨭ᩠ᨮᩣᨶᩮᩉᩥ ᩈᨾᩩᨭ᩠ᨮᨶ᩠ᨲᩥ – ᩈᩥᨿᩣ ᨠᩣᨿᨲᩮᩣ ᩈᨾᩩᨭ᩠ᨮᨶ᩠ᨲᩥ, ᨶ ᩅᩣᨧᨲᩮᩣ ᨶ ᨧᩥᨲ᩠ᨲᨲᩮᩣ; ᩈᩥᨿᩣ ᩅᩣᨧᨲᩮᩣ ᩈᨾᩩᨭ᩠ᨮᨶ᩠ᨲᩥ, ᨶ ᨠᩣᨿᨲᩮᩣ ᨶ ᨧᩥᨲ᩠ᨲᨲᩮᩣ; ᩈᩥᨿᩣ ᨠᩣᨿᨲᩮᩣ ᨧ ᩅᩣᨧᨲᩮᩣ ᨶ ᩈᨾᩩᨭ᩠ᨮᨶ᩠ᨲᩥ, ᨶ ᨧᩥᨲ᩠ᨲᨲᩮᩣ; ᩈᩥᨿᩣ ᨠᩣᨿᨲᩮᩣ ᨧ ᨧᩥᨲ᩠ᨲᨲᩮᩣ ᨧ ᩈᨾᩩᨭ᩠ᨮᨶ᩠ᨲᩥ, ᨶ ᩅᩣᨧᨲᩮᩣ; ᩈᩥᨿᩣ ᩅᩣᨧᨲᩮᩣ ᨧ ᨧᩥᨲ᩠ᨲᨲᩮᩣ ᨧ ᩈᨾᩩᨭ᩠ᨮᨶ᩠ᨲᩥ, ᨶ ᨠᩣᨿᨲᩮᩣ; ᩈᩥᨿᩣ ᨠᩣᨿᨲᩮᩣ ᨧ ᩅᩣᨧᨲᩮᩣ ᨧ ᨧᩥᨲ᩠ᨲᨲᩮᩣ ᨧ ᩈᨾᩩᨭ᩠ᨮᨶ᩠ᨲᩥ.

ᨴ᩠ᩅᩮ ᩋᨶᩥᨿᨲᩣ ᨠᨲᩥᩉᩥ ᩈᨾᩩᨭ᩠ᨮᩣᨶᩮᩉᩥ ᩈᨾᩩᨭ᩠ᨮᨶ᩠ᨲᩥ? ᨴ᩠ᩅᩮ ᩋᨶᩥᨿᨲᩣ ᨲᩦᩉᩥ ᩈᨾᩩᨭ᩠ᨮᩣᨶᩮᩉᩥ ᩈᨾᩩᨭ᩠ᨮᨶ᩠ᨲᩥ – ᩈᩥᨿᩣ ᨠᩣᨿᨲᩮᩣ ᨧ ᨧᩥᨲ᩠ᨲᨲᩮᩣ ᨧ ᩈᨾᩩᨭ᩠ᨮᨶ᩠ᨲᩥ, ᨶ ᩅᩣᨧᨲᩮᩣ; ᩈᩥᨿᩣ ᩅᩣᨧᨲᩮᩣ ᨧ ᨧᩥᨲ᩠ᨲᨲᩮᩣ ᨧ ᩈᨾᩩᨭ᩠ᨮᨶ᩠ᨲᩥ, ᨶ ᨠᩣᨿᨲᩮᩣ; ᩈᩥᨿᩣ ᨠᩣᨿᨲᩮᩣ ᨧ ᩅᩣᨧᨲᩮᩣ ᨧ ᨧᩥᨲ᩠ᨲᨲᩮᩣ ᨧ ᩈᨾᩩᨭ᩠ᨮᨶ᩠ᨲᩥ.

ᨲᩥᩴᩈ ᨶᩥᩔᨣ᩠ᨣᩥᨿᩣ ᨸᩣᨧᩥᨲ᩠ᨲᩥᨿᩣ ᨠᨲᩥᩉᩥ ᩈᨾᩩᨭ᩠ᨮᩣᨶᩮᩉᩥ ᩈᨾᩩᨭ᩠ᨮᨶ᩠ᨲᩥ? ᨲᩥᩴᩈ ᨶᩥᩔᨣ᩠ᨣᩥᨿᩣ ᨸᩣᨧᩥᨲ᩠ᨲᩥᨿᩣ ᨨᩉᩥ ᩈᨾᩩᨭ᩠ᨮᩣᨶᩮᩉᩥ ᩈᨾᩩᨭ᩠ᨮᨶ᩠ᨲᩥ – ᩈᩥᨿᩣ ᨠᩣᨿᨲᩮᩣ ᩈᨾᩩᨭ᩠ᨮᨶ᩠ᨲᩥ, ᨶ ᩅᩣᨧᨲᩮᩣ ᨶ ᨧᩥᨲ᩠ᨲᨲᩮᩣ; ᩈᩥᨿᩣ ᩅᩣᨧᨲᩮᩣ ᩈᨾᩩᨭ᩠ᨮᨶ᩠ᨲᩥ, ᨶ ᨠᩣᨿᨲᩮᩣ ᨶ ᨧᩥᨲ᩠ᨲᨲᩮᩣ; ᩈᩥᨿᩣ ᨠᩣᨿᨲᩮᩣ ᨧ ᩅᩣᨧᨲᩮᩣ ᨧ ᩈᨾᩩᨭ᩠ᨮᨶ᩠ᨲᩥ, ᨶ ᨧᩥᨲ᩠ᨲᨲᩮᩣ; ᩈᩥᨿᩣ ᨠᩣᨿᨲᩮᩣ ᨧ ᨧᩥᨲ᩠ᨲᨲᩮᩣ ᨧ ᩈᨾᩩᨭ᩠ᨮᨶ᩠ᨲᩥ, ᨶ ᩅᩣᨧᨲᩮᩣ; ᩈᩥᨿᩣ ᩅᩣᨧᨲᩮᩣ ᨧ ᨧᩥᨲ᩠ᨲᨲᩮᩣ ᨧ ᩈᨾᩩᨭ᩠ᨮᨶ᩠ᨲᩥ, ᨶ ᨠᩣᨿᨲᩮᩣ; ᩈᩥᨿᩣ ᨠᩣᨿᨲᩮᩣ ᨧ ᩅᩣᨧᨲᩮᩣ ᨧ ᨧᩥᨲ᩠ᨲᨲᩮᩣ ᨧ ᩈᨾᩩᨭ᩠ᨮᨶ᩠ᨲᩥ.

ᨴ᩠ᩅᩮᨶᩅᩩᨲᩥ ᨸᩣᨧᩥᨲ᩠ᨲᩥᨿᩣ ᨠᨲᩥᩉᩥ ᩈᨾᩩᨭ᩠ᨮᩣᨶᩮᩉᩥ ᩈᨾᩩᨭ᩠ᨮᨶ᩠ᨲᩥ? ᨴ᩠ᩅᩮᨶᩅᩩᨲᩥ ᨸᩣᨧᩥᨲ᩠ᨲᩥᨿᩣ ᨨᩉᩥ ᩈᨾᩩᨭ᩠ᨮᩣᨶᩮᩉᩥ ᩈᨾᩩᨭ᩠ᨮᨶ᩠ᨲᩥ – ᩈᩥᨿᩣ ᨠᩣᨿᨲᩮᩣ ᩈᨾᩩᨭ᩠ᨮᨶ᩠ᨲᩥ, ᨶ ᩅᩣᨧᨲᩮᩣ ᨶ ᨧᩥᨲ᩠ᨲᨲᩮᩣ; ᩈᩥᨿᩣ ᩅᩣᨧᨲᩮᩣ ᩈᨾᩩᨭ᩠ᨮᨶ᩠ᨲᩥ, ᨶ ᨠᩣᨿᨲᩮᩣ ᨶ ᨧᩥᨲ᩠ᨲᨲᩮᩣ; ᩈᩥᨿᩣ ᨠᩣᨿᨲᩮᩣ ᨧ ᩅᩣᨧᨲᩮᩣ ᨧ ᩈᨾᩩᨭ᩠ᨮᨶ᩠ᨲᩥ, ᨶ ᨧᩥᨲ᩠ᨲᨲᩮᩣ; ᩈᩥᨿᩣ ᨠᩣᨿᨲᩮᩣ ᨧ ᨧᩥᨲ᩠ᨲᨲᩮᩣ ᨧ ᩈᨾᩩᨭ᩠ᨮᨶ᩠ᨲᩥ ᨶ ᩅᩣᨧᨲᩮᩣ; ᩈᩥᨿᩣ ᩅᩣᨧᨲᩮᩣ ᨧ ᨧᩥᨲ᩠ᨲᨲᩮᩣ ᨧ ᩈᨾᩩᨭ᩠ᨮᨶ᩠ᨲᩥ, ᨶ ᨠᩣᨿᨲᩮᩣ; ᩈᩥᨿᩣ ᨠᩣᨿᨲᩮᩣ ᨧ ᩅᩣᨧᨲᩮᩣ ᨧ ᨧᩥᨲ᩠ᨲᨲᩮᩣ ᨧ ᩈᨾᩩᨭ᩠ᨮᨶ᩠ᨲᩥ.

ᨧᨲ᩠ᨲᩣᩁᩮᩣ ᨸᩣᨭᩥᨴᩮᩈᨶᩦᨿᩣ ᨠᨲᩥᩉᩥ ᩈᨾᩩᨭ᩠ᨮᩣᨶᩮᩉᩥ ᩈᨾᩩᨭ᩠ᨮᨶ᩠ᨲᩥ? ᨧᨲ᩠ᨲᩣᩁᩮᩣ ᨸᩣᨭᩥᨴᩮᩈᨶᩦᨿᩣ ᨧᨲᩪᩉᩥ ᩈᨾᩩᨭ᩠ᨮᩣᨶᩮᩉᩥ ᩈᨾᩩᨭ᩠ᨮᨶ᩠ᨲᩥ – ᩈᩥᨿᩣ ᨠᩣᨿᨲᩮᩣ ᩈᨾᩩᨭ᩠ᨮᨶ᩠ᨲᩥ, ᨶ ᩅᩣᨧᨲᩮᩣ ᨶ ᨧᩥᨲ᩠ᨲᨲᩮᩣ; ᩈᩥᨿᩣ ᨠᩣᨿᨲᩮᩣ ᨧ ᩅᩣᨧᨲᩮᩣ ᨧ ᩈᨾᩩᨭ᩠ᨮᨶ᩠ᨲᩥ, ᨶ ᨧᩥᨲ᩠ᨲᨲᩮᩣ; ᩈᩥᨿᩣ ᨠᩣᨿᨲᩮᩣ ᨧ ᨧᩥᨲ᩠ᨲᨲᩮᩣ ᨧ ᩈᨾᩩᨭ᩠ᨮᨶ᩠ᨲᩥ, ᨶ ᩅᩣᨧᨲᩮᩣ; ᩈᩥᨿᩣ ᨠᩣᨿᨲᩮᩣ ᨧ ᩅᩣᨧᨲᩮᩣ ᨧ ᨧᩥᨲ᩠ᨲᨲᩮᩣ ᨧ ᩈᨾᩩᨭ᩠ᨮᨶ᩠ᨲᩥ.

ᨸᨬ᩠ᨧᩈᨲ᩠ᨲᨲᩥ ᩈᩮᨡᩥᨿᩣ ᨠᨲᩥᩉᩥ ᩈᨾᩩᨭ᩠ᨮᩣᨶᩮᩉᩥ ᩈᨾᩩᨭ᩠ᨮᨶ᩠ᨲᩥ? ᨸᨬ᩠ᨧᩈᨲ᩠ᨲᨲᩥ ᩈᩮᨡᩥᨿᩣ ᨲᩦᩉᩥ ᩈᨾᩩᨭ᩠ᨮᩣᨶᩮᩉᩥ ᩈᨾᩩᨭ᩠ᨮᨶ᩠ᨲᩥ – ᩈᩥᨿᩣ ᨠᩣᨿᨲᩮᩣ ᨧ ᨧᩥᨲ᩠ᨲᨲᩮᩣ ᨧ ᩈᨾᩩᨭ᩠ᨮᨶ᩠ᨲᩥ, ᨶ ᩅᩣᨧᨲᩮᩣ; ᩈᩥᨿᩣ ᩅᩣᨧᨲᩮᩣ ᨧ ᨧᩥᨲ᩠ᨲᨲᩮᩣ ᨧ ᩈᨾᩩᨭ᩠ᨮᨶ᩠ᨲᩥ, ᨶ ᨠᩣᨿᨲᩮᩣ; ᩈᩥᨿᩣ ᨠᩣᨿᨲᩮᩣ ᨧ ᩅᩣᨧᨲᩮᩣ ᨧ ᨧᩥᨲ᩠ᨲᨲᩮᩣ ᨧ ᩈᨾᩩᨭ᩠ᨮᨶ᩠ᨲᩥ.

ᩈᨾᩩᨭ᩠ᨮᩣᨶᩴ ᨶᩥᨭ᩠ᨮᩥᨲᩴ.