᪖. ᩏᨸ᩠ᨸᩣᨴᨶᩥᩁᩮᩣᨵᩅᩣᩁᩮᩣ

ᨿᩔ ᨿᩴ ᨧᩥᨲ᩠ᨲᩴ ᩏᨸ᩠ᨸᨩ᩠ᨩᨲᩥ, ᨲᩔ ᨲᩴ ᨧᩥᨲ᩠ᨲᩴ ᨶᩥᩁᩩᨩ᩠ᨫᩥᨲ᩠ᨳ. ᨿᩔ ᩅᩣ ᨸᨶ ᨿᩴ ᨧᩥᨲ᩠ᨲᩴ ᨶᩥᩁᩩᨩ᩠ᨫᩥᨲ᩠ᨳ, ᨲᩔ ᨲᩴ ᨧᩥᨲ᩠ᨲᩴ ᩏᨸ᩠ᨸᨩ᩠ᨩᨲᩥ.

ᨿᩔ ᨿᩴ ᨧᩥᨲ᩠ᨲᩴ ᨶ ᩏᨸ᩠ᨸᨩ᩠ᨩᨲᩥ, ᨲᩔ ᨲᩴ ᨧᩥᨲ᩠ᨲᩴ ᨶ ᨶᩥᩁᩩᨩ᩠ᨫᩥᨲ᩠ᨳ. ᨿᩔ ᩅᩣ ᨸᨶ ᨿᩴ ᨧᩥᨲ᩠ᨲᩴ ᨶ ᨶᩥᩁᩩᨩ᩠ᨫᩥᨲ᩠ᨳ, ᨲᩔ ᨲᩴ ᨧᩥᨲ᩠ᨲᩴ ᨶ ᩏᨸ᩠ᨸᨩ᩠ᨩᨲᩥ.

ᨿᩔ ᨿᩴ ᨧᩥᨲ᩠ᨲᩴ ᩏᨸ᩠ᨸᨩ᩠ᨩᨲᩥ, ᨲᩔ ᨲᩴ ᨧᩥᨲ᩠ᨲᩴ ᨶᩥᩁᩩᨩ᩠ᨫᩥᩔᨲᩥ. ᨿᩔ ᩅᩣ ᨸᨶ ᨿᩴ ᨧᩥᨲ᩠ᨲᩴ ᨶᩥᩁᩩᨩ᩠ᨫᩥᩔᨲᩥ, ᨲᩔ ᨲᩴ ᨧᩥᨲ᩠ᨲᩴ ᩏᨸ᩠ᨸᨩ᩠ᨩᨲᩥ.

ᨿᩔ ᨿᩴ ᨧᩥᨲ᩠ᨲᩴ ᨶ ᩏᨸ᩠ᨸᨩ᩠ᨩᨲᩥ, ᨲᩔ ᨲᩴ ᨧᩥᨲ᩠ᨲᩴ ᨶ ᨶᩥᩁᩩᨩ᩠ᨫᩥᩔᨲᩥ. ᨿᩔ ᩅᩣ ᨸᨶ ᨿᩴ ᨧᩥᨲ᩠ᨲᩴ ᨶ ᨶᩥᩁᩩᨩ᩠ᨫᩥᩔᨲᩥ, ᨲᩔ ᨲᩴ ᨧᩥᨲ᩠ᨲᩴ ᨶ ᩏᨸ᩠ᨸᨩ᩠ᨩᨲᩥ.

ᨿᩔ ᨿᩴ ᨧᩥᨲ᩠ᨲᩴ ᩏᨸ᩠ᨸᨩ᩠ᨩᩥᨲ᩠ᨳ, ᨲᩔ ᨲᩴ ᨧᩥᨲ᩠ᨲᩴ ᨶᩥᩁᩩᨩ᩠ᨫᩥᩔᨲᩥ. ᨿᩔ ᩅᩣ ᨸᨶ ᨿᩴ ᨧᩥᨲ᩠ᨲᩴ ᨶᩥᩁᩩᨩ᩠ᨫᩥᩔᨲᩥ, ᨲᩔ ᨲᩴ ᨧᩥᨲ᩠ᨲᩴ ᩏᨸ᩠ᨸᨩ᩠ᨩᩥᨲ᩠ᨳ.

ᨿᩔ ᨿᩴ ᨧᩥᨲ᩠ᨲᩴ ᨶ ᩏᨸ᩠ᨸᨩ᩠ᨩᩥᨲ᩠ᨳ, ᨲᩔ ᨲᩴ ᨧᩥᨲ᩠ᨲᩴ ᨶ ᨶᩥᩁᩩᨩ᩠ᨫᩥᩔᨲᩥ. ᨿᩔ ᩅᩣ ᨸᨶ ᨿᩴ ᨧᩥᨲ᩠ᨲᩴ ᨶ ᨶᩥᩁᩩᨩ᩠ᨫᩥᩔᨲᩥ, ᨲᩔ ᨲᩴ ᨧᩥᨲ᩠ᨲᩴ ᨶ ᩏᨸ᩠ᨸᨩ᩠ᨩᩥᨲ᩠ᨳ.