᪖. ᩈᨬ᩠ᨬᩣᩈᩩᨲ᩠ᨲᩴ

᪓᪑᪗. ᩈᩣᩅᨲ᩠ᨳᩥᨶᩥᨴᩣᨶᩴ. ‘‘ᨿᩮᩣ ᨡᩮᩣ, ᨽᩥᨠ᩠ᨡᩅᩮ, ᩁᩪᨸᩈᨬ᩠ᨬᩣᨿ ᩏᨸ᩠ᨸᩣᨴᩮᩣ ᨮᩥᨲᩥ…ᨸᩮ… ᨩᩁᩣᨾᩁᨱᩔ ᨸᩣᨲᩩᨽᩣᩅᩮᩣ…ᨸᩮ… ᨿᩮᩣ ᨵᨾ᩠ᨾᩈᨬ᩠ᨬᩣᨿ ᩏᨸ᩠ᨸᩣᨴᩮᩣ ᨮᩥᨲᩥ ᩋᨽᩥᨶᩥᨻ᩠ᨻᨲ᩠ᨲᩥ ᨸᩣᨲᩩᨽᩣᩅᩮᩣ, ᨴᩩᨠ᩠ᨡᩔᩮᩈᩮᩣ ᩏᨸ᩠ᨸᩣᨴᩮᩣ, ᩁᩮᩣᨣᩣᨶᩴ ᨮᩥᨲᩥ, ᨩᩁᩣᨾᩁᨱᩔ ᨸᩣᨲᩩᨽᩣᩅᩮᩣ. ᨿᩮᩣ ᨧ ᨡᩮᩣ, ᨽᩥᨠ᩠ᨡᩅᩮ, ᩁᩪᨸᩈᨬ᩠ᨬᩣᨿ ᨶᩥᩁᩮᩣᨵᩮᩣ…ᨸᩮ… ᨩᩁᩣᨾᩁᨱᩔ ᩋᨲ᩠ᨳᨦ᩠ᨣᨾᩮᩣ…ᨸᩮ… ᨿᩮᩣ ᨵᨾ᩠ᨾᩈᨬ᩠ᨬᩣᨿ ᨶᩥᩁᩮᩣᨵᩮᩣ ᩅᩪᨸᩈᨾᩮᩣ ᩋᨲ᩠ᨳᨦ᩠ᨣᨾᩮᩣ, ᨴᩩᨠ᩠ᨡᩔᩮᩈᩮᩣ ᨶᩥᩁᩮᩣᨵᩮᩣ, ᩁᩮᩣᨣᩣᨶᩴ ᩅᩪᨸᩈᨾᩮᩣ, ᨩᩁᩣᨾᩁᨱᩔ ᩋᨲ᩠ᨳᨦ᩠ᨣᨾᩮᩣ’’ᨲᩥ. ᨨᨭ᩠ᨮᩴ.