᪒. ᩑᨠᩣᩈᨶᨴᩣᨿᨠᨲ᩠ᨳᩮᩁᩋᨸᨴᩣᨶᩴ

᪕. ‘‘ᩅᩥᨩᩉᩥᨲ᩠ᩅᩣ ᨴᩮᩅᩅᨱ᩠ᨱᩴ, ᩈᨽᩁᩥᨿᩮᩣ ᩍᨵᩣᨣᨾᩥᩴ;

ᩋᨵᩥᨠᩣᩁᩴ ᨠᨲ᩠ᨲᩩᨠᩣᨾᩮᩣ, ᨻᩩᨴ᩠ᨵᩈᩮᨭ᩠ᨮᩔ ᩈᩣᩈᨶᩮ.

᪖. ‘‘ᨴᩮᩅᩃᩮᩣ ᨶᩣᨾ ᨶᩣᨾᩮᨶ, ᨸᨴᩩᨾᩩᨲ᩠ᨲᩁᩈᩣᩅᨠᩮᩣ;

ᨲᩔ ᨽᩥᨠ᩠ᨡᩣ ᨾᨿᩣ ᨴᩥᨶ᩠ᨶᩣ, ᩅᩥᨸ᩠ᨸᩈᨶ᩠ᨶᩮᨶ ᨧᩮᨲᩈᩣ.

᪗. ‘‘ᩈᨲᩈᩉᩔᩥᨲᩮᩣ ᨠᨸ᩠ᨸᩮ, ᨿᩴ ᨠᨾ᩠ᨾᨾᨠᩁᩥᩴ ᨲᨴᩣ;

ᨴᩩᨣ᩠ᨣᨲᩥᩴ ᨶᩣᨽᩥᨩᩣᨶᩣᨾᩥ, ᨸᩥᨱ᩠ᨯᨸᩣᨲᩔᩥᨴᩴ ᨹᩃᩴ.

᪘. ‘‘ᨸᨭᩥᩈᨾ᩠ᨽᩥᨴᩣ ᨧᨲᩔᩮᩣ…ᨸᩮ… ᨠᨲᩴ ᨻᩩᨴ᩠ᨵᩔ ᩈᩣᩈᨶᩴ’’.

ᩍᨲ᩠ᨳᩴ ᩈᩩᨴᩴ ᩌᨿᩈ᩠ᨾᩣ ᩑᨠᩣᩈᨶᨴᩣᨿᨠᩮᩣ ᨳᩮᩁᩮᩣ ᩍᨾᩣ ᨣᩣᨳᩣᨿᩮᩣ ᩋᨽᩣᩈᩥᨲ᩠ᨳᩣᨲᩥ.

ᩑᨠᩣᩈᨶᨴᩣᨿᨠᨲ᩠ᨳᩮᩁᩔᩣᨸᨴᩣᨶᩴ ᨴᩩᨲᩥᨿᩴ.