(᪔) ᩏᨸ᩠ᨸᩣᨴᩅᩣᩁᩮᩣ

᪖᪖. (ᨠ) ᨿᩔ ᨧᩥᨲ᩠ᨲᩴ ᩏᨸ᩠ᨸᨩ᩠ᨩᨲᩥ ᨲᩔ ᨧᩥᨲ᩠ᨲᩴ ᩏᨸ᩠ᨸᨩ᩠ᨩᩥᨲ᩠ᨳᩣᨲᩥ? ᩌᨾᨶ᩠ᨲᩣ.

(ᨡ) ᨿᩔ ᩅᩣ ᨸᨶ ᨧᩥᨲ᩠ᨲᩴ ᩏᨸ᩠ᨸᨩ᩠ᨩᩥᨲ᩠ᨳ ᨲᩔ ᨧᩥᨲ᩠ᨲᩴ ᩏᨸ᩠ᨸᨩ᩠ᨩᨲᩦᨲᩥ?

ᨧᩥᨲ᩠ᨲᩔ ᨽᨦ᩠ᨣᨠ᩠ᨡᨱᩮ ᨶᩥᩁᩮᩣᨵᩈᨾᩣᨸᨶ᩠ᨶᩣᨶᩴ ᩋᩈᨬ᩠ᨬᩈᨲ᩠ᨲᩣᨶᩴ ᨲᩮᩈᩴ ᨧᩥᨲ᩠ᨲᩴ ᩏᨸ᩠ᨸᨩ᩠ᨩᩥᨲ᩠ᨳ, ᨶᩮᩣ ᨧ ᨲᩮᩈᩴ ᨧᩥᨲ᩠ᨲᩴ ᩏᨸ᩠ᨸᨩ᩠ᨩᨲᩥ. ᨧᩥᨲ᩠ᨲᩔ ᩏᨸ᩠ᨸᩣᨴᨠ᩠ᨡᨱᩮ ᨲᩮᩈᩴ ᨧᩥᨲ᩠ᨲᩴ ᩏᨸ᩠ᨸᨩ᩠ᨩᩥᨲ᩠ᨳ ᨧᩮᩅ ᩏᨸ᩠ᨸᨩ᩠ᨩᨲᩥ ᨧ.

(ᨠ) ᨿᩔ ᨧᩥᨲ᩠ᨲᩴ ᨶ ᩏᨸ᩠ᨸᨩ᩠ᨩᨲᩥ ᨲᩔ ᨧᩥᨲ᩠ᨲᩴ ᨶ ᩏᨸ᩠ᨸᨩ᩠ᨩᩥᨲ᩠ᨳᩣᨲᩥ? ᩏᨸ᩠ᨸᨩ᩠ᨩᩥᨲ᩠ᨳ.

(ᨡ) ᨿᩔ ᩅᩣ ᨸᨶ ᨧᩥᨲ᩠ᨲᩴ ᨶ ᩏᨸ᩠ᨸᨩ᩠ᨩᩥᨲ᩠ᨳ ᨲᩔ ᨧᩥᨲ᩠ᨲᩴ ᨶ ᩏᨸ᩠ᨸᨩ᩠ᨩᨲᩦᨲᩥ? ᨶᨲ᩠ᨳᩥ.

᪖᪗. (ᨠ) ᨿᩔ ᨧᩥᨲ᩠ᨲᩴ ᩏᨸ᩠ᨸᨩ᩠ᨩᨲᩥ ᨲᩔ ᨧᩥᨲ᩠ᨲᩴ ᩏᨸ᩠ᨸᨩ᩠ᨩᩥᩔᨲᩦᨲᩥ?

ᨸᨧ᩠ᨨᩥᨾᨧᩥᨲ᩠ᨲᩔ ᩏᨸ᩠ᨸᩣᨴᨠ᩠ᨡᨱᩮ ᨲᩮᩈᩴ ᨧᩥᨲ᩠ᨲᩴ ᩏᨸ᩠ᨸᨩ᩠ᨩᨲᩥ, ᨶᩮᩣ ᨧ ᨲᩮᩈᩴ ᨧᩥᨲ᩠ᨲᩴ ᩏᨸ᩠ᨸᨩ᩠ᨩᩥᩔᨲᩥ. ᩍᨲᩁᩮᩈᩴ ᨧᩥᨲ᩠ᨲᩔ ᩏᨸ᩠ᨸᩣᨴᨠ᩠ᨡᨱᩮ ᨲᩮᩈᩴ ᨧᩥᨲ᩠ᨲᩴ ᩏᨸ᩠ᨸᨩ᩠ᨩᨲᩥ ᨧᩮᩅ ᩏᨸ᩠ᨸᨩ᩠ᨩᩥᩔᨲᩥ ᨧ.

(ᨡ) ᨿᩔ ᩅᩣ ᨸᨶ ᨧᩥᨲ᩠ᨲᩴ ᩏᨸ᩠ᨸᨩ᩠ᨩᩥᩔᨲᩥ ᨲᩔ ᨧᩥᨲ᩠ᨲᩴ ᩏᨸ᩠ᨸᨩ᩠ᨩᨲᩦᨲᩥ?

ᨧᩥᨲ᩠ᨲᩔ ᨽᨦ᩠ᨣᨠ᩠ᨡᨱᩮ ᨶᩥᩁᩮᩣᨵᩈᨾᩣᨸᨶ᩠ᨶᩣᨶᩴ ᩋᩈᨬ᩠ᨬᩈᨲ᩠ᨲᩣᨶᩴ ᨲᩮᩈᩴ ᨧᩥᨲ᩠ᨲᩴ ᩏᨸ᩠ᨸᨩ᩠ᨩᩥᩔᨲᩥ, ᨶᩮᩣ ᨧ ᨲᩮᩈᩴ ᨧᩥᨲ᩠ᨲᩴ ᩏᨸ᩠ᨸᨩ᩠ᨩᨲᩥ. ᨧᩥᨲ᩠ᨲᩔ ᩏᨸ᩠ᨸᩣᨴᨠ᩠ᨡᨱᩮ ᨲᩮᩈᩴ ᨧᩥᨲ᩠ᨲᩴ ᩏᨸ᩠ᨸᨩ᩠ᨩᩥᩔᨲᩥ ᨧᩮᩅ ᩏᨸ᩠ᨸᨩ᩠ᨩᨲᩥ ᨧ.

(ᨠ) ᨿᩔ ᨧᩥᨲ᩠ᨲᩴ ᨶ ᩏᨸ᩠ᨸᨩ᩠ᨩᨲᩥ ᨲᩔ ᨧᩥᨲ᩠ᨲᩴ ᨶ ᩏᨸ᩠ᨸᨩ᩠ᨩᩥᩔᨲᩦᨲᩥ?

ᨧᩥᨲ᩠ᨲᩔ ᨽᨦ᩠ᨣᨠ᩠ᨡᨱᩮ ᨶᩥᩁᩮᩣᨵᩈᨾᩣᨸᨶ᩠ᨶᩣᨶᩴ ᩋᩈᨬ᩠ᨬᩈᨲ᩠ᨲᩣᨶᩴ ᨲᩮᩈᩴ ᨧᩥᨲ᩠ᨲᩴ ᨶ ᩏᨸ᩠ᨸᨩ᩠ᨩᨲᩥ, ᨶᩮᩣ ᨧ ᨲᩮᩈᩴ ᨧᩥᨲ᩠ᨲᩴ ᨶ ᩏᨸ᩠ᨸᨩ᩠ᨩᩥᩔᨲᩥ. ᨸᨧ᩠ᨨᩥᨾᨧᩥᨲ᩠ᨲᩔ ᨽᨦ᩠ᨣᨠ᩠ᨡᨱᩮ ᨲᩮᩈᩴ ᨧᩥᨲ᩠ᨲᩴ ᨶ ᨧᩮᩅ ᩏᨸ᩠ᨸᨩ᩠ᨩᨲᩥ ᨶ ᨧ ᩏᨸ᩠ᨸᨩ᩠ᨩᩥᩔᨲᩥ.

(ᨡ) ᨿᩔ ᩅᩣ ᨸᨶ ᨧᩥᨲ᩠ᨲᩴ ᨶ ᩏᨸ᩠ᨸᨩ᩠ᨩᩥᩔᨲᩥ ᨲᩔ ᨧᩥᨲ᩠ᨲᩴ ᨶ ᩏᨸ᩠ᨸᨩ᩠ᨩᨲᩦᨲᩥ?

ᨸᨧ᩠ᨨᩥᨾᨧᩥᨲ᩠ᨲᩔ ᩏᨸ᩠ᨸᩣᨴᨠ᩠ᨡᨱᩮ ᨲᩮᩈᩴ ᨧᩥᨲ᩠ᨲᩴ ᨶ ᩏᨸ᩠ᨸᨩ᩠ᨩᩥᩔᨲᩥ, ᨶᩮᩣ ᨧ ᨲᩮᩈᩴ ᨧᩥᨲ᩠ᨲᩴ ᨶ ᩏᨸ᩠ᨸᨩ᩠ᨩᨲᩥ. ᨸᨧ᩠ᨨᩥᨾᨧᩥᨲ᩠ᨲᩔ ᨽᨦ᩠ᨣᨠ᩠ᨡᨱᩮ ᨲᩮᩈᩴ ᨧᩥᨲ᩠ᨲᩴ ᨶ ᨧᩮᩅ ᩏᨸ᩠ᨸᨩ᩠ᨩᩥᩔᨲᩥ ᨶ ᨧ ᩏᨸ᩠ᨸᨩ᩠ᨩᨲᩥ.

᪖᪘. (ᨠ) ᨿᩔ ᨧᩥᨲ᩠ᨲᩴ ᩏᨸ᩠ᨸᨩ᩠ᨩᩥᨲ᩠ᨳ ᨲᩔ ᨧᩥᨲ᩠ᨲᩴ ᩏᨸ᩠ᨸᨩ᩠ᨩᩥᩔᨲᩦᨲᩥ?

ᨸᨧ᩠ᨨᩥᨾᨧᩥᨲ᩠ᨲᩈᨾᨦ᩠ᨣᩦᨶᩴ ᨲᩮᩈᩴ ᨧᩥᨲ᩠ᨲᩴ ᩏᨸ᩠ᨸᨩ᩠ᨩᩥᨲ᩠ᨳ, ᨶᩮᩣ ᨧ ᨲᩮᩈᩴ ᨧᩥᨲ᩠ᨲᩴ ᩏᨸ᩠ᨸᨩ᩠ᨩᩥᩔᨲᩥ. ᩍᨲᩁᩮᩈᩴ ᨲᩮᩈᩴ ᨧᩥᨲ᩠ᨲᩴ ᩏᨸ᩠ᨸᨩ᩠ᨩᩥᨲ᩠ᨳ ᨧᩮᩅ ᩏᨸ᩠ᨸᨩ᩠ᨩᩥᩔᨲᩥ ᨧ.

(ᨡ) ᨿᩔ ᩅᩣ ᨸᨶ ᨧᩥᨲ᩠ᨲᩴ ᩏᨸ᩠ᨸᨩ᩠ᨩᩥᩔᨲᩥ ᨲᩔ ᨧᩥᨲ᩠ᨲᩴ ᩏᨸ᩠ᨸᨩ᩠ᨩᩥᨲ᩠ᨳᩣᨲᩥ? ᩌᨾᨶ᩠ᨲᩣ.

(ᨠ) ᨿᩔ ᨧᩥᨲ᩠ᨲᩴ ᨶ ᩏᨸ᩠ᨸᨩ᩠ᨩᩥᨲ᩠ᨳ ᨲᩔ ᨧᩥᨲ᩠ᨲᩴ ᨶ ᩏᨸ᩠ᨸᨩ᩠ᨩᩥᩔᨲᩦᨲᩥ? ᨶᨲ᩠ᨳᩥ.

(ᨡ) ᨿᩔ ᩅᩣ ᨸᨶ ᨧᩥᨲ᩠ᨲᩴ ᨶ ᩏᨸ᩠ᨸᨩ᩠ᨩᩥᩔᨲᩥ ᨲᩔ ᨧᩥᨲ᩠ᨲᩴ ᨶ ᩏᨸ᩠ᨸᨩ᩠ᨩᩥᨲ᩠ᨳᩣᨲᩥ? ᩏᨸ᩠ᨸᨩ᩠ᨩᩥᨲ᩠ᨳ.