(᪔) ᩏᨸ᩠ᨸᩣᨴᩅᩣᩁᩮᩣ

᪘᪗. (ᨠ) ᨿᩴ ᨧᩥᨲ᩠ᨲᩴ ᩏᨸ᩠ᨸᨩ᩠ᨩᨲᩥ ᨲᩴ ᨧᩥᨲ᩠ᨲᩴ ᩏᨸ᩠ᨸᨩ᩠ᨩᩥᨲ᩠ᨳᩣᨲᩥ? ᨶᩮᩣ.

(ᨡ) ᨿᩴ ᩅᩣ ᨸᨶ ᨧᩥᨲ᩠ᨲᩴ ᩏᨸ᩠ᨸᨩ᩠ᨩᩥᨲ᩠ᨳ ᨲᩴ ᨧᩥᨲ᩠ᨲᩴ ᩏᨸ᩠ᨸᨩ᩠ᨩᨲᩦᨲᩥ? ᨶᩮᩣ.

(ᨠ) ᨿᩴ ᨧᩥᨲ᩠ᨲᩴ ᨶ ᩏᨸ᩠ᨸᨩ᩠ᨩᨲᩥ ᨲᩴ ᨧᩥᨲ᩠ᨲᩴ ᨶ ᩏᨸ᩠ᨸᨩ᩠ᨩᩥᨲ᩠ᨳᩣᨲᩥ?

ᩋᨲᩦᨲᩴ ᨧᩥᨲ᩠ᨲᩴ ᨶ ᩏᨸ᩠ᨸᨩ᩠ᨩᨲᩥ, ᨶᩮᩣ ᨧ ᨲᩴ ᨧᩥᨲ᩠ᨲᩴ ᨶ ᩏᨸ᩠ᨸᨩ᩠ᨩᩥᨲ᩠ᨳ. ᨽᨦ᩠ᨣᨠ᩠ᨡᨱᩮ ᩋᨶᩣᨣᨲᨬ᩠ᨧ ᨧᩥᨲ᩠ᨲᩴ ᨶ ᨧᩮᩅ ᩏᨸ᩠ᨸᨩ᩠ᨩᨲᩥ ᨶ ᨧ ᩏᨸ᩠ᨸᨩ᩠ᨩᩥᨲ᩠ᨳ.

(ᨡ) ᨿᩴ ᩅᩣ ᨸᨶ ᨧᩥᨲ᩠ᨲᩴ ᨶ ᩏᨸ᩠ᨸᨩ᩠ᨩᩥᨲ᩠ᨳ ᨲᩴ ᨧᩥᨲ᩠ᨲᩴ ᨶ ᩏᨸ᩠ᨸᨩ᩠ᨩᨲᩦᨲᩥ?

ᩏᨸ᩠ᨸᩣᨴᨠ᩠ᨡᨱᩮ ᨧᩥᨲ᩠ᨲᩴ ᨶ ᩏᨸ᩠ᨸᨩ᩠ᨩᩥᨲ᩠ᨳ, ᨶᩮᩣ ᨧ ᨲᩴ ᨧᩥᨲ᩠ᨲᩴ ᨶ ᩏᨸ᩠ᨸᨩ᩠ᨩᨲᩥ. ᨽᨦ᩠ᨣᨠ᩠ᨡᨱᩮ ᩋᨶᩣᨣᨲᨬ᩠ᨧ ᨧᩥᨲ᩠ᨲᩴ ᨶ ᨧᩮᩅ ᩏᨸ᩠ᨸᨩ᩠ᨩᩥᨲ᩠ᨳ ᨶ ᨧ ᩏᨸ᩠ᨸᨩ᩠ᨩᨲᩥ.

᪘᪘. (ᨠ) ᨿᩴ ᨧᩥᨲ᩠ᨲᩴ ᩏᨸ᩠ᨸᨩ᩠ᨩᨲᩥ ᨲᩴ ᨧᩥᨲ᩠ᨲᩴ ᩏᨸ᩠ᨸᨩ᩠ᨩᩥᩔᨲᩦᨲᩥ? ᨶᩮᩣ.

(ᨡ) ᨿᩴ ᩅᩣ ᨸᨶ ᨧᩥᨲ᩠ᨲᩴ ᩏᨸ᩠ᨸᨩ᩠ᨩᩥᩔᨲᩥ ᨲᩴ ᨧᩥᨲ᩠ᨲᩴ ᩏᨸ᩠ᨸᨩ᩠ᨩᨲᩦᨲᩥ? ᨶᩮᩣ.

(ᨠ) ᨿᩴ ᨧᩥᨲ᩠ᨲᩴ ᨶ ᩏᨸ᩠ᨸᨩ᩠ᨩᨲᩥ ᨲᩴ ᨧᩥᨲ᩠ᨲᩴ ᨶ ᩏᨸ᩠ᨸᨩ᩠ᨩᩥᩔᨲᩦᨲᩥ?

ᩋᨶᩣᨣᨲᩴ ᨧᩥᨲ᩠ᨲᩴ ᨶ ᩏᨸ᩠ᨸᨩ᩠ᨩᨲᩥ, ᨶᩮᩣ ᨧ ᨲᩴ ᨧᩥᨲ᩠ᨲᩴ ᨶ ᩏᨸ᩠ᨸᨩ᩠ᨩᩥᩔᨲᩥ. ᨽᨦ᩠ᨣᨠ᩠ᨡᨱᩮ ᩋᨲᩦᨲᨬ᩠ᨧ ᨧᩥᨲ᩠ᨲᩴ ᨶ ᨧᩮᩅ ᩏᨸ᩠ᨸᨩ᩠ᨩᨲᩥ ᨶ ᨧ ᩏᨸ᩠ᨸᨩ᩠ᨩᩥᩔᨲᩥ.

(ᨡ) ᨿᩴ ᩅᩣ ᨸᨶ ᨧᩥᨲ᩠ᨲᩴ ᨶ ᩏᨸ᩠ᨸᨩ᩠ᨩᩥᩔᨲᩥ ᨲᩴ ᨧᩥᨲ᩠ᨲᩴ ᨶ ᩏᨸ᩠ᨸᨩ᩠ᨩᨲᩦᨲᩥ?

ᩏᨸ᩠ᨸᩣᨴᨠ᩠ᨡᨱᩮ ᨧᩥᨲ᩠ᨲᩴ ᨶ ᩏᨸ᩠ᨸᨩ᩠ᨩᩥᩔᨲᩥ, ᨶᩮᩣ ᨧ ᨲᩴ ᨧᩥᨲ᩠ᨲᩴ ᨶ ᩏᨸ᩠ᨸᨩ᩠ᨩᨲᩥ. ᨽᨦ᩠ᨣᨠ᩠ᨡᨱᩮ ᩋᨲᩦᨲᨬ᩠ᨧ ᨧᩥᨲ᩠ᨲᩴ ᨶ ᨧᩮᩅ ᩏᨸ᩠ᨸᨩ᩠ᨩᩥᩔᨲᩥ ᨶ ᨧ ᩏᨸ᩠ᨸᨩ᩠ᨩᨲᩥ.

᪘᪙. (ᨠ) ᨿᩴ ᨧᩥᨲ᩠ᨲᩴ ᩏᨸ᩠ᨸᨩ᩠ᨩᩥᨲ᩠ᨳ ᨲᩴ ᨧᩥᨲ᩠ᨲᩴ ᩏᨸ᩠ᨸᨩ᩠ᨩᩥᩔᨲᩦᨲᩥ? ᨶᩮᩣ.

(ᨡ) ᨿᩴ ᩅᩣ ᨸᨶ ᨧᩥᨲ᩠ᨲᩴ ᩏᨸ᩠ᨸᨩ᩠ᨩᩥᩔᨲᩥ ᨲᩴ ᨧᩥᨲ᩠ᨲᩴ ᩏᨸ᩠ᨸᨩ᩠ᨩᩥᨲ᩠ᨳᩣᨲᩥ? ᨶᩮᩣ.

(ᨠ) ᨿᩴ ᨧᩥᨲ᩠ᨲᩴ ᨶ ᩏᨸ᩠ᨸᨩ᩠ᨩᩥᨲ᩠ᨳ ᨲᩴ ᨧᩥᨲ᩠ᨲᩴ ᨶ ᩏᨸ᩠ᨸᨩ᩠ᨩᩥᩔᨲᩦᨲᩥ?

ᩋᨶᩣᨣᨲᩴ ᨧᩥᨲ᩠ᨲᩴ ᨶ ᩏᨸ᩠ᨸᨩ᩠ᨩᩥᨲ᩠ᨳ, ᨶᩮᩣ ᨧ ᨲᩴ ᨧᩥᨲ᩠ᨲᩴ ᨶ ᩏᨸ᩠ᨸᨩ᩠ᨩᩥᩔᨲᩥ. ᨸᨧ᩠ᨧᩩᨸ᩠ᨸᨶ᩠ᨶᩴ ᨧᩥᨲ᩠ᨲᩴ ᨶ ᨧᩮᩅ ᩏᨸ᩠ᨸᨩ᩠ᨩᩥᨲ᩠ᨳ ᨶ ᨧ ᩏᨸ᩠ᨸᨩ᩠ᨩᩥᩔᨲᩥ.

(ᨡ) ᨿᩴ ᩅᩣ ᨸᨶ ᨧᩥᨲ᩠ᨲᩴ ᨶ ᩏᨸ᩠ᨸᨩ᩠ᨩᩥᩔᨲᩥ ᨲᩴ ᨧᩥᨲ᩠ᨲᩴ ᨶ ᩏᨸ᩠ᨸᨩ᩠ᨩᩥᨲ᩠ᨳᩣᨲᩥ?

ᩋᨲᩦᨲᩴ ᨧᩥᨲ᩠ᨲᩴ ᨶ ᩏᨸ᩠ᨸᨩ᩠ᨩᩥᩔᨲᩥ, ᨶᩮᩣ ᨧ ᨲᩴ ᨧᩥᨲ᩠ᨲᩴ ᨶ ᩏᨸ᩠ᨸᨩ᩠ᨩᩥᨲ᩠ᨳ. ᨸᨧ᩠ᨧᩩᨸ᩠ᨸᨶ᩠ᨶᩴ ᨧᩥᨲ᩠ᨲᩴ ᨶ ᨧᩮᩅ ᩏᨸ᩠ᨸᨩ᩠ᨩᩥᩔᨲᩥ ᨶ ᨧ ᩏᨸ᩠ᨸᨩ᩠ᨩᩥᨲ᩠ᨳ.