᪓. ᩈᩩᨴ᩠ᨵᩈᨦ᩠ᨡᩣᩁᩅᩣᩁᩮᩣ

(ᨠ) ᩋᨶᩩᩃᩮᩣᨾᩴ

᪑᪖. (ᨠ) ᨠᩣᨿᩈᨦ᩠ᨡᩣᩁᩮᩣ ᩅᨧᩦᩈᨦ᩠ᨡᩣᩁᩮᩣᨲᩥ? ᨶᩮᩣ.

(ᨡ) ᩅᨧᩦᩈᨦ᩠ᨡᩣᩁᩮᩣ ᨠᩣᨿᩈᨦ᩠ᨡᩣᩁᩮᩣᨲᩥ? ᨶᩮᩣ.

(ᨠ) ᨠᩣᨿᩈᨦ᩠ᨡᩣᩁᩮᩣ ᨧᩥᨲ᩠ᨲᩈᨦ᩠ᨡᩣᩁᩮᩣᨲᩥ? ᨶᩮᩣ.

(ᨡ) ᨧᩥᨲ᩠ᨲᩈᨦ᩠ᨡᩣᩁᩮᩣ ᨠᩣᨿᩈᨦ᩠ᨡᩣᩁᩮᩣᨲᩥ? ᨶᩮᩣ.

(ᨠ) ᩅᨧᩦᩈᨦ᩠ᨡᩣᩁᩮᩣ ᨧᩥᨲ᩠ᨲᩈᨦ᩠ᨡᩣᩁᩮᩣᨲᩥ? ᨶᩮᩣ.

(ᨡ) ᨧᩥᨲ᩠ᨲᩈᨦ᩠ᨡᩣᩁᩮᩣ ᩅᨧᩦᩈᨦ᩠ᨡᩣᩁᩮᩣᨲᩥ? ᨶᩮᩣ.

(ᨡ) ᨸᨧ᩠ᨧᨶᩦᨠᩴ

᪑᪗. (ᨠ) ᨶ ᨠᩣᨿᩈᨦ᩠ᨡᩣᩁᩮᩣ ᨶ ᩅᨧᩦᩈᨦ᩠ᨡᩣᩁᩮᩣᨲᩥ?

ᩅᨧᩦᩈᨦ᩠ᨡᩣᩁᩮᩣ ᨶ ᨠᩣᨿᩈᨦ᩠ᨡᩣᩁᩮᩣ, ᩅᨧᩦᩈᨦ᩠ᨡᩣᩁᩮᩣ. ᨠᩣᨿᩈᨦ᩠ᨡᩣᩁᨬ᩠ᨧ ᩅᨧᩦᩈᨦ᩠ᨡᩣᩁᨬ᩠ᨧ ᨮᨸᩮᨲ᩠ᩅᩣ ᩋᩅᩈᩮᩈᩣ ᨶ ᨧᩮᩅ ᨠᩣᨿᩈᨦ᩠ᨡᩣᩁᩮᩣ ᨶ ᨧ ᩅᨧᩦᩈᨦ᩠ᨡᩣᩁᩮᩣ.

(ᨡ) ᨶ ᩅᨧᩦᩈᨦ᩠ᨡᩣᩁᩮᩣ ᨶ ᨠᩣᨿᩈᨦ᩠ᨡᩣᩁᩮᩣᨲᩥ?

ᨠᩣᨿᩈᨦ᩠ᨡᩣᩁᩮᩣ ᨶ ᩅᨧᩦᩈᨦ᩠ᨡᩣᩁᩮᩣ, ᨠᩣᨿᩈᨦ᩠ᨡᩣᩁᩮᩣ. ᩅᨧᩦᩈᨦ᩠ᨡᩣᩁᨬ᩠ᨧ ᨠᩣᨿᩈᨦ᩠ᨡᩣᩁᨬ᩠ᨧ ᨮᨸᩮᨲ᩠ᩅᩣ ᩋᩅᩈᩮᩈᩣ ᨶ ᨧᩮᩅ ᩅᨧᩦᩈᨦ᩠ᨡᩣᩁᩮᩣ ᨶ ᨧ ᨠᩣᨿᩈᨦ᩠ᨡᩣᩁᩮᩣ.

(ᨠ) ᨶ ᨠᩣᨿᩈᨦ᩠ᨡᩣᩁᩮᩣ ᨶ ᨧᩥᨲ᩠ᨲᩈᨦ᩠ᨡᩣᩁᩮᩣᨲᩥ?

ᨧᩥᨲ᩠ᨲᩈᨦ᩠ᨡᩣᩁᩮᩣ ᨶ ᨠᩣᨿᩈᨦ᩠ᨡᩣᩁᩮᩣ, ᨧᩥᨲ᩠ᨲᩈᨦ᩠ᨡᩣᩁᩮᩣ. ᨠᩣᨿᩈᨦ᩠ᨡᩣᩁᨬ᩠ᨧ ᨧᩥᨲ᩠ᨲᩈᨦ᩠ᨡᩣᩁᨬ᩠ᨧ ᨮᨸᩮᨲ᩠ᩅᩣ ᩋᩅᩈᩮᩈᩣ ᨶ ᨧᩮᩅ ᨠᩣᨿᩈᨦ᩠ᨡᩣᩁᩮᩣ ᨶ ᨧ ᨧᩥᨲ᩠ᨲᩈᨦ᩠ᨡᩣᩁᩮᩣ.

(ᨡ) ᨶ ᨧᩥᨲ᩠ᨲᩈᨦ᩠ᨡᩣᩁᩮᩣ ᨶ ᨠᩣᨿᩈᨦ᩠ᨡᩣᩁᩮᩣᨲᩥ?

ᨠᩣᨿᩈᨦ᩠ᨡᩣᩁᩮᩣ ᨶ ᨧᩥᨲ᩠ᨲᩈᨦ᩠ᨡᩣᩁᩮᩣ, ᨠᩣᨿᩈᨦ᩠ᨡᩣᩁᩮᩣ. ᨧᩥᨲ᩠ᨲᩈᨦ᩠ᨡᩣᩁᨬ᩠ᨧ ᨠᩣᨿᩈᨦ᩠ᨡᩣᩁᨬ᩠ᨧ ᨮᨸᩮᨲ᩠ᩅᩣ ᩋᩅᩈᩮᩈᩣ ᨶ ᨧᩮᩅ ᨧᩥᨲ᩠ᨲᩈᨦ᩠ᨡᩣᩁᩮᩣ ᨶ ᨧ ᨠᩣᨿᩈᨦ᩠ᨡᩣᩁᩮᩣ.

᪑᪘. (ᨠ) ᨶ ᩅᨧᩦᩈᨦ᩠ᨡᩣᩁᩮᩣ ᨶ ᨧᩥᨲ᩠ᨲᩈᨦ᩠ᨡᩣᩁᩮᩣᨲᩥ?

ᨧᩥᨲ᩠ᨲᩈᨦ᩠ᨡᩣᩁᩮᩣ ᨶ ᩅᨧᩦᩈᨦ᩠ᨡᩣᩁᩮᩣ, ᨧᩥᨲ᩠ᨲᩈᨦ᩠ᨡᩣᩁᩮᩣ. ᩅᨧᩦᩈᨦ᩠ᨡᩣᩁᨬ᩠ᨧ ᨧᩥᨲ᩠ᨲᩈᨦ᩠ᨡᩣᩁᨬ᩠ᨧ ᨮᨸᩮᨲ᩠ᩅᩣ ᩋᩅᩈᩮᩈᩣ ᨶ ᨧᩮᩅ ᩅᨧᩦᩈᨦ᩠ᨡᩣᩁᩮᩣ ᨶ ᨧ ᨧᩥᨲ᩠ᨲᩈᨦ᩠ᨡᩣᩁᩮᩣ.

(ᨡ) ᨶ ᨧᩥᨲ᩠ᨲᩈᨦ᩠ᨡᩣᩁᩮᩣ ᨶ ᩅᨧᩦᩈᨦ᩠ᨡᩣᩁᩮᩣᨲᩥ?

ᩅᨧᩦᩈᨦ᩠ᨡᩣᩁᩮᩣ ᨶ ᨧᩥᨲ᩠ᨲᩈᨦ᩠ᨡᩣᩁᩮᩣ, ᩅᨧᩦᩈᨦ᩠ᨡᩣᩁᩮᩣ. ᨧᩥᨲ᩠ᨲᩈᨦ᩠ᨡᩣᩁᨬ᩠ᨧ ᩅᨧᩦᩈᨦ᩠ᨡᩣᩁᨬ᩠ᨧ ᨮᨸᩮᨲ᩠ᩅᩣ ᩋᩅᩈᩮᩈᩣ ᨶ ᨧᩮᩅ ᨧᩥᨲ᩠ᨲᩈᨦ᩠ᨡᩣᩁᩮᩣ ᨶ ᨧ ᩅᨧᩦᩈᨦ᩠ᨡᩣᩁᩮᩣ.

ᨸᨱ᩠ᨱᨲ᩠ᨲᩥᨶᩥᨴ᩠ᨴᩮᩈᩅᩣᩁᩮᩣ.