᪑. ᨸᨴᩈᩮᩣᨵᨶᩅᩣᩁᩮᩣ

(ᨠ) ᩋᨶᩩᩃᩮᩣᨾᩴ

᪘. (ᨠ) ᨠᩣᨿᩮᩣ ᨠᩣᨿᩈᨦ᩠ᨡᩣᩁᩮᩣᨲᩥ? ᨶᩮᩣ.

(ᨡ) ᨠᩣᨿᩈᨦ᩠ᨡᩣᩁᩮᩣ ᨠᩣᨿᩮᩣᨲᩥ? ᨶᩮᩣ.

(ᨠ) ᩅᨧᩦ ᩅᨧᩦᩈᨦ᩠ᨡᩣᩁᩮᩣᨲᩥ? ᨶᩮᩣ.

(ᨡ) ᩅᨧᩦᩈᨦ᩠ᨡᩣᩁᩮᩣ ᩅᨧᩦᨲᩥ? ᨶᩮᩣ.

(ᨠ) ᨧᩥᨲ᩠ᨲᩴ ᨧᩥᨲ᩠ᨲᩈᨦ᩠ᨡᩣᩁᩮᩣᨲᩥ? ᨶᩮᩣ.

(ᨡ) ᨧᩥᨲ᩠ᨲᩈᨦ᩠ᨡᩣᩁᩮᩣ ᨧᩥᨲ᩠ᨲᨶ᩠ᨲᩥ? ᨶᩮᩣ.

(ᨡ) ᨸᨧ᩠ᨧᨶᩦᨠᩴ

᪙. (ᨠ) ᨶ ᨠᩣᨿᩮᩣ ᨶ ᨠᩣᨿᩈᨦ᩠ᨡᩣᩁᩮᩣᨲᩥ?

ᨠᩣᨿᩈᨦ᩠ᨡᩣᩁᩮᩣ ᨶ ᨠᩣᨿᩮᩣ, ᨠᩣᨿᩈᨦ᩠ᨡᩣᩁᩮᩣ. ᨠᩣᨿᨬ᩠ᨧ ᨠᩣᨿᩈᨦ᩠ᨡᩣᩁᨬ᩠ᨧ ᨮᨸᩮᨲ᩠ᩅᩣ ᩋᩅᩈᩮᩈᩣ ᨶ ᨧᩮᩅ ᨠᩣᨿᩮᩣ ᨶ ᨧ ᨠᩣᨿᩈᨦ᩠ᨡᩣᩁᩮᩣ.

(ᨡ) ᨶ ᨠᩣᨿᩈᨦ᩠ᨡᩣᩁᩮᩣ ᨶ ᨠᩣᨿᩮᩣᨲᩥ?

ᨠᩣᨿᩮᩣ ᨶ ᨠᩣᨿᩈᨦ᩠ᨡᩣᩁᩮᩣ, ᨠᩣᨿᩮᩣ. ᨠᩣᨿᨬ᩠ᨧ ᨠᩣᨿᩈᨦ᩠ᨡᩣᩁᨬ᩠ᨧ ᨮᨸᩮᨲ᩠ᩅᩣ ᩋᩅᩈᩮᩈᩣ ᨶ ᨧᩮᩅ ᨠᩣᨿᩮᩣ ᨶ ᨧ ᨠᩣᨿᩈᨦ᩠ᨡᩣᩁᩮᩣ.

(ᨠ) ᨶ ᩅᨧᩦ ᨶ ᩅᨧᩦᩈᨦ᩠ᨡᩣᩁᩮᩣᨲᩥ?

ᩅᨧᩦᩈᨦ᩠ᨡᩣᩁᩮᩣ ᨶ ᩅᨧᩦ, ᩅᨧᩦᩈᨦ᩠ᨡᩣᩁᩮᩣ. ᩅᨧᩥᨬ᩠ᨧ ᩅᨧᩦᩈᨦ᩠ᨡᩣᩁᨬ᩠ᨧ ᨮᨸᩮᨲ᩠ᩅᩣ ᩋᩅᩈᩮᩈᩣ ᨶ ᨧᩮᩅ ᩅᨧᩦ ᨶ ᨧ ᩅᨧᩦᩈᨦ᩠ᨡᩣᩁᩮᩣ.

(ᨡ) ᨶ ᩅᨧᩦᩈᨦ᩠ᨡᩣᩁᩮᩣ ᨶ ᩅᨧᩦᨲᩥ?

ᩅᨧᩦ ᨶ ᩅᨧᩦᩈᨦ᩠ᨡᩣᩁᩮᩣ, ᩅᨧᩦ. ᩅᨧᩥᨬ᩠ᨧ ᩅᨧᩦᩈᨦ᩠ᨡᩣᩁᨬ᩠ᨧ ᨮᨸᩮᨲ᩠ᩅᩣ ᩋᩅᩈᩮᩈᩣ ᨶ ᨧᩮᩅ ᩅᨧᩦ ᨶ ᨧ ᩅᨧᩦᩈᨦ᩠ᨡᩣᩁᩮᩣ.

(ᨠ) ᨶ ᨧᩥᨲ᩠ᨲᩴ ᨶ ᨧᩥᨲ᩠ᨲᩈᨦ᩠ᨡᩣᩁᩮᩣᨲᩥ?

ᨧᩥᨲ᩠ᨲᩈᨦ᩠ᨡᩣᩁᩮᩣ ᨶ ᨧᩥᨲ᩠ᨲᩴ, ᨧᩥᨲ᩠ᨲᩈᨦ᩠ᨡᩣᩁᩮᩣ. ᨧᩥᨲ᩠ᨲᨬ᩠ᨧ ᨧᩥᨲ᩠ᨲᩈᨦ᩠ᨡᩣᩁᨬ᩠ᨧ ᨮᨸᩮᨲ᩠ᩅᩣ ᩋᩅᩈᩮᩈᩣ ᨶ ᨧᩮᩅ ᨧᩥᨲ᩠ᨲᩴ ᨶ ᨧ ᨧᩥᨲ᩠ᨲᩈᨦ᩠ᨡᩣᩁᩮᩣ.

(ᨡ) ᨶ ᨧᩥᨲ᩠ᨲᩈᨦ᩠ᨡᩣᩁᩮᩣ ᨶ ᨧᩥᨲ᩠ᨲᨶ᩠ᨲᩥ?

ᨧᩥᨲ᩠ᨲᩴ ᨶ ᨧᩥᨲ᩠ᨲᩈᨦ᩠ᨡᩣᩁᩮᩣ, ᨧᩥᨲ᩠ᨲᩴ. ᨧᩥᨲ᩠ᨲᨬ᩠ᨧ ᨧᩥᨲ᩠ᨲᩈᨦ᩠ᨡᩣᩁᨬ᩠ᨧ ᨮᨸᩮᨲ᩠ᩅᩣ ᩋᩅᩈᩮᩈᩣ ᨶ ᨧᩮᩅ ᨧᩥᨲ᩠ᨲᩴ ᨶ ᨧ ᨧᩥᨲ᩠ᨲᩈᨦ᩠ᨡᩣᩁᩮᩣ.