᪑. ᨸᨧ᩠ᨧᨿᩣᨶᩩᩃᩮᩣᨾᩴ

᪑. ᩅᩥᨽᨦ᩠ᨣᩅᩣᩁᩮᩣ

ᩉᩮᨲᩩᨸᨧ᩠ᨧᨿᩮᩣ

᪓᪙᪒. ᨠᩩᩈᩃᩴ ᨵᨾ᩠ᨾᩴ ᩈᨾ᩠ᨸᨿᩩᨲ᩠ᨲᩮᩣ ᨠᩩᩈᩃᩮᩣ ᨵᨾ᩠ᨾᩮᩣ ᩏᨸ᩠ᨸᨩ᩠ᨩᨲᩥ ᩉᩮᨲᩩᨸᨧ᩠ᨧᨿᩣ – ᨠᩩᩈᩃᩴ ᩑᨠᩴ ᨡᨶ᩠ᨵᩴ ᩈᨾ᩠ᨸᨿᩩᨲ᩠ᨲᩣ ᨲᨿᩮᩣ ᨡᨶ᩠ᨵᩣ, ᨲᨿᩮᩣ ᨡᨶ᩠ᨵᩮ ᩈᨾ᩠ᨸᨿᩩᨲ᩠ᨲᩮᩣ ᩑᨠᩮᩣ ᨡᨶ᩠ᨵᩮᩣ, ᨴ᩠ᩅᩮ ᨡᨶ᩠ᨵᩮ ᩈᨾ᩠ᨸᨿᩩᨲ᩠ᨲᩣ ᨴ᩠ᩅᩮ ᨡᨶ᩠ᨵᩣ. (᪑)

᪓᪙᪓. ᩋᨠᩩᩈᩃᩴ ᨵᨾ᩠ᨾᩴ ᩈᨾ᩠ᨸᨿᩩᨲ᩠ᨲᩮᩣ ᩋᨠᩩᩈᩃᩮᩣ ᨵᨾ᩠ᨾᩮᩣ ᩏᨸ᩠ᨸᨩ᩠ᨩᨲᩥ ᩉᩮᨲᩩᨸᨧ᩠ᨧᨿᩣ – ᩋᨠᩩᩈᩃᩴ ᩑᨠᩴ ᨡᨶ᩠ᨵᩴ ᩈᨾ᩠ᨸᨿᩩᨲ᩠ᨲᩣ ᨲᨿᩮᩣ ᨡᨶ᩠ᨵᩣ, ᨲᨿᩮᩣ ᨡᨶ᩠ᨵᩮ ᩈᨾ᩠ᨸᨿᩩᨲ᩠ᨲᩮᩣ ᩑᨠᩮᩣ ᨡᨶ᩠ᨵᩮᩣ, ᨴ᩠ᩅᩮ ᨡᨶ᩠ᨵᩮ ᩈᨾ᩠ᨸᨿᩩᨲ᩠ᨲᩣ ᨴ᩠ᩅᩮ ᨡᨶ᩠ᨵᩣ. (᪑)

᪓᪙᪔. ᩋᨻ᩠ᨿᩣᨠᨲᩴ ᨵᨾ᩠ᨾᩴ ᩈᨾ᩠ᨸᨿᩩᨲ᩠ᨲᩮᩣ ᩋᨻ᩠ᨿᩣᨠᨲᩮᩣ ᨵᨾ᩠ᨾᩮᩣ ᩏᨸ᩠ᨸᨩ᩠ᨩᨲᩥ ᩉᩮᨲᩩᨸᨧ᩠ᨧᨿᩣ – ᩅᩥᨸᩣᨠᩣᨻ᩠ᨿᩣᨠᨲᩴ ᨠᩥᩁᩥᨿᩣᨻ᩠ᨿᩣᨠᨲᩴ ᩑᨠᩴ ᨡᨶ᩠ᨵᩴ ᩈᨾ᩠ᨸᨿᩩᨲ᩠ᨲᩣ ᨲᨿᩮᩣ ᨡᨶ᩠ᨵᩣ, ᨲᨿᩮᩣ ᨡᨶ᩠ᨵᩮ ᩈᨾ᩠ᨸᨿᩩᨲ᩠ᨲᩮᩣ ᩑᨠᩮᩣ ᨡᨶ᩠ᨵᩮᩣ, ᨴ᩠ᩅᩮ ᨡᨶ᩠ᨵᩮ ᩈᨾ᩠ᨸᨿᩩᨲ᩠ᨲᩣ ᨴ᩠ᩅᩮ ᨡᨶ᩠ᨵᩣ; ᨸᨭᩥᩈᨶ᩠ᨵᩥᨠ᩠ᨡᨱᩮ ᩅᩥᨸᩣᨠᩣᨻ᩠ᨿᩣᨠᨲᩴ ᩑᨠᩴ ᨡᨶ᩠ᨵᩴ ᩈᨾ᩠ᨸᨿᩩᨲ᩠ᨲᩣ ᨲᨿᩮᩣ ᨡᨶ᩠ᨵᩣ, ᨲᨿᩮᩣ ᨡᨶ᩠ᨵᩮ ᩈᨾ᩠ᨸᨿᩩᨲ᩠ᨲᩮᩣ ᩑᨠᩮᩣ ᨡᨶ᩠ᨵᩮᩣ, ᨴ᩠ᩅᩮ ᨡᨶ᩠ᨵᩮ ᩈᨾ᩠ᨸᨿᩩᨲ᩠ᨲᩣ ᨴ᩠ᩅᩮ ᨡᨶ᩠ᨵᩣ. (ᩈᩴᨡᩥᨲ᩠ᨲᩴ.) (᪑)