(᪑᪑᪑) ᪖. ᩍᨴᩴ ᨴᩩᨠ᩠ᨡᨶ᩠ᨲᩥᨠᨳᩣ

᪖᪑᪘. ‘‘ᩍᨴᩴ ᨴᩩᨠ᩠ᨡ’’ᨶ᩠ᨲᩥ ᩅᩣᨧᩴ ᨽᩣᩈᨲᩮᩣ ‘‘ᩍᨴᩴ ᨴᩩᨠ᩠ᨡ’’ᨶ᩠ᨲᩥ ᨬᩣᨱᩴ ᨸᩅᨲ᩠ᨲᨲᩦᨲᩥ? ᩌᨾᨶ᩠ᨲᩣ. ‘‘ᩋᨿᩴ ᨴᩩᨠ᩠ᨡᩈᨾᩩᨴᨿᩮᩣ’’ᨲᩥ ᩅᩣᨧᩴ ᨽᩣᩈᨲᩮᩣ ‘‘ᩋᨿᩴ ᨴᩩᨠ᩠ᨡᩈᨾᩩᨴᨿᩮᩣ’’ᨲᩥ ᨬᩣᨱᩴ ᨸᩅᨲ᩠ᨲᨲᩦᨲᩥ? ᨶ ᩉᩮᩅᩴ ᩅᨲ᩠ᨲᨻ᩠ᨻᩮ…ᨸᩮ… ‘‘ᩍᨴᩴ ᨴᩩᨠ᩠ᨡ’’ᨶ᩠ᨲᩥ ᩅᩣᨧᩴ ᨽᩣᩈᨲᩮᩣ ‘‘ᩍᨴᩴ ᨴᩩᨠ᩠ᨡ’’ᨶ᩠ᨲᩥ ᨬᩣᨱᩴ ᨸᩅᨲ᩠ᨲᨲᩦᨲᩥ? ᩌᨾᨶ᩠ᨲᩣ. ‘‘ᩋᨿᩴ ᨴᩩᨠ᩠ᨡᨶᩥᩁᩮᩣᨵᩮᩣ’’ᨲᩥ ᩅᩣᨧᩴ ᨽᩣᩈᨲᩮᩣ ‘‘ᩋᨿᩴ ᨴᩩᨠ᩠ᨡᨶᩥᩁᩮᩣᨵᩮᩣ’’ᨲᩥ ᨬᩣᨱᩴ ᨸᩅᨲ᩠ᨲᨲᩦᨲᩥ? ᨶ ᩉᩮᩅᩴ ᩅᨲ᩠ᨲᨻ᩠ᨻᩮ…ᨸᩮ… ‘‘ᩍᨴᩴ ᨴᩩᨠ᩠ᨡ’’ᨶ᩠ᨲᩥ ᩅᩣᨧᩴ ᨽᩣᩈᨲᩮᩣ ‘‘ᩍᨴᩴ ᨴᩩᨠ᩠ᨡ’’ᨶ᩠ᨲᩥ ᨬᩣᨱᩴ ᨸᩅᨲ᩠ᨲᨲᩦᨲᩥ? ᩌᨾᨶ᩠ᨲᩣ. ‘‘ᩋᨿᩴ ᨾᨣ᩠ᨣᩮᩣ’’ᨲᩥ ᩅᩣᨧᩴ ᨽᩣᩈᨲᩮᩣ ‘‘ᩋᨿᩴ ᨾᨣ᩠ᨣᩮᩣ’’ᨲᩥ ᨬᩣᨱᩴ ᨸᩅᨲ᩠ᨲᨲᩦᨲᩥ? ᨶ ᩉᩮᩅᩴ ᩅᨲ᩠ᨲᨻ᩠ᨻᩮ…ᨸᩮ….

‘‘ᩋᨿᩴ ᩈᨾᩩᨴᨿᩮᩣ’’ᨲᩥ ᩅᩣᨧᩴ ᨽᩣᩈᨲᩮᩣ ᨶ ᨧ ‘‘ᩋᨿᩴ ᩈᨾᩩᨴᨿᩮᩣ’’ᨲᩥ ᨬᩣᨱᩴ ᨸᩅᨲ᩠ᨲᨲᩦᨲᩥ? ᩌᨾᨶ᩠ᨲᩣ. ‘‘ᩍᨴᩴ ᨴᩩᨠ᩠ᨡ’’ᨶ᩠ᨲᩥ ᩅᩣᨧᩴ ᨽᩣᩈᨲᩮᩣ ᨶ ᨧ ‘‘ᩍᨴᩴ ᨴᩩᨠ᩠ᨡ’’ᨶ᩠ᨲᩥ ᨬᩣᨱᩴ ᨸᩅᨲ᩠ᨲᨲᩦᨲᩥ? ᨶ ᩉᩮᩅᩴ ᩅᨲ᩠ᨲᨻ᩠ᨻᩮ…ᨸᩮ… ‘‘ᩋᨿᩴ ᨶᩥᩁᩮᩣᨵᩮᩣ’’ᨲᩥ… ‘‘ᩋᨿᩴ ᨾᨣ᩠ᨣᩮᩣ’’ᨲᩥ ᩅᩣᨧᩴ ᨽᩣᩈᨲᩮᩣ ᨶ ᨧ ‘‘ᩋᨿᩴ ᨾᨣ᩠ᨣᩮᩣ’’ᨲᩥ ᨬᩣᨱᩴ ᨸᩅᨲ᩠ᨲᨲᩦᨲᩥ? ᩌᨾᨶ᩠ᨲᩣ. ‘‘ᩍᨴᩴ ᨴᩩᨠ᩠ᨡ’’ᨶ᩠ᨲᩥ ᩅᩣᨧᩴ ᨽᩣᩈᨲᩮᩣ ᨶ ᨧ ‘‘ᩍᨴᩴ ᨴᩩᨠ᩠ᨡ’’ᨶ᩠ᨲᩥ ᨬᩣᨱᩴ ᨸᩅᨲ᩠ᨲᨲᩦᨲᩥ? ᨶ ᩉᩮᩅᩴ ᩅᨲ᩠ᨲᨻ᩠ᨻᩮ…ᨸᩮ….

᪖᪑᪙. ‘‘ᩍᨴᩴ ᨴᩩᨠ᩠ᨡ’’ᨶ᩠ᨲᩥ ᩅᩣᨧᩴ ᨽᩣᩈᨲᩮᩣ ‘‘ᩍᨴᩴ ᨴᩩᨠ᩠ᨡ’’ᨶ᩠ᨲᩥ ᨬᩣᨱᩴ ᨸᩅᨲ᩠ᨲᨲᩦᨲᩥ? ᩌᨾᨶ᩠ᨲᩣ. ‘‘ᩁᩪᨸᩴ ᩋᨶᩥᨧ᩠ᨧ’’ᨶ᩠ᨲᩥ ᩅᩣᨧᩴ ᨽᩣᩈᨲᩮᩣ ‘‘ᩁᩪᨸᩴ ᩋᨶᩥᨧ᩠ᨧ’’ᨶ᩠ᨲᩥ ᨬᩣᨱᩴ ᨸᩅᨲ᩠ᨲᨲᩦᨲᩥ? ᨶ ᩉᩮᩅᩴ ᩅᨲ᩠ᨲᨻ᩠ᨻᩮ…ᨸᩮ… ‘‘ᩍᨴᩴ ᨴᩩᨠ᩠ᨡ’’ᨶ᩠ᨲᩥ ᩅᩣᨧᩴ ᨽᩣᩈᨲᩮᩣ ‘‘ᩍᨴᩴ ᨴᩩᨠ᩠ᨡ’’ᨶ᩠ᨲᩥ ᨬᩣᨱᩴ ᨸᩅᨲ᩠ᨲᨲᩦᨲᩥ? ᩌᨾᨶ᩠ᨲᩣ. ᩅᩮᨴᨶᩣ… ᩈᨬ᩠ᨬᩣ… ᩈᨦ᩠ᨡᩣᩁᩣ… ‘‘ᩅᩥᨬ᩠ᨬᩣᨱᩴ ᩋᨶᩥᨧ᩠ᨧ’’ᨶ᩠ᨲᩥ ᩅᩣᨧᩴ ᨽᩣᩈᨲᩮᩣ ‘‘ᩅᩥᨬ᩠ᨬᩣᨱᩴ ᩋᨶᩥᨧ᩠ᨧ’’ᨶ᩠ᨲᩥ ᨬᩣᨱᩴ ᨸᩅᨲ᩠ᨲᨲᩦᨲᩥ? ᨶ ᩉᩮᩅᩴ ᩅᨲ᩠ᨲᨻ᩠ᨻᩮ…ᨸᩮ….

‘‘ᩍᨴᩴ ᨴᩩᨠ᩠ᨡ’’ᨶ᩠ᨲᩥ ᩅᩣᨧᩴ ᨽᩣᩈᨲᩮᩣ ‘‘ᩍᨴᩴ ᨴᩩᨠ᩠ᨡ’’ᨶ᩠ᨲᩥ ᨬᩣᨱᩴ ᨸᩅᨲ᩠ᨲᨲᩦᨲᩥ? ᩌᨾᨶ᩠ᨲᩣ. ‘‘ᩁᩪᨸᩴ ᩋᨶᨲ᩠ᨲᩣ’’ᨲᩥ ᩅᩣᨧᩴ ᨽᩣᩈᨲᩮᩣ ‘‘ᩁᩪᨸᩴ ᩋᨶᨲ᩠ᨲᩣ’’ᨲᩥ ᨬᩣᨱᩴ ᨸᩅᨲ᩠ᨲᨲᩦᨲᩥ? ᨶ ᩉᩮᩅᩴ ᩅᨲ᩠ᨲᨻ᩠ᨻᩮ…ᨸᩮ… ‘‘ᩍᨴᩴ ᨴᩩᨠ᩠ᨡ’’ᨶ᩠ᨲᩥ ᩅᩣᨧᩴ ᨽᩣᩈᨲᩮᩣ ‘‘ᩍᨴᩴ ᨴᩩᨠ᩠ᨡ’’ᨶ᩠ᨲᩥ ᨬᩣᨱᩴ ᨸᩅᨲ᩠ᨲᨲᩦᨲᩥ? ᩌᨾᨶ᩠ᨲᩣ. ᩅᩮᨴᨶᩣ … ᩈᨬ᩠ᨬᩣ… ᩈᨦ᩠ᨡᩣᩁᩣ… ‘‘ᩅᩥᨬ᩠ᨬᩣᨱᩴ ᩋᨶᨲ᩠ᨲᩣ’’ᨲᩥ ᩅᩣᨧᩴ ᨽᩣᩈᨲᩮᩣ ‘‘ᩅᩥᨬ᩠ᨬᩣᨱᩴ ᩋᨶᨲ᩠ᨲᩣ’’ᨲᩥ ᨬᩣᨱᩴ ᨸᩅᨲ᩠ᨲᨲᩦᨲᩥ? ᨶ ᩉᩮᩅᩴ ᩅᨲ᩠ᨲᨻ᩠ᨻᩮ…ᨸᩮ….

‘‘ᩁᩪᨸᩴ ᩋᨶᩥᨧ᩠ᨧ’’ᨶ᩠ᨲᩥ ᩅᩣᨧᩴ ᨽᩣᩈᨲᩮᩣ ᨶ ᨧ ‘‘ᩁᩪᨸᩴ ᩋᨶᩥᨧ᩠ᨧ’’ᨶ᩠ᨲᩥ ᨬᩣᨱᩴ ᨸᩅᨲ᩠ᨲᨲᩦᨲᩥ? ᩌᨾᨶ᩠ᨲᩣ. ‘‘ᩍᨴᩴ ᨴᩩᨠ᩠ᨡ’’ᨶ᩠ᨲᩥ ᩅᩣᨧᩴ ᨽᩣᩈᨲᩮᩣ ᨶ ᨧ ‘‘ᩍᨴᩴ ᨴᩩᨠ᩠ᨡ’’ᨶ᩠ᨲᩥ ᨬᩣᨱᩴ ᨸᩅᨲ᩠ᨲᨲᩦᨲᩥ? ᨶ ᩉᩮᩅᩴ ᩅᨲ᩠ᨲᨻ᩠ᨻᩮ…ᨸᩮ… ᩅᩮᨴᨶᩣ… ᩈᨬ᩠ᨬᩣ… ᩈᨦ᩠ᨡᩣᩁᩣ… ‘‘ᩅᩥᨬ᩠ᨬᩣᨱᩴ ᩋᨶᩥᨧ᩠ᨧ’’ᨶ᩠ᨲᩥ ᩅᩣᨧᩴ ᨽᩣᩈᨲᩮᩣ ᨶ ᨧ ‘‘ᩅᩥᨬ᩠ᨬᩣᨱᩴ ᩋᨶᩥᨧ᩠ᨧ’’ᨶ᩠ᨲᩥ ᨬᩣᨱᩴ ᨸᩅᨲ᩠ᨲᨲᩦᨲᩥ? ᩌᨾᨶ᩠ᨲᩣ. ‘‘ᩍᨴᩴ ᨴᩩᨠ᩠ᨡ’’ᨶ᩠ᨲᩥ ᩅᩣᨧᩴ ᨽᩣᩈᨲᩮᩣ ᨶ ᨧ ‘‘ᩍᨴᩴ ᨴᩩᨠ᩠ᨡ’’ᨶ᩠ᨲᩥ ᨬᩣᨱᩴ ᨸᩅᨲ᩠ᨲᨲᩦᨲᩥ? ᨶ ᩉᩮᩅᩴ ᩅᨲ᩠ᨲᨻ᩠ᨻᩮ…ᨸᩮ….

‘‘ᩁᩪᨸᩴ ᩋᨶᨲ᩠ᨲᩣ’’ᨲᩥ ᩅᩣᨧᩴ ᨽᩣᩈᨲᩮᩣ ᨶ ᨧ ‘‘ᩁᩪᨸᩴ ᩋᨶᨲ᩠ᨲᩣ’’ᨲᩥ ᨬᩣᨱᩴ ᨸᩅᨲ᩠ᨲᨲᩦᨲᩥ? ᩌᨾᨶ᩠ᨲᩣ. ‘‘ᩍᨴᩴ ᨴᩩᨠ᩠ᨡ’’ᨶ᩠ᨲᩥ ᩅᩣᨧᩴ ᨽᩣᩈᨲᩮᩣ ᨶ ᨧ ‘‘ᩍᨴᩴ ᨴᩩᨠ᩠ᨡ’’ᨶ᩠ᨲᩥ ᨬᩣᨱᩴ ᨸᩅᨲ᩠ᨲᨲᩦᨲᩥ? ᨶ ᩉᩮᩅᩴ ᩅᨲ᩠ᨲᨻ᩠ᨻᩮ …ᨸᩮ… ᩅᩮᨴᨶᩣ… ᩈᨬ᩠ᨬᩣ… ᩈᨦ᩠ᨡᩣᩁᩣ… ‘‘ᩅᩥᨬ᩠ᨬᩣᨱᩴ ᩋᨶᨲ᩠ᨲᩣ’’ᨲᩥ ᩅᩣᨧᩴ ᨽᩣᩈᨲᩮᩣ ᨶ ᨧ ‘‘ᩅᩥᨬ᩠ᨬᩣᨱᩴ ᩋᨶᨲ᩠ᨲᩣ’’ᨲᩥ ᨬᩣᨱᩴ ᨸᩅᨲ᩠ᨲᨲᩦᨲᩥ? ᩌᨾᨶ᩠ᨲᩣ. ‘‘ᩍᨴᩴ ᨴᩩᨠ᩠ᨡ’’ᨶ᩠ᨲᩥ ᩅᩣᨧᩴ ᨽᩣᩈᨲᩮᩣ ᨶ ᨧ ‘‘ᨴᩩᨠ᩠ᨡ’’ᨶ᩠ᨲᩥ ᨬᩣᨱᩴ ᨸᩅᨲ᩠ᨲᨲᩦᨲᩥ? ᨶ ᩉᩮᩅᩴ ᩅᨲ᩠ᨲᨻ᩠ᨻᩮ…ᨸᩮ….

᪖᪒᪐. ‘‘ᩍᨴᩴ ᨴᩩᨠ᩠ᨡ’’ᨶ᩠ᨲᩥ ᩅᩣᨧᩴ ᨽᩣᩈᨲᩮᩣ ‘‘ᩍᨴᩴ ᨴᩩᨠ᩠ᨡ’’ᨶ᩠ᨲᩥ ᨬᩣᨱᩴ ᨸᩅᨲ᩠ᨲᨲᩦᨲᩥ? ᩌᨾᨶ᩠ᨲᩣ. ‘‘ᩍ’’ᨲᩥ [ᩎᨲᩥ (ᩈ᩠ᨿᩣ. ᨸᩦ.)] ᨧ ‘‘ᨴ’’ᨶ᩠ᨲᩥ ᨧ ‘‘ᨴᩩ’’ᨲᩥ [ᨴᩪᨲᩥ (ᩈ᩠ᨿᩣ. ᨸᩦ.)] ᨧ ‘‘ᨡ’’ᨶ᩠ᨲᩥ ᨧ ᨬᩣᨱᩴ ᨸᩅᨲ᩠ᨲᨲᩦᨲᩥ? ᨶ ᩉᩮᩅᩴ ᩅᨲ᩠ᨲᨻ᩠ᨻᩮ…ᨸᩮ….

ᩍᨴᩴ ᨴᩩᨠ᩠ᨡᨶ᩠ᨲᩥᨠᨳᩣ ᨶᩥᨭ᩠ᨮᩥᨲᩣ.