ಉಪೋಸಥಾದಿಪುಚ್ಛಾವಿಸ್ಸಜ್ಜನಾ

ಆದಿಮಜ್ಝನ್ತಪುಚ್ಛನಂ

೩೩೨. ಉಪೋಸಥಕಮ್ಮಸ್ಸ ಕೋ ಆದಿ, ಕಿಂ ಮಜ್ಝೇ, ಕಿಂ ಪರಿಯೋಸಾನಂ? ಪವಾರಣಾಕಮ್ಮಸ್ಸ ಕೋ ಆದಿ, ಕಿಂ ಮಜ್ಝೇ, ಕಿಂ ಪರಿಯೋಸಾನಂ? ತಜ್ಜನೀಯಕಮ್ಮಸ್ಸ ಕೋ ಆದಿ, ಕಿಂ ಮಜ್ಝೇ, ಕಿಂ ಪರಿಯೋಸಾನಂ? ನಿಯಸ್ಸಕಮ್ಮಸ್ಸ…ಪೇ… ಪಬ್ಬಾಜನೀಯಕಮ್ಮಸ್ಸ…ಪೇ… ಪಟಿಸಾರಣೀಯಕಮ್ಮಸ್ಸ…ಪೇ… ಉಕ್ಖೇಪನೀಯಕಮ್ಮಸ್ಸ…ಪೇ… ಪರಿವಾಸದಾನಸ್ಸ…ಪೇ… ಮೂಲಾಯಪಟಿಕಸ್ಸನಾಯ…ಪೇ… ಮಾನತ್ತದಾನಸ್ಸ…ಪೇ… ಅಬ್ಭಾನಸ್ಸ…ಪೇ… ಉಪಸಮ್ಪದಾಕಮ್ಮಸ್ಸ ಕೋ ಆದಿ, ಕಿಂ ಮಜ್ಝೇ, ಕಿಂ ಪರಿಯೋಸಾನಂ? ತಜ್ಜನೀಯಕಮ್ಮಸ್ಸ ಪಟಿಪ್ಪಸ್ಸದ್ಧಿಯಾ ಕೋ ಆದಿ, ಕಿಂ ಮಜ್ಝೇ, ಕಿಂ ಪರಿಯೋಸಾನಂ? ನಿಯಸ್ಸಕಮ್ಮಸ್ಸ ಪಟಿಪ್ಪಸ್ಸದ್ಧಿಯಾ ಕೋ ಆದಿ, ಕಿಂ ಮಜ್ಝೇ, ಕಿಂ ಪರಿಯೋಸಾನಂ? ಪಬ್ಬಾಜನೀಯಕಮ್ಮಸ್ಸ ಪಟಿಪ್ಪಸ್ಸದ್ಧಿಯಾ ಕೋ ಆದಿ, ಕಿಂ ಮಜ್ಝೇ, ಕಿಂ ಪರಿಯೋಸಾನಂ? ಪಟಿಸಾರಣೀಯಕಮ್ಮಸ್ಸ ಪಟಿಪ್ಪಸ್ಸದ್ಧಿಯಾ ಕೋ ಆದಿ, ಕಿಂ ಮಜ್ಝೇ, ಕಿಂ ಪರಿಯೋಸಾನಂ? ಉಕ್ಖೇಪನೀಯಕಮ್ಮಸ್ಸ ಪಟಿಪ್ಪಸ್ಸದ್ಧಿಯಾ ಕೋ ಆದಿ, ಕಿಂ ಮಜ್ಝೇ, ಕಿಂ ಪರಿಯೋಸಾನಂ? ಸತಿವಿನಯಸ್ಸ ಕೋ ಆದಿ, ಕಿಂ ಮಜ್ಜೇ, ಕಿಂ ಪರಿಯೋಸಾನಂ? ಅಮೂಳ್ಹವಿನಯಸ್ಸ ಕೋ ಆದಿ, ಕಿಂ ಮಜ್ಝೇ, ಕಿಂ ಪರಿಯೋಸಾನಂ? ತಸ್ಸಪಾಪಿಯಸಿಕಾಯ ಕೋ ಆದಿ, ಕಿಂ ಮಜ್ಝೇ, ಕಿಂ ಪರಿಯೋಸಾನಂ? ತಿಣವತ್ಥಾರಕಸ್ಸ ಕೋ ಆದಿ, ಕಿಂ ಮಜ್ಝೇ, ಕಿಂ ಪರಿಯೋಸಾನಂ? ಭಿಕ್ಖುನೋವಾದಕಸಮ್ಮುತಿಯಾ ಕೋ ಆದಿ, ಕಿಂ ಮಜ್ಝೇ, ಕಿಂ ಪರಿಯೋಸಾನಂ? ತಿಚೀವರೇನ ಅವಿಪ್ಪವಾಸಸಮ್ಮುತಿಯಾ ಕೋ ಆದಿ, ಕಿಂ ಮಜ್ಝೇ, ಕಿಂ ಪರಿಯೋಸಾನಂ? ಸನ್ಥತಸಮ್ಮುತಿಯಾ ಕೋ ಆದಿ, ಕಿಂ ಮಜ್ಝೇ, ಕಿಂ ಪರಿಯೋಸಾನಂ? ರೂಪಿಯಛಡ್ಡಕಸಮ್ಮುತಿಯಾ ಕೋ ಆದಿ, ಕಿಂ ಮಜ್ಝೇ, ಕಿಂ ಪರಿಯೋಸಾನಂ? ಸಾಟಿಯಗ್ಗಾಹಾಪಕಸಮ್ಮುತಿಯೋ ಕೋ ಆದಿ, ಕಿಂ ಮಜ್ಝೇ, ಕಿಂ ಪರಿಯೋಸಾನಂ? ಪತ್ತಗ್ಗಾಹಾಪಕಸಮ್ಮುತಿಯಾ ಕೋ ಆದಿ, ಕಿಂ ಮಜ್ಝೇ, ಕಿಂ ಪರಿಯೋಸಾನಂ? ದಣ್ಡಸಮ್ಮುತಿಯಾ ಕೋ ಆದಿ, ಕಿಂ ಮಜ್ಝೇ, ಕಿಂ ಪರಿಯೋಸಾನಂ? ಸಿಕ್ಕಾಸಮ್ಮುತಿಯಾ ಕೋ ಆದಿ, ಕಿಂ ಮಜ್ಝೇ, ಕಿಂ ಪರಿಯೋಸಾನಂ? ದಣ್ಡಸಿಕ್ಕಾಸಮ್ಮುತಿಯಾ ಕೋ ಆದಿ, ಕಿಂ ಮಜ್ಝೇ, ಕಿಂ ಪರಿಯೋಸಾನಂ?

ಆದಿಮಜ್ಝನ್ತವಿಸ್ಸಜ್ಜನಾ

೩೩೩. ಉಪೋಸಥಕಮ್ಮಸ್ಸ ಕೋ ಆದಿ, ಕಿಂ ಮಜ್ಝೇ, ಕಿಂ ಪರಿಯೋಸಾನನ್ತಿ? ಉಪೋಸಥಕಮ್ಮಸ್ಸ ಸಾಮಗ್ಗೀ ಆದಿ, ಕಿರಿಯಾ ಮಜ್ಝೇ, ನಿಟ್ಠಾನಂ ಪರಿಯೋಸಾನಂ.

ಪವಾರಣಾಕಮ್ಮಸ್ಸ ಕೋ ಆದಿ, ಕಿಂ ಮಜ್ಝೇ, ಕಿಂ ಪರಿಯೋಸಾನನ್ತಿ? ಪವಾರಣಾಕಮ್ಮಸ್ಸ ಸಾಮಗ್ಗೀ ಆದಿ, ಕಿರಿಯಾ ಮಜ್ಝೇ, ನಿಟ್ಠಾನಂ ಪರಿಯೋಸಾನಂ.

ತಜ್ಜನೀಯಕಮ್ಮಸ್ಸ ಕೋ ಆದಿ, ಕಿಂ ಮಜ್ಝೇ, ಕಿಂ ಪರಿಯೋಸಾನನ್ತಿ? ತಜ್ಜನೀಯಕಮ್ಮಸ್ಸ ವತ್ಥು ಚ ಪುಗ್ಗಲೋ ಚ ಆದಿ, ಞತ್ತಿ ಮಜ್ಝೇ, ಕಮ್ಮವಾಚಾ ಪರಿಯೋಸಾನಂ.

ನಿಯಸ್ಸಕಮ್ಮಸ್ಸ…ಪೇ… ಪಬ್ಬಾಜನೀಯಕಮ್ಮಸ್ಸ…ಪೇ… ಪಟಿಸಾರಣೀಯಕಮ್ಮಸ್ಸ…ಪೇ… ಉಕ್ಖೇಪನೀಯಕಮ್ಮಸ್ಸ…ಪೇ… ಪರಿವಾಸದಾನಸ್ಸ…ಪೇ… ಮೂಲಾಯಪಟಿಕಸ್ಸನಾಯ…ಪೇ… ಮಾನತ್ತದಾನಸ್ಸ…ಪೇ… ಅಬ್ಭಾನಸ್ಸ ಕೋ ಆದಿ, ಕಿಂ ಮಜ್ಝೇ, ಕಿಂ ಪರಿಯೋಸಾನನ್ತಿ? ಅಬ್ಭಾನಸ್ಸ ವತ್ಥು ಚ ಪುಗ್ಗಲೋ ಚ ಆದಿ, ಞತ್ತಿ ಮಜ್ಝೇ, ಕಮ್ಮವಾಚಾ ಪರಿಯೋಸಾನಂ.

ಉಪಸಮ್ಪದಾಕಮ್ಮಸ್ಸ ಕೋ ಆದಿ, ಕಿಂ ಮಜ್ಝೇ, ಕಿಂ ಪರಿಯೋಸಾನನ್ತಿ? ಉಪಸಮ್ಪದಾಕಮ್ಮಸ್ಸ ಪುಗ್ಗಲೋ ಆದಿ, ಞತ್ತಿ ಮಜ್ಝೇ, ಕಮ್ಮವಾಚಾ ಪರಿಯೋಸಾನಂ.

ತಜ್ಜನೀಯಕಮ್ಮಸ್ಸ ಪಟಿಪ್ಪಸ್ಸದ್ಧಿಯಾ ಕೋ ಆದಿ, ಕಿಂ ಮಜ್ಝೇ, ಕಿಂ ಪರಿಯೋಸಾನನ್ತಿ? ತಜ್ಜನೀಯಕಮ್ಮಸ್ಸ ಪಟಿಪ್ಪಸ್ಸದ್ಧಿಯಾ ಸಮ್ಮಾವತ್ತನಾ ಆದಿ, ಞತ್ತಿ ಮಜ್ಝೇ, ಕಮ್ಮವಾಚಾ ಪರಿಯೋಸಾನಂ.

ನಿಯಸ್ಸಕಮ್ಮಸ್ಸ…ಪೇ… ಪಬ್ಬಾಜನೀಯಕಮ್ಮಸ್ಸ…ಪೇ… ಪಟಿಸಾರಣೀಯಕಮ್ಮಸ್ಸ…ಪೇ… ಉಕ್ಖೇಪನೀಯಕಮ್ಮಸ್ಸ ಪಟಿಪ್ಪಸ್ಸದ್ಧಿಯಾ ಕೋ ಆದಿ, ಕಿಂ ಮಜ್ಝೇ, ಕಿಂ ಪರಿಯೋಸಾನನ್ತಿ? ಉಕ್ಖೇಪನೀಯಕಮ್ಮಸ್ಸ ಪಟಿಪ್ಪಸ್ಸದ್ಧಿಯಾ ಸಮ್ಮಾವತ್ತನಾ ಆದಿ, ಞತ್ತಿ ಮಜ್ಝೇ, ಕಮ್ಮವಾಚಾ ಪರಿಯೋಸಾನಂ.

ಸತಿವಿನಯಸ್ಸ ಕೋ ಆದಿ, ಕಿಂ ಮಜ್ಝೇ, ಕಿಂ ಪರಿಯೋಸಾನನ್ತಿ? ಸತಿವಿನಯಸ್ಸ ವತ್ಥು ಚ ಪುಗ್ಗಲೋ ಚ ಆದಿ, ಞತ್ತಿ ಮಜ್ಝೇ, ಕಮ್ಮವಾಚಾ ಪರಿಯೋಸಾನಂ.

ಅಮೂಳ್ಹವಿನಯಸ್ಸ …ಪೇ… ತಸ್ಸಪಾಪಿಯಸಿಕಾಯ…ಪೇ… ತಿಣವತ್ಥಾರಕಸ್ಸ…ಪೇ… ಭಿಕ್ಖುನೋವಾದಕಸಮ್ಮುತಿಯಾ…ಪೇ… ತಿಚೀವರೇನ ಅವಿಪ್ಪವಾಸಸಮ್ಮುತಿಯಾ…ಪೇ… ಸನ್ಥತಸಮ್ಮುತಿಯಾ…ಪೇ… ರೂಪಿಯಛಡ್ಡಕಸಮ್ಮುತಿಯಾ…ಪೇ… ಸಾಟಿಯಗ್ಗಾಹಾಪಕಸಮ್ಮುತಿಯಾ…ಪೇ… ಪತ್ತಗ್ಗಾಹಾಪಕಸಮ್ಮುತಿಯಾ…ಪೇ… ದಣ್ಡಸಮ್ಮುತಿಯಾ…ಪೇ… ಸಿಕ್ಕಾಸಮ್ಮುತಿಯಾ…ಪೇ… ದಣ್ಡಸಿಕ್ಕಾಸಮ್ಮುತಿಯಾ ಕೋ ಆದಿ, ಕಿಂ ಮಜ್ಝೇ, ಕಿಂ ಪರಿಯೋಸಾನನ್ತಿ? ದಣ್ಡಸಿಕ್ಕಾಸಮ್ಮುತಿಯಾ ವತ್ಥು ಚ ಪುಗ್ಗಲೋ ಚ ಆದಿ, ಞತ್ತಿ ಮಜ್ಝೇ, ಕಮ್ಮವಾಚಾ ಪರಿಯೋಸಾನಂ.

ಉಪೋಸಥಾದಿಪುಚ್ಛಾವಿಸ್ಸಜ್ಜನಾ ನಿಟ್ಠಿತಾ.