೨೫೫. ಅಪ್ಪಟಿನಿಸ್ಸಗ್ಗೇ ಉಕ್ಖೇಪನೀಯಕಮ್ಮಪಟಿಪ್ಪಸ್ಸದ್ಧಿಕಥಾ

೪೨೮. ಇಧ ಪನ, ಭಿಕ್ಖವೇ, ಭಿಕ್ಖು ಸಙ್ಘೇನ ಪಾಪಿಕಾಯ ದಿಟ್ಠಿಯಾ ಅಪ್ಪಟಿನಿಸ್ಸಗ್ಗೇ ಉಕ್ಖೇಪನೀಯಕಮ್ಮಕತೋ ಸಮ್ಮಾ ವತ್ತತಿ, ಲೋಮಂ ಪಾತೇತಿ, ನೇತ್ಥಾರಂ ವತ್ತತಿ, ಪಾಪಿಕಾಯ ದಿಟ್ಠಿಯಾ ಅಪ್ಪಟಿನಿಸ್ಸಗ್ಗೇ ಉಕ್ಖೇಪನೀಯಸ್ಸ ಕಮ್ಮಸ್ಸ ಪಟಿಪ್ಪಸ್ಸದ್ಧಿಂ ಯಾಚತಿ. ತತ್ರ ಚೇ ಭಿಕ್ಖೂನಂ ಏವಂ ಹೋತಿ – ‘‘ಅಯಂ ಖೋ, ಆವುಸೋ, ಭಿಕ್ಖು ಸಙ್ಘೇನ ಪಾಪಿಕಾಯ ದಿಟ್ಠಿಯಾ ಅಪ್ಪಟಿನಿಸ್ಸಗ್ಗೇ ಉಕ್ಖೇಪನೀಯಕಮ್ಮಕತೋ ಸಮ್ಮಾ ವತ್ತತಿ, ಲೋಮಂ ಪಾತೇತಿ, ನೇತ್ಥಾರಂ ವತ್ತತಿ, ಪಾಪಿಕಾಯ ದಿಟ್ಠಿಯಾ ಅಪ್ಪಟಿನಿಸ್ಸಗ್ಗೇ ಉಕ್ಖೇಪನೀಯಸ್ಸ ಕಮ್ಮಸ್ಸ ಪಟಿಪ್ಪಸ್ಸದ್ಧಿಂ ಯಾಚತಿ. ಹನ್ದಸ್ಸ ಮಯಂ ಪಾಪಿಕಾಯ ದಿಟ್ಠಿಯಾ ಅಪ್ಪಟಿನಿಸ್ಸಗ್ಗೇ ಉಕ್ಖೇಪನೀಯಕಮ್ಮಂ ಪಟಿಪ್ಪಸ್ಸಮ್ಭೇಮಾ’’ತಿ. ತೇ ತಸ್ಸ ಪಾಪಿಕಾಯ ದಿಟ್ಠಿಯಾ ಅಪ್ಪಟಿನಿಸ್ಸಗ್ಗೇ ಉಕ್ಖೇಪನೀಯಕಮ್ಮಂ ಪಟಿಪ್ಪಸ್ಸಮ್ಭೇನ್ತಿ – ಅಧಮ್ಮೇನ ವಗ್ಗಾ. ಸೋ ತಮ್ಹಾ ಆವಾಸಾ ಅಞ್ಞಂ ಆವಾಸಂ ಗಚ್ಛತಿ. ತತ್ಥಪಿ ಭಿಕ್ಖೂನಂ ಏವಂ ಹೋತಿ – ‘‘ಇಮಸ್ಸ ಖೋ, ಆವುಸೋ, ಭಿಕ್ಖುನೋ ಸಙ್ಘೇನ ಪಾಪಿಕಾಯ ದಿಟ್ಠಿಯಾ ಅಪ್ಪಟಿನಿಸ್ಸಗ್ಗೇ ಉಕ್ಖೇಪನೀಯಕಮ್ಮಂ ಪಟಿಪ್ಪಸ್ಸದ್ಧಂ – ಅಧಮ್ಮೇನ ವಗ್ಗೇಹಿ. ಹನ್ದಸ್ಸ ಮಯಂ ಪಾಪಿಕಾಯ ದಿಟ್ಠಿಯಾ ಅಪ್ಪಟಿನಿಸ್ಸಗ್ಗೇ ಉಕ್ಖೇಪನೀಯಕಮ್ಮಂ ಪಟಿಪ್ಪಸ್ಸಮ್ಭೇಮಾ’’ತಿ. ತೇ ತಸ್ಸ ಪಾಪಿಕಾಯ ದಿಟ್ಠಿಯಾ ಅಪ್ಪಟಿನಿಸ್ಸಗ್ಗೇ ಉಕ್ಖೇಪನೀಯಕಮ್ಮಂ ಪಟಿಪ್ಪಸ್ಸಮ್ಭೇನ್ತಿ… ಅಧಮ್ಮೇನ ಸಮಗ್ಗಾ…ಪೇ… ಧಮ್ಮೇನ ವಗ್ಗಾ… ಧಮ್ಮಪತಿರೂಪಕೇನ ವಗ್ಗಾ… ಧಮ್ಮಪತಿರೂಪಕೇನ ಸಮಗ್ಗಾ…ಪೇ….

ಚಕ್ಕಂ ಕಾತಬ್ಬಂ.

ಅಪ್ಪಟಿನಿಸ್ಸಗ್ಗೇ ಉಕ್ಖೇಪನೀಯಕಮ್ಮಪಟಿಪ್ಪಸ್ಸದ್ಧಿಕಥಾ ನಿಟ್ಠಿತಾ.