೨೪೫. ಪಟಿಸಾರಣೀಯಕಮ್ಮಕಥಾ

೪೧೪. ಇಧ ಪನ, ಭಿಕ್ಖವೇ, ಭಿಕ್ಖು ಗಿಹೀ ಅಕ್ಕೋಸತಿ ಪರಿಭಾಸತಿ. ತತ್ರ ಚೇ ಭಿಕ್ಖೂನಂ ಏವಂ ಹೋತಿ – ‘‘ಅಯಂ ಖೋ, ಆವುಸೋ, ಭಿಕ್ಖು ಗಿಹೀ ಅಕ್ಕೋಸತಿ ಪರಿಭಾಸತಿ. ಹನ್ದಸ್ಸ ಮಯಂ ಪಟಿಸಾರಣೀಯಕಮ್ಮಂ ಕರೋಮಾ’’ತಿ. ತೇ ತಸ್ಸ ಪಟಿಸಾರಣೀಯಕಮ್ಮಂ ಕರೋನ್ತಿ – ಅಧಮ್ಮೇನ ವಗ್ಗಾ. ಸೋ ತಮ್ಹಾ ಆವಾಸಾ ಅಞ್ಞಂ ಆವಾಸಂ ಗಚ್ಛತಿ. ತತ್ಥಪಿ ಭಿಕ್ಖೂನಂ ಏವಂ ಹೋತಿ – ‘‘ಅಯಂ ಖೋ, ಆವುಸೋ, ಭಿಕ್ಖು ಸಙ್ಘೇನ ಪಟಿಸಾರಣೀಯಕಮ್ಮಕತೋ ಅಧಮ್ಮೇನ ವಗ್ಗೇಹಿ. ಹನ್ದಸ್ಸ ಮಯಂ ಪಟಿಸಾರಣೀಯಕಮ್ಮಂ ಕರೋಮಾ’’ತಿ. ತೇ ತಸ್ಸ ಪಟಿಸಾರಣೀಯಕಮ್ಮಂ ಕರೋನ್ತಿ – ಅಧಮ್ಮೇನ ಸಮಗ್ಗಾ…ಪೇ… ಧಮ್ಮೇನ ವಗ್ಗಾ… ಧಮ್ಮಪತಿರೂಪಕೇನ ವಗ್ಗಾ… ಧಮ್ಮಪತಿರೂಪಕೇನ ಸಮಗ್ಗಾ…ಪೇ….

ಚಕ್ಕಂ ಕಾತಬ್ಬಂ.

ಪಟಿಸಾರಣೀಯಕಮ್ಮಕಥಾ ನಿಟ್ಠಿತಾ.