೨೮. ಅಙ್ಗುಲಿಮಾಲಚೋರವತ್ಥು

೯೧. ತೇನ ಖೋ ಪನ ಸಮಯೇನ ಚೋರೋ ಅಙ್ಗುಲಿಮಾಲೋ ಭಿಕ್ಖೂಸು ಪಬ್ಬಜಿತೋ ಹೋತಿ. ಮನುಸ್ಸಾ ಪಸ್ಸಿತ್ವಾ ಉಬ್ಬಿಜ್ಜನ್ತಿಪಿ, ಉತ್ತಸನ್ತಿಪಿ, ಪಲಾಯನ್ತಿಪಿ, ಅಞ್ಞೇನಪಿ ಗಚ್ಛನ್ತಿ, ಅಞ್ಞೇನಪಿ ಮುಖಂ ಕರೋನ್ತಿ, ದ್ವಾರಮ್ಪಿ ಥಕೇನ್ತಿ. ಮನುಸ್ಸಾ ಉಜ್ಝಾಯನ್ತಿ ಖಿಯ್ಯನ್ತಿ ವಿಪಾಚೇನ್ತಿ – ‘‘ಕಥಞ್ಹಿ ನಾಮ ಸಮಣಾ ಸಕ್ಯಪುತ್ತಿಯಾ ಧಜಬನ್ಧಂ ಚೋರಂ ಪಬ್ಬಾಜೇಸ್ಸನ್ತೀ’’ತಿ. ಅಸ್ಸೋಸುಂ ಖೋ ಭಿಕ್ಖೂ ತೇಸಂ ಮನುಸ್ಸಾನಂ ಉಜ್ಝಾಯನ್ತಾನಂ ಖಿಯ್ಯನ್ತಾನಂ ವಿಪಾಚೇನ್ತಾನಂ. ಅಥ ಖೋ ತೇ ಭಿಕ್ಖೂ ಭಗವತೋ ಏತಮತ್ಥಂ ಆರೋಚೇಸುಂ…ಪೇ… ನ, ಭಿಕ್ಖವೇ, ಧಜಬನ್ಧೋ ಚೋರೋ ಪಬ್ಬಾಜೇತಬ್ಬೋ. ಯೋ ಪಬ್ಬಾಜೇಯ್ಯ, ಆಪತ್ತಿ ದುಕ್ಕಟಸ್ಸಾತಿ.

ಅಙ್ಗುಲಿಮಾಲಚೋರವತ್ಥು ನಿಟ್ಠಿತಂ.