೬. ಛಕ್ಕನಿದ್ದೇಸವಣ್ಣನಾ

೨೦೨. ಇದಂ ಸಚ್ಚಾಭಿಸಮ್ಬೋಧಾದಿಕಂ ಸಙ್ಗಹಿತಂ ಹೋತಿ ಫಲಸ್ಸ ಹೇತುನಾ ಅವಿನಾಭಾವತೋ. ತೇನಾಹ ‘‘ಸಾಮ’’ನ್ತಿಆದಿ. ಅನಾಚರಿಯಕೇನ ಅತ್ತನಾ ಉಪ್ಪಾದಿತೇನಾತಿ ಇದಂ ಸಬ್ಬಞ್ಞುತಞ್ಞಾಣೇ ವಿಜ್ಜಮಾನಗುಣಕಥನಂ, ನ ತಬ್ಬಿಧುರಧಮ್ಮನ್ತರನಿವತ್ತನಂ ತಥಾರೂಪಸ್ಸ ಅಞ್ಞಸ್ಸ ಅಭಾವತೋ. ತೇನಸ್ಸ ಸಾಚರಿಯಕತಾ, ಪರತೋ ಚ ಉಪ್ಪತ್ತಿ ಪಟಿಕ್ಖಿತ್ತಾತಿ ಇಮಮತ್ಥಮಾಹ ‘‘ತತ್ಥಾ’’ತಿಆದಿನಾ. ತತ್ಥ ಸಾಚರಿಯಕತ್ತಂ ಪರೂಪದೇಸಹೇತುಕತಾ, ಪರತೋ ಉಪ್ಪತ್ತಿ ಉಪದೇಸೇನ ವಿನಾಪಿ ಸನ್ನಿಸ್ಸಾಯ ನಿಬ್ಬತ್ತೀತಿ ಅಯಮೇತೇಸಂ ವಿಸೇಸೋ.

ಛಕ್ಕನಿದ್ದೇಸವಣ್ಣನಾ ನಿಟ್ಠಿತಾ.