೨. ದುಕನಿದ್ದೇಸವಣ್ಣನಾ

೬೩. ಕಸ್ಸಚೀತಿ ಕಸ್ಸಚಿಪಿ. ಕಥಞ್ಚೀತಿ ಕೇನಚಿ ಪಕಾರೇನ, ವಿಕ್ಖಮ್ಭನಮತ್ತೇನಾಪೀತಿ ವುತ್ತಂ ಹೋತಿ. ಅಜ್ಝತ್ತಗ್ಗಹಣಸ್ಸಾತಿ ಅತ್ತಾನಂ ಅಧಿಕಿಚ್ಚ ಉದ್ದಿಸ್ಸ ಪವತ್ತಗ್ಗಾಹಸ್ಸ.

೮೩. ಪುರಿಮಗ್ಗಹಿತನ್ತಿ ‘‘ಕರಿಸ್ಸತಿ ಮೇ’’ತಿಆದಿನಾ ಚಿತ್ತೇನ ಪಠಮಂ ಗಹಿತಂ. ತಂ ಕತನ್ತಿ ತಂ ತಾದಿಸಂ ಉಪಕಾರಂ. ಪುಞ್ಞಫಲಂ ಉಪಜೀವನ್ತೋ ಕತಞ್ಞುಪಕ್ಖೇ ತಿಟ್ಠತೀತಿ ವುತ್ತಂ ‘‘ಪುಞ್ಞಫಲಂ ಅನುಪಜೀವನ್ತೋ’’ತಿ.

೯೦. ಗುಣಪಾರಿಪೂರಿಯಾ ಪರಿಪುಣ್ಣೋ ಯಾವದತ್ಥೋ ಇಧ ತಿತ್ತೋತಿ ಆಹ ‘‘ನಿಟ್ಠಿತಕಿಚ್ಚತಾಯ ನಿರುಸ್ಸುಕ್ಕೋ’’ತಿ.

ದುಕನಿದ್ದೇಸವಣ್ಣನಾ ನಿಟ್ಠಿತಾ.