೧. ಸಞ್ಚಿಚ್ಚಸಿಕ್ಖಾಪದವಣ್ಣನಾ

೩೮೨. ಸಪ್ಪಾಣಕವಗ್ಗಸ್ಸ ಪಠಮಸಿಕ್ಖಾಪದೇ ಉಸುಂ ಸರಂ ಅಸ್ಸತಿ ಖಿಪತೀತಿ ಇಸ್ಸಾಸೋ, ಧನುಸಿಪ್ಪಕುಸಲೋತಿ ಆಹ ‘‘ಧನುಗ್ಗಹಾಚರಿಯೋ’’ತಿ. ಪಟಿಸತ್ತುವಿಧಮನತ್ಥಂ ಧನುಂ ಗಣ್ಹನ್ತೀತಿ ಧನುಗ್ಗಹಾ, ತೇಸಂ ಆಚರಿಯೋ ಧನುಗ್ಗಹಾಚರಿಯೋ. ಅಪ್ಪಮತ್ತೇನ ವತ್ತಂ ಕಾತಬ್ಬನ್ತಿ ಯಥಾ ತೇ ಪಾಣಾ ನ ಮರನ್ತಿ, ಏವಂ ಸೂಪಟ್ಠಿತಸ್ಸತಿನಾ ಸೇನಾಸನೇ ವತ್ತಂ ಕಾತಬ್ಬಂ. ಸೇಸಮೇತ್ಥ ಉತ್ತಾನಮೇವ. ಅಙ್ಗಾನಿಪಿ ಮನುಸ್ಸವಿಗ್ಗಹೇ ವುತ್ತನಯೇನ ವೇದಿತಬ್ಬಾನೀತಿ.

ಸಞ್ಚಿಚ್ಚಸಿಕ್ಖಾಪದವಣ್ಣನಾ ನಿಟ್ಠಿತಾ.