೧. ಅಚೇಲಕಸಿಕ್ಖಾಪದವಣ್ಣನಾ

೨೭೩. ಅಚೇಲಕವಗ್ಗಸ್ಸ ಪಠಮಸಿಕ್ಖಾಪದೇ ತೇಸನ್ತಿ ತಿತ್ಥಿಯಾನಂ. ತತ್ಥಾತಿ ಭಾಜನೇ. ಇತೋತಿ ಪತ್ತತೋ. ಸಚೇ ತಿತ್ಥಿಯೋ ವದತೀತಿ ‘‘ಪಠಮಮೇವ ಮಂ ಸನ್ಧಾಯ ಅಭಿಹರಿತ್ವಾ ಠಪಿತಂ ಮಯ್ಹಂ ಸನ್ತಕಂ ಹೋತಿ, ಇಮಸ್ಮಿಂ ಭಾಜನೇ ಆಕಿರಥಾ’’ತಿ ವದತಿ, ವಟ್ಟತಿ. ಸೇಸಮೇತ್ಥ ಉತ್ತಾನಮೇವ. ಅಞ್ಞತಿತ್ಥಿಯತಾ, ಅಜ್ಝೋಹರಣೀಯತಾ, ಅಜ್ಝೋಹರಣತ್ಥಾಯ ಸಹತ್ಥಾ ಅನಿಕ್ಖಿತ್ತಭಾಜನೇ ದಾನನ್ತಿ ಇಮಾನಿ ಪನೇತ್ಥ ತೀಣಿ ಅಙ್ಗಾನಿ.

ಅಚೇಲಕಸಿಕ್ಖಾಪದವಣ್ಣನಾ ನಿಟ್ಠಿತಾ.