೨. ದುತಿಯವಗ್ಗವಣ್ಣನಾ

೯೦೯-೯೨೨. ದಸಬಲಞಾಣನ್ತಿ ದಸವಿಧಬಲಞಾಣಂ. ಏಕದೇಸೇನಾತಿ ಪದೇಸವಸೇನ. ಸಾವಕಾನಮ್ಪಿ ಅತ್ತನೋ ಅಭಿನೀಹಾರಾನುರೂಪಂ ಞಾಣಂ ಪವತ್ತತೀತಿ ತೇ ಕಾಲಪದೇಸವಸೇನ ಚೇವ ಯಥಾಪರಿಚಯಸತ್ತಪದೇಸವಸೇನ ಚ ಠಾನಾನೀತಿ ಜಾನನ್ತಿ, ಸಮ್ಮಾಸಮ್ಬುದ್ಧಾನಂ ಪನ ಅನನ್ತಞಾಣತಾಯ ಸಬ್ಬತ್ಥೇವ ಅಪ್ಪಟಿಹತಮೇವ ಞಾಣನ್ತಿ ಆಹ – ‘‘ಸಬ್ಬಞ್ಞುಬುದ್ಧಾನಂ ಪನಾ’’ತಿಆದಿ. ಏತಂ ದಸಬಲಞಾಣಂ ಅನನ್ತವಿಸಯತ್ತಾ ನಿಪ್ಪದೇಸಂ ಅನೂನತಾಯ ಸಬ್ಬಾಕಾರಪರಿಪೂರಂ.

ದುತಿಯವಗ್ಗವಣ್ಣನಾ ನಿಟ್ಠಿತಾ.

ಅನುರುದ್ಧಸಂಯುತ್ತವಣ್ಣನಾ ನಿಟ್ಠಿತಾ.