೭. ಬೋಧಿಪಕ್ಖಿಯವಗ್ಗವಣ್ಣನಾ

೫೩೧-೬೫೦. ಸತ್ತಾನಂ ಫಲಾನಂ ಹೇತುಭೂತಾನಿ ‘‘ಇಮೇಸಂ ಖೋ, ಭಿಕ್ಖವೇ, ಪಞ್ಚನ್ನಂ ಇನ್ದ್ರಿಯಾನಂ ಭಾವಿತತ್ತಾ’’ತಿಆದಿನಾ ವುತ್ತಾನಿ, ಪಞ್ಚಿನ್ದ್ರಿಯಾನಿಯೇವ ಫಲೂಪಚಾರೇನ ‘‘ಸತ್ತ ಫಲಾನೀ’’ತಿ ವುತ್ತಾನಿ. ತಾನಿ ಚ ಪುಬ್ಬಭಾಗಾನಿ ‘‘ಇಮೇಸಂ, ಭಿಕ್ಖವೇ, ಪಞ್ಚನ್ನಂ ಇನ್ದ್ರಿಯಾನಂ ಭಾವಿತತ್ತಾ…ಪೇ… ಸತ್ತಾನಿಸಂಸಾ ಪಾಟಿಕಙ್ಖಾ’’ತಿ ವಚನತೋ. ತೇಸನ್ತಿ ಸತ್ತಾನಂ ಫಲಾನಂ. ‘‘ದ್ವಿನ್ನಂ ಫಲಾನಂ ಅಞ್ಞತರಂ ಫಲ’’ನ್ತಿ ಏವಂ ಅತೀತಸುತ್ತೇ ವುತ್ತಾನಿ ಹೇಟ್ಠಾ ದ್ವೇ ಫಲಾನಿ ನಾಮಾತಿ ವದನ್ತಿ. ಯೇಹಿ ಪನ ಇನ್ದ್ರಿಯೇಹಿ ಅಞ್ಞತ್ರ ಪನ ಅನ್ತರಾಪರಿನಿಬ್ಬಾಯಿಂ ಸೇಸಾನಿ ಫಲಾನಿ ಹೋನ್ತಿ, ತಾನಿ ಚತ್ತಾರಿ ಸಪುಬ್ಬಭಾಗಾನಿ ಲೋಕುತ್ತರಾನೀತಿ ವುತ್ತಂ ಸಿಯಾ.

ಇನ್ದ್ರಿಯಸಂಯುತ್ತವಣ್ಣನಾ ನಿಟ್ಠಿತಾ.