೪. ಅನನುಸ್ಸುತವಗ್ಗವಣ್ಣನಾ

೩೯೭-೪೦೭. ಯಾ ವೇದನಾ ಸಮ್ಮಸಿತ್ವಾತಿ ಯಾ ತೇಭೂಮಕವೇದನಾ ಸಮ್ಮಸಿತ್ವಾ. ತಾವಸ್ಸಾತಿ ತಾ ತೇಭೂಮಕವೇದನಾ ಏವ ಅಸ್ಸ ಭಿಕ್ಖುನೋ. ಸದಿಸವಸೇನ ಚೇತಂ ವುತ್ತಂ, ಅನಿಚ್ಚಾದಿಸಮ್ಮಸನವಸೇನ ವಿದಿತಾ ಪುಬ್ಬಭಾಗೇ ಸಮ್ಮಸನಕಾಲೇ ಉಪಟ್ಠಹನ್ತಿ. ಪರಿಗ್ಗಹಿತೇಸೂತಿ ಪರಿಜಾನನವಸೇನ ಪರಿಚ್ಛಿಜ್ಜ ಗಹಿತೇಸು. ‘‘ವೇದನಾ ತಣ್ಹಾಪಪಞ್ಚಸ್ಸ, ವಿತಕ್ಕೋ ಮಾನಪಪಞ್ಚಸ್ಸ, ಸಞ್ಞಾ ದಿಟ್ಠಿಪಪಞ್ಚಸ್ಸ ಮೂಲವಸೇನ ಸಮ್ಮಸನಂ ವುತ್ತಾ’’ತಿ ವದನ್ತಿ. ‘‘ವೇದನಾವಿತಕ್ಕಸಞ್ಞಾ ತಣ್ಹಾಮಾನದಿಟ್ಠಿಪಪಞ್ಚಾನಂ ಮೂಲದಸ್ಸನವಸೇನಾ’’ತಿ ಅಪರೇ.

ಅನನುಸ್ಸುತವಗ್ಗವಣ್ಣನಾ ನಿಟ್ಠಿತಾ.