೮. ನಿರೋಧವಗ್ಗೋ

೧-೧೦. ಅಸುಭಸುತ್ತಾದಿವಣ್ಣನಾ

೨೪೮-೨೫೭. ಅನಭಿರತಿನ್ತಿ ಅನಭಿರಮಣಂ ಅನಪೇಕ್ಖಿತಂ. ಅಚ್ಚನ್ತನಿರೋಧಭೂತೇ ನಿಬ್ಬಾನೇ ಪವತ್ತಸಞ್ಞಾ ನಿರೋಧಸಞ್ಞಾ. ತತ್ಥ ಸಾ ಮಗ್ಗಸಹಗತಾ ಲೋಕುತ್ತರಾ, ಯಾ ಪನ ನಿಬ್ಬಾನೇ ನಿನ್ನಭಾವೇನ ಪವತ್ತಾ, ಉಪಸಮಾನುಸ್ಸತಿಸಹಗತಾ ಚ, ಸಾ ಲೋಕಿಯಾತಿ ಆಹ – ‘‘ನಿರೋಧಸಞ್ಞಾ ಮಿಸ್ಸಕಾ’’ತಿ. ‘‘ತೇಸಂ ನವಸೂ’’ತಿಆದಿ ಪಮಾದಪಾಠೋ. ‘‘ಏಕಾದಸಸು ಅಪ್ಪನಾ ಹೋತಿ, ನವ ಉಪಚಾರಜ್ಝಾನಿಕಾ’’ತಿ ಪಾಠೋ ಗಹೇತಬ್ಬೋ. ವೀಸತಿ ಕಮ್ಮಟ್ಠಾನಾನೀತಿ ಇದಮ್ಪಿ ಇಧಾಗತನಯೋ, ನ ವಿಸುದ್ಧಿಮಗ್ಗಾದೀಸು ಆಗತನಯೋ. ಏತ್ಥ ಚ ಆರಮ್ಮಣಾದೀಸು ಯಥಾಯೋಗಂ ಅಪ್ಪನಂ ಉಪಚಾರಂ ವಾ ಪಾಪುಣಿತ್ವಾ ಅರಹತ್ತಪ್ಪತ್ತಸ್ಸ ಪುಬ್ಬಭಾಗಭೂತಾ ವಿಪಸ್ಸನಾಮಗ್ಗಬೋಜ್ಝಙ್ಗಾ ಕಥಿತಾ.

ನಿರೋಧವಗ್ಗವಣ್ಣನಾ ನಿಟ್ಠಿತಾ.

ಬೋಜ್ಝಙ್ಗಸಂಯುತ್ತವಣ್ಣನಾ ನಿಟ್ಠಿತಾ.