೮. ಆವರಣನೀವರಣಸುತ್ತವಣ್ಣನಾ

೨೧೯. ಪಞ್ಞಾ ದುಬ್ಬಲಾ ಹೋತಿ, ನ ಬಲವತೀ ಪಟಿಪಕ್ಖೇನ ಉಪಕ್ಕಿಲಿಟ್ಠಭಾವತೋ. ತೇನಾಹ ‘‘ಮನ್ದಾ ಅವಿಸದಾ’’ತಿ.

ಪಞ್ಚ ನೀವರಣಾ ದೂರೇ ಹೋನ್ತಿ ಆವರಣಾಭಾವತೋ. ತಮೇವ ಪೀತಿನ್ತಿ ಸಪ್ಪಾಯಧಮ್ಮಸವನೇ ಉಪ್ಪನ್ನಂ ಪೀತಿಂ. ತಸ್ಸಾ ತದಾ ಉಪ್ಪನ್ನಾಕಾರಸಲ್ಲಕ್ಖಣೇನ ಅವಿಜಹನ್ತೋ ಪುನಪ್ಪುನಂ ತಸ್ಸಾ ನಿಬ್ಬತ್ತನೇನ. ತೇನಾಹ ‘‘ಪಞ್ಚ ನೀವರಣೇ ವಿಕ್ಖಮ್ಭೇತ್ವಾ’’ತಿ. ಇದಂ ಸನ್ಧಾಯಾತಿ ಏತ್ತಕೇ ದಿವಸೇಪಿ ನ ವಿನಸ್ಸನ್ತಿ, ಸಾ ಧಮ್ಮಪೀತಿ ಲದ್ಧಪಚ್ಚಯಾ ಹುತ್ವಾ ವಿಸೇಸಾವಹಾತಿ ಇಮಮತ್ಥಂ ಸನ್ಧಾಯ ಏತಂ ‘‘ಇಮಸ್ಸ ಪಞ್ಚ ನೀವರಣಾ ತಸ್ಮಿಂ ಸಮಯೇ ನ ಹೋನ್ತೀ’’ತಿಆದಿ ವುತ್ತಂ. ಪೀತಿಪಾಮೋಜ್ಜಪಕ್ಖಿಯಾತಿ ಪೀತಿಪಾಮೋಜ್ಜಪಚ್ಚಯಾ. ನಸ್ಸನ್ತೀತಿ ನಿರೋಧಪಚ್ಚಯವಸೇನ ಪವತ್ತನತೋ ನಸ್ಸನ್ತಿ. ಸಭಾಗಪಚ್ಚಯವಸೇನ ಪುನ ಉಪ್ಪಜ್ಜನ್ತಾಪಿ…ಪೇ… ವುಚ್ಚತಿ ಕಿಚ್ಚಸಾಧನವಸೇನ ಪವತ್ತನತೋ.