೭. ದುತಿಯಮಿತ್ತಾಮಚ್ಚಸುತ್ತವಣ್ಣನಾ

೧೦೧೩. ಕಿಸ್ಮಿಞ್ಚಿ ಕಸ್ಸಚಿ ಚ ತಥಾ ತಥಾ ಉಪ್ಪನ್ನಸ್ಸ ಪಸಾದಸ್ಸ ಅಞ್ಞಥಾಭಾವೋ ಪಸಾದಞ್ಞಥತ್ತಂ. ಭೂತಸಙ್ಘಾತಸ್ಸ ಘನಆದಿಕಸ್ಸ ಅಞ್ಞಥಾಭಾವೋ ಭಾವಞ್ಞಥತ್ತಂ. ನಿರಯಾದಿಗತಿಅನ್ತರಉಪಪತ್ತಿ ಗತಿಅಞ್ಞಥತ್ತಂ. ಸಭಾವಧಮ್ಮಾನಂ ಕಕ್ಖಳಫುಸನಾದಿಲಕ್ಖಣಸ್ಸ ಅಞ್ಞಥಾಭಾವೋ ಲಕ್ಖಣಞ್ಞಥತ್ತಂ. ‘‘ಠಿತಸ್ಸ ಅಞ್ಞಥತ್ತಂ ಪಞ್ಞಾಯತೀ’’ತಿ ಏವಂ ವುತ್ತಂ ಅಞ್ಞಥತ್ತಂ ವಿಪರಿಣಾಮಞ್ಞಥತ್ತಂ. ಲಕ್ಖಣಞ್ಞಥತ್ತಂ ನ ಲಬ್ಭತಿ. ತೇನಾಹ ‘‘ಲಕ್ಖಣಂ ಪನ ನ ವಿಗಚ್ಛತೀ’’ತಿ, ಸೇಸಂ ಲಬ್ಭತೀತಿ. ಪಥವೀಧಾತುಯಾತಿ ಸಸಮ್ಭಾರಪಥವೀಧಾತುಯಾ. ಆಪೋಧಾತುಯಾತಿ ಏತ್ಥಾಪಿ ಏಸೇವ ನಯೋ. ಪುರಿಮಭಾವೋತಿ ಘನಕಠಿನಭಾವೋ. ಭಾವಞ್ಞಥತ್ತಂ ರಸಞ್ಞಥತ್ತಸಭಾವೋ. ಗತಿಅಞ್ಞಥತ್ತಂ ಉಗ್ಗತೂಪಪತ್ತಿ. ತೇನಾಹ ‘‘ತಞ್ಹಿ ಅರಿಯಸಾವಕಸ್ಸ ನತ್ಥೀ’’ತಿ. ಪಸಾದಞ್ಞಥತ್ತಮ್ಪಿ ನತ್ಥಿಯೇವ ಅರಿಯಸಾವಕಸ್ಸ.

ರಾಜಕಾರಾಮವಗ್ಗವಣ್ಣನಾ ನಿಟ್ಠಿತಾ.