೧-೨. ಇಚ್ಛಾನಙ್ಗಲಸುತ್ತಾದಿವಣ್ಣನಾ

೯೮೭-೯೮೮. ಕಸ್ಮಾತಿಆದಿ ವಿಹಾರಸಮಾಪತ್ತಿಆಚಿಕ್ಖಣೇ ಕಾರಣಂ ವಿಭಾವೇತುಂ ಆರದ್ಧಂ.

ಏವ-ವಾಕಾರೋತಿ ಏವ-ಕಾರೋ ವಾ-ಕಾರೋ ಚ. ಏಕನ್ತಸನ್ತತ್ತಾ ಏಕನ್ತೇನ ಸನ್ತಮನಸಿಕಾರಭಾವತೋ. ಸೇಕ್ಖವಚನೇನೇವ ತೇಸಂ ಸಿಕ್ಖಿತಬ್ಬಸ್ಸ ಅತ್ಥಿಭಾವೇ ಸಿದ್ಧೇಪಿ ಸಿಕ್ಖಿತಬ್ಬರಹಿತೇಸು ತೇಸುಪಿ ಸೇಕ್ಖಪರಿಯಾಯಸ್ಸ ವುಚ್ಚಮಾನತ್ತಾ ಸಿಕ್ಖಿತಬ್ಬಸದ್ದೇನ ಸೇಕ್ಖೇ ವಿಸೇಸೇತ್ವಾ ವುತ್ತಾ. ಆಸವಕ್ಖಯತ್ಥಂ ಸಿಕ್ಖಿತಬ್ಬಸ್ಸ ಅಭಾವೇಪಿ ದಿಟ್ಠಧಮ್ಮಸುಖವಿಹಾರತ್ಥಂ ಝಾನಾದಿಸಿಕ್ಖನೇನ ವಿನಾ ಸಿಕ್ಖಿತಬ್ಬಾಭಾವಾ ‘‘ಅಸೇಕ್ಖಾ ನಾಮಾ’’ತಿ ವುತ್ತಾ. ಬುದ್ಧಾನಂ ಪನ ಸಬ್ಬಸೋ ಸಮ್ಮದೇವ ಪರಿನಿಟ್ಠಿತಸಿಕ್ಖತ್ತಾ ‘‘ಸಿಕ್ಖಾಮೀ’’ತಿ ನ ವುತ್ತಂ. ಆನಾಪಾನಜ್ಝಾನಫಲಸಮಾಪತ್ತಿ ತಥಾಗತವಿಹಾರೋ.