೨. ದುತಿಯವಿಹಾರಸುತ್ತವಣ್ಣನಾ

೧೨. ಮಿಚ್ಛಾದಿಟ್ಠಿ ವೂಪಸಮತಿ ಸಬ್ಬಸೋ ಪಹೀಯತಿ ಏತೇನಾತಿ ಮಿಚ್ಛಾದಿಟ್ಠಿವೂಪಸಮೋ. ‘‘ಮಿಚ್ಛಾದಿಟ್ಠಿವೂಪಸಮೋ ನಾಮ ಸಮ್ಮಾದಿಟ್ಠಿ. ಭವನ್ತರೇ ಉಪ್ಪಜ್ಜನ್ತೋ ಅತಿದೂರೇತಿ ಮಞ್ಞಮಾನೋ ವಿಪಾಕವೇದನಂ ನ ಗಣ್ಹಾತೀ’’ತಿ ಅಟ್ಠಕಥಾಯಂ ವುತ್ತಂ. ‘‘ಇಮಿನಾ ನಯೇನಾ’’ತಿ ಅತಿದಿಸಿತ್ವಾಪಿ ತಮತ್ಥಂ ಪಾಕಟತರಂ ಕಾತುಂ ‘‘ಯಸ್ಸ ಯಸ್ಸಾ’’ತಿಆದಿಂ ವತ್ವಾ ಏವ ಸಾಮಞ್ಞವಸೇನ ವುತ್ತಮತ್ಥಂ ಪಚ್ಛಿಮೇಸು ತೀಸು ಪದೇಸು ಸರೂಪತೋವ ದಸ್ಸೇತುಂ ‘‘ಛನ್ದವೂಪಸಮಪಚ್ಚಯಾ’’ತಿಆದಿಮಾಹ, ತಂ ಸುವಿಞ್ಞೇಯ್ಯಮೇವ. ವುತ್ತತ್ಥಾನೇವ ಅನನ್ತರಸುತ್ತೇ.

ದುತಿಯವಿಹಾರಸುತ್ತವಣ್ಣನಾ ನಿಟ್ಠಿತಾ.