೧೨. ವಚ್ಛಗೋತ್ತಸಂಯುತ್ತವಣ್ಣನಾ

೬೦೭-೬೬೧. ಅಞ್ಞಾಣಾತಿ ಅಞ್ಞಾಣಹೇತು, ಸಚ್ಚಪಟಿಚ್ಛಾದಕಸಮ್ಮೋಹಹೇತೂತಿ ಅತ್ಥೋ. ಅಟ್ಠಕಥಾಯಂ ಪನ ಇಮಮೇವ ಅತ್ಥಂ ಹೇತುಅತ್ಥೇನ ಕರಣವಚನೇನ ದಸ್ಸೇತುಂ ‘‘ಅಞ್ಞಾಣೇನಾ’’ತಿ ವುತ್ತಂ. ಸಬ್ಬಾನೀತಿ ‘‘ಅಞ್ಞಾಣಾ ಅದಸ್ಸನಾ ಅನಭಿಸಮಯಾ’’ತಿಆದೀನಿ ಪದಾನಿ ಏಕಾದಸಸು ಸುತ್ತೇಸು ಆಗತಾನಿ, ಪಞ್ಚಪಞ್ಞಾಸ ವೇಯ್ಯಾಕರಣಾನಿ ವುತ್ತಾನಿ ಸುತ್ತೇಸು ಪಞ್ಚನ್ನಂ ಖನ್ಧಾನಂ ವಸೇನ ವೇಯ್ಯಾಕರಣಸ್ಸ ಆಗತತ್ತಾ.

ವಚ್ಛಗೋತ್ತಸಂಯುತ್ತವಣ್ಣನಾ ನಿಟ್ಠಿತಾ.