೫. ಉಪ್ಪಲವಣ್ಣಾಸುತ್ತವಣ್ಣನಾ

೧೬೬. ಅಗ್ಗತೋ ಪಟ್ಠಾಯಾತಿ ಸಬ್ಬಅಗ್ಗತೋ ಪಭುತಿ ಯಾವ ಮೂಲಾ ಅನ್ತರಾಯುತ್ತಂ ಸಮ್ಮದೇವ ಪುಪ್ಫಿತಂ ಸಾಲರುಕ್ಖಂ. ವಣ್ಣಧಾತುಸೀಸೇನ ವಣ್ಣಧಾತುಸಮ್ಪನ್ನಂ ದುತಿಯಂ ಭಿಕ್ಖುನಿಂ ವದತೀತಿ ಆಹ ‘‘ತಯಾ ಸದಿಸಾ ಅಞ್ಞಾ ಭಿಕ್ಖುನೀ ನತ್ಥೀ’’ತಿ. ಪಖುಮಸೀಸೇನ ಅಕ್ಖಿಭಣ್ಡಂ ವುಚ್ಚತೀತಿ ಆಹ ‘‘ಪಖುಮನ್ತರಿಕಾಯನ್ತಿ ದ್ವಿನ್ನಂ ಅಕ್ಖೀನಂ ಮಜ್ಝೇ’’ತಿ. ನಾಸವಂಸೇತಿ ನಾಸವಂಸಮೂಲೇ. ‘‘ನ ಪಸ್ಸಸೀ’’ತಿ ವತ್ವಾ ಅದಸ್ಸನೇ ಕಾರಣಂ ಆಹ ‘‘ವಸೀಭೂತಮ್ಹೀ’’ತಿ.

ಉಪ್ಪಲವಣ್ಣಾಸುತ್ತವಣ್ಣನಾ ನಿಟ್ಠಿತಾ.