೫. ರಾಮಣೇಯ್ಯಕಸುತ್ತವಣ್ಣನಾ

೨೬೧. ಆರಮನ್ತಿ ಏತ್ಥ ಸತ್ತಾತಿ ಆರಾಮಾ, ಮನೋರಮಾ ಉಪವನಾದಯೋ. ತೇ ಏವ ಚೇತೇನ್ತಿ ಏತ್ಥ ಸದ್ಧಾಯ ಅತ್ತನೋ ಪೀತಿಸೋಮನಸ್ಸಂ ಸನ್ಧಹನ್ತೀತಿ ಚೇತಿಯಾತಿ ಚ ವುಚ್ಚನ್ತಿ. ಮನುಸ್ಸರಮಣೀಯಭಾವಸ್ಸಾತಿ ಮನುಸ್ಸಾನಂ ಆರಮಣೀಯಭಾವಸ್ಸ. ತಸ್ಸ ಪನ ಸೀಲಾದಿಗುಣವಸೇನ ಅಚಿನ್ತೇಯ್ಯಾಪರಿಮೇಯ್ಯಾನುಭಾವತಾಪಿ ಹೋತೀತಿ ಭಗವಾ ‘‘ನಾಗ್ಘನ್ತಿ ಸೋಳಸಿ’’ನ್ತಿ ಅವೋಚ. ಅಚೇತನಾಯ ಭೂಮಿಯಾ ರಮಣೀಯತಾ ನಾಮ ಗುಣವಿಸಿಟ್ಠಾನಂ ಅರಿಯಾನಂ ಸೇವನವಸೇನ ವೇದಿತಬ್ಬಾತಿ ವುತ್ತಂ ‘‘ಇದಾನಿ…ಪೇ… ಗಾಮೇ ವಾತಿಆದಿಮಾಹಾ’’ತಿ.

ರಾಮಣೇಯ್ಯಕಸುತ್ತವಣ್ಣನಾ ನಿಟ್ಠಿತಾ.