೫. ಅಞ್ಞಚೇತಾಪನಸಿಕ್ಖಾಪದವಣ್ಣನಾ

ಪಞ್ಚಮೇ ಅಞ್ಞಂ ಚೇತಾಪೇತ್ವಾತಿ ಅತ್ತನೋ ಕಪ್ಪಿಯಭಣ್ಡೇನ ‘‘ಇದಂ ನಾಮ ಆಹರಾ’’ತಿ ಅಞ್ಞಂ ಪರಿವತ್ತಾಪೇತ್ವಾ. ಅಞ್ಞಂ ಚೇತಾಪೇಯ್ಯಾತಿ ‘‘ಏವಂ ಮೇ ಇದಂ ದತ್ವಾ ಅಞ್ಞಮ್ಪಿ ಆಹರಿಸ್ಸತೀ’’ತಿ ಮಞ್ಞಮಾನಾ ‘‘ನ ಮೇ ಇಮಿನಾ ಅತ್ಥೋ, ಇದಂ ನಾಮ ಮೇ ಆಹರಾ’’ತಿ ತತೋ ಅಞ್ಞಂ ಚೇತಾಪೇಯ್ಯ. ತಸ್ಸಾ ಚೇತಾಪನಪ್ಪಯೋಗೇ ದುಕ್ಕಟಂ, ಪಟಿಲಾಭೇನ ತೇನ ವಾ ಅಞ್ಞೇನ ವಾ ಮೂಲೇನ ಆಹಟಂ ನಿಸ್ಸಗ್ಗಿಯಂ ಹೋತಿ, ಸೇಸಂ ಚತುತ್ಥಸದಿಸಮೇವಾತಿ.

ಅಞ್ಞಚೇತಾಪನಸಿಕ್ಖಾಪದವಣ್ಣನಾ ನಿಟ್ಠಿತಾ.