೩-೪. ಸುಪ್ಪಟಿಚ್ಛನ್ನಸಿಕ್ಖಾಪದವಣ್ಣನಾ

ತತಿಯೇ ಸುಪ್ಪಟಿಚ್ಛನ್ನೋತಿ ಸುಟ್ಠು ಪಟಿಚ್ಛನ್ನೋ, ಗಣ್ಠಿಕಂ ಪಟಿಮುಞ್ಚಿತ್ವಾ ಅನುವಾತನ್ತೇನ ಗೀವಂ ಪಟಿಚ್ಛಾದೇತ್ವಾ ಉಭೋ ಕಣ್ಣೇ ಸಮಂ ಕತ್ವಾ ಪಟಿಸಙ್ಘರಿತ್ವಾ ಯಾವ ಮಣಿಬನ್ಧಂ ಪಟಿಚ್ಛಾದೇತ್ವಾ ಅನ್ತರಘರೇ ಗಮಿಸ್ಸಾಮೀತಿ ಅತ್ಥೋ, ತಥಾ ಅಕತ್ವಾ ಪನ ಜಾಣುಂ ವಾ ಉರಂ ವಾ ವಿವರಿತ್ವಾ ಗಚ್ಛನ್ತಸ್ಸ ದುಕ್ಕಟಂ.

ಚತುತ್ಥೇ ಗಲವಾಟಕತೋ ಪಟ್ಠಾಯ ಸೀಸಂ, ಮಣಿಬನ್ಧತೋ ಪಟ್ಠಾಯ ಹತ್ಥೇ, ಪಿಣ್ಡಿಕಮಂಸತೋ ಪಟ್ಠಾಯ ಪಾದೇ ವಿವರಿತ್ವಾ ಸೇಸಂ ಛಾದೇತ್ವಾ ನಿಸಿನ್ನೋ ಸುಪ್ಪಟಿಚ್ಛನ್ನೋ ನಾಮ ಹೋತಿ, ಏತ್ಥ ಪನ ವಾಸೂಪಗತಸ್ಸ ಅನಾಪತ್ತಿ.