೫. ಪಞ್ಚಕನಿದ್ದೇಸವಣ್ಣನಾ

೯೪೦. ಆಗಮನಸ್ಸ ಪಟಿಸನ್ಧಿಗ್ಗಹಣವಸೇನಾತಿ ಅಧಿಪ್ಪಾಯೋ.

೯೪೧. ಉಪಚಯನತೋತಿ ವಡ್ಢನತೋ. ಅಞ್ಞಥಾತಿ ಲಾಭತೋ ತಕ್ಕನತೋ ಚ ಅಞ್ಞಪ್ಪಕಾರೋ ಗಹಿತೋತಿ ತಂ ದಸ್ಸೇನ್ತೋ ‘‘ಸದ್ಧಾರುಚಿಆದೀಹೀ’’ತಿ ಆಹ. ಅನುಸ್ಸವತೋ ಹಿ ಸದ್ದಹನಂ, ರುಚ್ಚನಂ ಪನ ಜಾತಿಸ್ಸರಞಾಣತೋಪಿ ಹೋತಿ. ಆದಿ-ಸದ್ದೇನ ಖನ್ತಿಆದೀನಂ ಸಙ್ಗಹೋ.

೯೪೨. ಅಕ್ಖನ್ತಿ ಮೂಲಂ ಏತೇಸನ್ತಿ ಅಕ್ಖನ್ತಿಮೂಲಕಾ. ದುಕ್ಕಟದುಬ್ಭಾಸಿತತಾದಿದೋಸಾ ತಾದಿಸಾನಿ ಕಾಯವಚೀಮನೋದುಚ್ಚರಿತಾನಿ.

೯೪೩. ಉದಗ್ಗತಾಸಙ್ಖಾತೋ ಅವೂಪಸಮೋ ನ ಉದ್ಧಚ್ಚಸಙ್ಖಾತೋತಿ ಪೀತಿಯಾ ಏವ ಸವಿಪ್ಫಾರಿಕತಾಸಙ್ಖಾತಂ ಅಸನ್ತಸಭಾವಂ ಆಹ. ಅವೂಪಸಮಹೇತುಭೂತೋತಿ ವಿಕ್ಖೇಪಹೇತುಭೂತೋ. ಪೀತಿಯಾ ಆಕಾರೋತಿ ಪೀತಿಯಾ ಪವತ್ತಿಆಕಾರೋ.

ಪಞ್ಚಕನಿದ್ದೇಸವಣ್ಣನಾ ನಿಟ್ಠಿತಾ.