೨೦. ಅಮತವಗ್ಗವಣ್ಣನಾ

೬೦೦-೬೧೧. ನತ್ಥಿ ಏತ್ಥ ಮತಂ ಮರಣಂ ವಿನಾಸೋತಿ ಅಮತಂ, ನಿಬ್ಬಾನನ್ತಿ ಆಹ – ‘‘ಮರಣವಿರಹಿತಂ ನಿಬ್ಬಾನಂ ಪರಿಭುಞ್ಜನ್ತೀ’’ತಿ. ಅಮತಸ್ಸ ವಾ ನಿಬ್ಬಾನಸ್ಸ ಅಧಿಗಮಹೇತುತಾಯ ಅಮತಸದಿಸಅತಪ್ಪಕಸುಖಪತಿತತಾಯ ಚ ಕಾಯಗತಾಸತಿ ‘‘ಅಮತ’’ನ್ತಿ ವುತ್ತಾ. ಪರಿಭುಞ್ಜನ್ತೀತಿ ಝಾನಸಮಾಪಜ್ಜನೇನ ವಳಞ್ಜನ್ತಿ. ವಿರದ್ಧನ್ತಿ ಅನಧಿಗಮೇನ ವಿರಜ್ಝಿತಂ. ತೇನಾಹ – ‘‘ವಿರಾಧಿತಂ ನಾಧಿಗತ’’ನ್ತಿ. ಆರದ್ಧನ್ತಿ ಸಾಧಿತಂ ನಿಪ್ಫಾದಿತಂ. ತಞ್ಚ ಪರಿಪುಣ್ಣಂ ನಾಮ ಹೋತೀತಿ ಆಹ – ‘‘ಆರದ್ಧನ್ತಿ ಪರಿಪುಣ್ಣ’’ನ್ತಿ. ಪಮಾದಿಂಸೂತಿ ಕಾಲಬ್ಯತ್ತಯೇನೇದಂ ವುತ್ತನ್ತಿ ಆಹ – ‘‘ಪಮಜ್ಜನ್ತೀ’’ತಿ.

ಅಮತವಗ್ಗವಣ್ಣನಾ ನಿಟ್ಠಿತಾ.

ಇತಿ ಮನೋರಥಪೂರಣಿಯಾ ಅಙ್ಗುತ್ತರನಿಕಾಯ-ಅಟ್ಠಕಥಾಯ

ಏಕಕನಿಪಾತವಣ್ಣನಾಯ ಅನುತ್ತಾನತ್ಥದೀಪನಾ ಸಮತ್ತಾ.

ಪಠಮೋ ಭಾಗೋ ನಿಟ್ಠಿತೋ.