೧೬. ದುಕ್ಕರಪಞ್ಹಾಸುತ್ತಂ

೩೨೯. ‘‘ಕಿಂ ನು ಖೋ, ಆವುಸೋ ಸಾರಿಪುತ್ತ, ಇಮಸ್ಮಿಂ ಧಮ್ಮವಿನಯೇ ದುಕ್ಕರ’’ನ್ತಿ? ‘‘ಪಬ್ಬಜ್ಜಾ ಖೋ, ಆವುಸೋ, ಇಮಸ್ಮಿಂ ಧಮ್ಮವಿನಯೇ ದುಕ್ಕರಾ’’ತಿ. ‘‘ಪಬ್ಬಜಿತೇನ ಪನಾವುಸೋ, ಕಿಂ ದುಕ್ಕರ’’ನ್ತಿ? ‘‘ಪಬ್ಬಜಿತೇನ ಖೋ, ಆವುಸೋ, ಅಭಿರತಿ ದುಕ್ಕರಾ’’ತಿ. ‘‘ಅಭಿರತೇನ ಪನಾವುಸೋ, ಕಿಂ ದುಕ್ಕರ’’ನ್ತಿ? ‘‘ಅಭಿರತೇನ ಖೋ, ಆವುಸೋ, ಧಮ್ಮಾನುಧಮ್ಮಪ್ಪಟಿಪತ್ತಿ ದುಕ್ಕರಾ’’ತಿ. ‘‘ಕೀವಚಿರಂ ಪನಾವುಸೋ, ಧಮ್ಮಾನುಧಮ್ಮಪ್ಪಟಿಪನ್ನೋ ಭಿಕ್ಖು ಅರಹಂ ಅಸ್ಸಾ’’ತಿ? ‘‘ನಚಿರಂ, ಆವುಸೋ’’ತಿ. ಸೋಳಸಮಂ.

ಜಮ್ಬುಖಾದಕಸಂಯುತ್ತಂ ಸಮತ್ತಂ.