೨. ರೂಪಸುತ್ತಂ

೩೨೩. ಸಾವತ್ಥಿನಿದಾನಂ. ‘‘ಯೋ, ಭಿಕ್ಖವೇ, ರೂಪೇಸು ಛನ್ದರಾಗೋ, ಚಿತ್ತಸ್ಸೇಸೋ ಉಪಕ್ಕಿಲೇಸೋ. ಯೋ ಸದ್ದೇಸು… ಯೋ ಗನ್ಧೇಸು… ಯೋ ರಸೇಸು… ಯೋ ಫೋಟ್ಠಬ್ಬೇಸು… ಯೋ ಧಮ್ಮೇಸು ಛನ್ದರಾಗೋ, ಚಿತ್ತಸ್ಸೇಸೋ ಉಪಕ್ಕಿಲೇಸೋ. ಯತೋ ಖೋ, ಭಿಕ್ಖವೇ, ಭಿಕ್ಖುನೋ ಇಮೇಸು ಛಸು ಠಾನೇಸು ಚೇತಸೋ ಉಪಕ್ಕಿಲೇಸೋ ಪಹೀನೋ ಹೋತಿ, ನೇಕ್ಖಮ್ಮನಿನ್ನಞ್ಚಸ್ಸ ಚಿತ್ತಂ ಹೋತಿ. ನೇಕ್ಖಮ್ಮಪರಿಭಾವಿತಂ ಚಿತ್ತಂ ಕಮ್ಮನಿಯಂ ಖಾಯತಿ, ಅಭಿಞ್ಞಾ ಸಚ್ಛಿಕರಣೀಯೇಸು ಧಮ್ಮೇಸೂ’’ತಿ. ದುತಿಯಂ.