೨. ಮೇಖಲಾದಾಯಿಕಾಥೇರೀಅಪದಾನಂ

೨೦. ‘‘ಸಿದ್ಧತ್ಥಸ್ಸ ಭಗವತೋ, ಥೂಪಕಾರಾಪಿಕಾ ಅಹುಂ [ಥೂಪಕಾರ ಮಕಾಸಹಂ (ಸ್ಯಾ.)];

ಮೇಖಲಿಕಾ ಮಯಾ ದಿನ್ನಾ, ನವಕಮ್ಮಾಯ ಸತ್ಥುನೋ.

೨೧. ‘‘ನಿಟ್ಠಿತೇ ಚ ಮಹಾಥೂಪೇ, ಮೇಖಲಂ ಪುನದಾಸಹಂ;

ಲೋಕನಾಥಸ್ಸ ಮುನಿನೋ, ಪಸನ್ನಾ ಸೇಹಿ ಪಾಣಿಭಿ.

೨೨. ‘‘ಚತುನ್ನವುತಿತೋ ಕಪ್ಪೇ, ಯಂ ಮೇಖಲಮದಂ ತದಾ;

ದುಗ್ಗತಿಂ ನಾಭಿಜಾನಾಮಿ, ಥೂಪಕಾರಸ್ಸಿದಂ ಫಲಂ.

೨೩. ‘‘ಕಿಲೇಸಾ ಝಾಪಿತಾ ಮಯ್ಹಂ…ಪೇ… ವಿಹರಾಮಿ ಅನಾಸವಾ.

೨೪. ‘‘ಸ್ವಾಗತಂ ವತ ಮೇ ಆಸಿ…ಪೇ… ಕತಂ ಬುದ್ಧಸ್ಸ ಸಾಸನಂ.

೨೫. ‘‘ಪಟಿಸಮ್ಭಿದಾ ಚತಸ್ಸೋ…ಪೇ… ಕತಂ ಬುದ್ಧಸ್ಸ ಸಾಸನಂ’’.

ಇತ್ಥಂ ಸುದಂ ಮೇಖಲಾದಾಯಿಕಾ ಭಿಕ್ಖುನೀ ಇಮಾ ಗಾಥಾಯೋ ಅಭಾಸಿತ್ಥಾತಿ.

ಮೇಖಲಾದಾಯಿಕಾಥೇರಿಯಾಪದಾನಂ ದುತಿಯಂ.