೯. ತೋದೇಯ್ಯಮಾಣವಪುಚ್ಛಾ

೧೦೯೪. ‘‘ಯಸ್ಮಿಂ ಕಾಮಾ ನ ವಸನ್ತಿ, (ಇಚ್ಚಾಯಸ್ಮಾ ತೋದೇಯ್ಯೋ)

ತಣ್ಹಾ ಯಸ್ಸ ನ ವಿಜ್ಜತಿ;

ಕಥಂಕಥಾ ಚ ಯೋ ತಿಣ್ಣೋ, ವಿಮೋಕ್ಖೋ ತಸ್ಸ ಕೀದಿಸೋ’’.

೧೦೯೫. ‘‘ಯಸ್ಮಿಂ ಕಾಮಾ ನ ವಸನ್ತಿ, (ತೋದೇಯ್ಯಾತಿ ಭಗವಾ)

ತಣ್ಹಾ ಯಸ್ಸ ನ ವಿಜ್ಜತಿ;

ಕಥಂಕಥಾ ಚ ಯೋ ತಿಣ್ಣೋ, ವಿಮೋಕ್ಖೋ ತಸ್ಸ ನಾಪರೋ’’.

೧೦೯೬. ‘‘ನಿರಾಸಸೋ ಸೋ ಉದ ಆಸಸಾನೋ, ಪಞ್ಞಾಣವಾ ಸೋ ಉದ ಪಞ್ಞಕಪ್ಪೀ;

ಮುನಿಂ ಅಹಂ ಸಕ್ಕ ಯಥಾ ವಿಜಞ್ಞಂ, ತಂ ಮೇ ವಿಯಾಚಿಕ್ಖ ಸಮನ್ತಚಕ್ಖು’’.

೧೦೯೭. ‘‘ನಿರಾಸಸೋ ಸೋ ನ ಚ ಆಸಸಾನೋ, ಪಞ್ಞಾಣವಾ ಸೋ ನ ಚ ಪಞ್ಞಕಪ್ಪೀ;

ಏವಮ್ಪಿ ತೋದೇಯ್ಯ ಮುನಿಂ ವಿಜಾನ, ಅಕಿಞ್ಚನಂ ಕಾಮಭವೇ ಅಸತ್ತ’’ನ್ತಿ.

ತೋದೇಯ್ಯಮಾಣವಪುಚ್ಛಾ ನವಮಾ ನಿಟ್ಠಿತಾ.