೨. ತಿಸ್ಸಮೇತ್ತೇಯ್ಯಮಾಣವಪುಚ್ಛಾ

೧೦೪೬. ‘‘ಕೋಧ ಸನ್ತುಸಿತೋ ಲೋಕೇ, (ಇಚ್ಚಾಯಸ್ಮಾ ತಿಸ್ಸಮೇತ್ತೇಯ್ಯೋ)

ಕಸ್ಸ ನೋ ಸನ್ತಿ ಇಞ್ಜಿತಾ;

ಕೋ ಉಭನ್ತಮಭಿಞ್ಞಾಯ, ಮಜ್ಝೇ ಮನ್ತಾ ನ ಲಿಪ್ಪತಿ [ಲಿಮ್ಪತಿ (ಕ.)];

ಕಂ ಬ್ರೂಸಿ ಮಹಾಪುರಿಸೋತಿ, ಕೋ ಇಧ ಸಿಬ್ಬಿನಿಮಚ್ಚಗಾ’’.

೧೦೪೭. ‘‘ಕಾಮೇಸು ಬ್ರಹ್ಮಚರಿಯವಾ, (ಮೇತ್ತೇಯ್ಯಾತಿ ಭಗವಾ)

ವೀತತಣ್ಹೋ ಸದಾ ಸತೋ;

ಸಙ್ಖಾಯ ನಿಬ್ಬುತೋ ಭಿಕ್ಖು, ತಸ್ಸ ನೋ ಸನ್ತಿ ಇಞ್ಜಿತಾ.

೧೦೪೮. ‘‘ಸೋ ಉಭನ್ತಮಭಿಞ್ಞಾಯ, ಮಜ್ಝೇ ಮನ್ತಾ ನ ಲಿಪ್ಪತಿ;

ತಂ ಬ್ರೂಮಿ ಮಹಾಪುರಿಸೋತಿ, ಸೋ ಇಧ ಸಿಬ್ಬಿನಿಮಚ್ಚಗಾ’’ತಿ.

ತಿಸ್ಸಮೇತ್ತೇಯ್ಯಮಾಣವಪುಚ್ಛಾ ದುತಿಯಾ ನಿಟ್ಠಿತಾ.