೯. ತೋದೇಯ್ಯಮಾಣವಪುಚ್ಛಾ

೧೧೩. ‘‘ಯಸ್ಮಿಂ ಕಾಮಾ ನ ವಸನ್ತಿ, [ಇಚ್ಚಾಯಸ್ಮಾ ತೋದೇಯ್ಯೋ]

ತಣ್ಹಾ ಯಸ್ಸ ನ ವಿಜ್ಜತಿ;

ಕಥಂಕಥಾ ಚ ಯೋ ತಿಣ್ಣೋ, ವಿಮೋಕ್ಖೋ ತಸ್ಸ ಕೀದಿಸೋ’’.

೧೧೪. ‘‘ಯಸ್ಮಿಂ ಕಾಮಾ ನ ವಸನ್ತಿ, [ತೋದೇಯ್ಯಾತಿ ಭಗವಾ]

ತಣ್ಹಾ ಯಸ್ಸ ನ ವಿಜ್ಜತಿ;

ಕಥಂಕಥಾ ಚ ಯೋ ತಿಣ್ಣೋ, ವಿಮೋಕ್ಖೋ ತಸ್ಸ ನಾಪರೋ’’.

೧೧೫. ‘‘ನಿರಾಸಸೋ ಸೋ ಉದ ಆಸಸಾನೋ [ಆಸಯಾನೋ (ಕ.)], ಪಞ್ಞಾಣವಾ ಸೋ ಉದ ಪಞ್ಞಕಪ್ಪೀ;

ಮುನಿಂ ಅಹಂ ಸಕ್ಕ ಯಥಾ ವಿಜಞ್ಞಂ, ತಂ ಮೇ ವಿಯಾಚಿಕ್ಖ ಸಮನ್ತಚಕ್ಖು’’.

೧೧೬. ‘‘ನಿರಾಸಸೋ ಸೋ ನ ಚ ಆಸಸಾನೋ, ಪಞ್ಞಾಣವಾ ಸೋ ನ ಚ ಪಞ್ಞಕಪ್ಪೀ;

ಏವಮ್ಪಿ ತೋದೇಯ್ಯ ಮುನಿಂ ವಿಜಾನ, ಅಕಿಞ್ಚನಂ ಕಾಮಭವೇ ಅಸತ್ತ’’ನ್ತಿ.

ತೋದೇಯ್ಯಮಾಣವಪುಚ್ಛಾ ನವಮಾ.