೯. ಉಪ್ಪಜ್ಜತಿಜಾನನಪಞ್ಹೋ

೯. ರಾಜಾ ಆಹ ‘‘ಭನ್ತೇ ನಾಗಸೇನ, ಯೋ ಉಪ್ಪಜ್ಜತಿ, ಜಾನಾತಿ ಸೋ ‘ಉಪ್ಪಜ್ಜಿಸ್ಸಾಮೀ’’’ತಿ? ‘‘ಆಮ, ಮಹಾರಾಜ, ಯೋ ಉಪ್ಪಜ್ಜತಿ ಜಾನಾತಿ ಸೋ ‘ಉಪ್ಪಜ್ಜಿಸ್ಸಾಮೀ’’’ತಿ. ‘‘ಓಪಮ್ಮಂ ಕರೋಹೀ’’ತಿ. ‘‘ಯಥಾ, ಮಹಾರಾಜ, ಕಸ್ಸಕೋ ಗಹಪತಿಕೋ ಬೀಜಾನಿ ಪಥವಿಯಂ ನಿಕ್ಖಿಪಿತ್ವಾ ಸಮ್ಮಾ ದೇವೇ ವಸ್ಸನ್ತೇ ಜಾನಾತಿ ‘ಧಞ್ಞಂ ನಿಬ್ಬತ್ತಿಸ್ಸತೀ’’’ತಿ? ‘‘ಆಮ, ಭನ್ತೇ, ಜಾನೇಯ್ಯಾ’’ತಿ. ‘‘ಏವಮೇವ ಖೋ, ಮಹಾರಾಜ, ಯೋ ಉಪ್ಪಜ್ಜತಿ, ಜಾನಾತಿ ಸೋ ‘ಉಪ್ಪಜ್ಜಿಸ್ಸಾಮೀ’’’ತಿ.

‘‘ಕಲ್ಲೋಸಿ, ಭನ್ತೇ ನಾಗಸೇನಾ’’ತಿ.

ಉಪ್ಪಜ್ಜತಿಜಾನನಪಞ್ಹೋ ನವಮೋ.