೩. ಬುದ್ಧಸಞ್ಞಕತ್ಥೇರಅಪದಾನಂ

೯. ‘‘ದುಮಗ್ಗೇ ಪಂಸುಕೂಲಿಕಂ, ಲಗ್ಗಂ ದಿಸ್ವಾನ ಸತ್ಥುನೋ;

ತತೋ ತಮಞ್ಜಲಿಂ ಕತ್ವಾ, ಪಂಸುಕೂಲಂ ಅವನ್ದಹಂ.

೧೦. ‘‘ದ್ವೇನವುತೇ ಇತೋ ಕಪ್ಪೇ, ಯಂ ಕಮ್ಮಮಕರಿಂ ತದಾ;

ದುಗ್ಗತಿಂ ನಾಭಿಜಾನಾಮಿ, ಬುದ್ಧಸಞ್ಞಾಯಿದಂ ಫಲಂ.

೧೧. ‘‘ಇತೋ ಚತುತ್ಥಕೇ ಕಪ್ಪೇ, ದುಮಸಾರೋಸಿ ಖತ್ತಿಯೋ;

ಚಾತುರನ್ತೋ ವಿಜಿತಾವೀ, ಚಕ್ಕವತ್ತೀ ಮಹಬ್ಬಲೋ.

೧೨. ‘‘ಪಟಿಸಮ್ಭಿದಾ ಚತಸ್ಸೋ…ಪೇ… ಕತಂ ಬುದ್ಧಸ್ಸ ಸಾಸನಂ’’.

ಇತ್ಥಂ ಸುದಂ ಆಯಸ್ಮಾ ಬುದ್ಧಸಞ್ಞಕೋ ಥೇರೋ ಇಮಾ ಗಾಥಾಯೋ ಅಭಾಸಿತ್ಥಾತಿ.

ಬುದ್ಧಸಞ್ಞಕತ್ಥೇರಸ್ಸಾಪದಾನಂ ತತಿಯಂ.